Linge 3 - Ghari

Nina Nonginongi Kesa Tinoni Tana Matsaraka Rongona God Ke Sangâ

¹ !Taovia, ara danga sosongo bâ gaqu gala, mara danga sosongo ara tsonikidaqu!

² Igira ara goko mara tsarivaganana iani tana rongoqu, “Sauba God e utu lelê ke sangaa.”

³ Migoe saikesa moa Taovia, o vaga gaqu tako; o sangaau mau gini tangomana, mo malagaisiau mau gini tukakai.

⁴ Au nongia na Taovia ke sangaau, me tû tana nina vungavunga tabu aia e rongomiau.

⁵ Au tsaro mau maturu, maia na Taovia e reitutuguau tana bongi popono.

⁶ Inau au tau matagunigira na toga gaqu gala, igira ara tupoliau tabana mi tabana.

⁷ !Taovia ko mai! !Niqu God, ko maurisiau! Ko kedegira sui gaqu gala, mo ko pualasilea gaqira susuliga gana na sekoliginiaqu.

⁸ Na tangomana e talumai i konimu igoe Taovia, migoe ko tû mo ko vangalaka vanigira nimu toga.