Linge 47 - Ghari

God e Tagaovi Kaputia Na Barangengo Popono

¹ !Igamu na tinoni sui kamu taporia na limamui, ma kamu gudato vania God tana linge na mage!

² Rongona na Taovia Susuliga Sosongo e kukuniga sosongo, me taovia tsapakae kaputia na barangengo popono.

³ Aia nogo e sangagita ti igita a gini tangomana kaputigira na toga me naua migita a gini tagao kaputigira na puku tavosi sui.

⁴ Aia nogo e vilivanigita na kao tana igita a totu konina, migita a gini kaekae na tamaniana, igita nina tinoni aia e galuvegita dou sosongo.

⁵ God e dato ke ba totu tana nina sasana na totukae i gotu. Ara gudato tana mage mara uvigira na tavuli.

⁶ !Lingena na tsonikaeana nida God, lingena na tsonikaeana nida taovia tsapakae!

⁷ !God aia nogo e taovia tsapakae kaputia na barangengo popono, ka linge vania ma ka tsonikaea!

⁸ God e totukae tana nina belatabu me tangoli kaputigira na puku sui.

⁹ Igira niqira tagao na puku tavosi sui ara viri labasai kolugira nina tinoni nina God a Abraham. Aia e susuliga sosongo bâ liusigira pipi sui lakalaka na alaala na malagai; maia segeni e taovia loki tsapakae.