Linge 4 - Ghari

Nina Nonginongi Kesa Tinoni Tana Ngulavi Rongona God Ke Sangâ

¹ !Niqu God, igoe nogo o isutuguqu! Mi kalina ti kau nongigo, migoe ko rongomia niqu nonginongi. Kalina inau au totu i laona na rota, migoe nogo o sangaau. Mi kalina eni au nongigo ko rongomia niqu nonginongi.

² ?Sauba ke oka koegua sagata kamu tsiriau lê igamu na tinoni? ?Me ke oka koegua sagata kamu padalokigira igira na omea tagara rongona; ma kamu gini boe moa na muriana na omea peropero lê?

³ Padatugudoua laka na Taovia aia e viligira nogo igira e goto niqira sasaga kara lia nina tinoni segeni, maia nogoria e rongomiau inau kalina au soâ.

⁴ Kamu gariri tana matagu ma kamu mololea na nauana na sasi; ma kamu pada mamavasia na omea iani, kalina kamu tsaro mui i nigemui.

⁵ Savoria nimui vangalaka dou vania na Taovia, mi konina nogo aia, kamu vataraginia nimui tutuni.

⁶ Ara danga sosongo rago ara nonginongi vaga iani: “!Taovia ko tusumaia vanigami ke danga bâ na vangalaka. Mi tana nimu galuve ko moromai i konimami!”

⁷ Eo, ma na magemage dou igoe o saunogoa vaniau aia e loki liusi sosongolia bâ na mage ara tamanina igira, kolu pipi sui niqira lakana na mutsa ma na uaeni.

⁸ Kalina inau au tsaro, mau dona na maturu saviliu; rongona igoe segeni moa Taovia o vangataoau dou sosongo.