Linge 82 - Ghari

God Aia na Tagao Loki Tsapakae

¹ Aia God nogo e tagaovia na totogoko i laona niqira saikolu i baragata; mi laona niqira saikolu igira na god aia e sauvulagia nina papada me tsarivanigira:

² “!Igamu nimui aqo ti kamu molole saikesalia na pede riu; ma na bulu bâ koniqira na tinoni vanga tsutsukibo!

³ Kamu isutuguqira igira ara tau tamanina sa omea, migira goto na baka tinamate; ma kamu pede atsaligira igira ara kilia na sasanga, migira goto e tagara kesa ke sangagira.

⁴ Kamu laumaurisigira tania na limaqira na tinoni vanga nauseko.

⁵ “!E pono nomoa na tobamui igamu, mamu tau dona sa omea! Igamu amu liu saikesa moa i laona na rodo, ma na pedegoto e nanga taninogoa na barangengo.

⁶ Minau au tsaria laka ‘Igamu na god, eo, igamu sui na dalena nogo na God Susuliga Sosongo.’

⁷ Me sauba nomoa igamu kamu mate vaga nogo igira sui na tinoni lê; ma na maurimui sauba ke tamani susuina vaga nogo na mauriqira pipi sui na tinoni taovia.”

⁸ God, ko mai mo ko tagaovia na barangengo; rongona igoe nogo o tamanigira na puku na tinoni sui lakalaka.