Linge 149 - Ghari

Kesa na Linge na Tsonikaeana na Taovia

¹ !Tsonikaea na Taovia! Linge na linge vaolu vania na Taovia. Tsonikaea i laona niqira saikolu igira nina tinoni.

² !Kamu gini magemage igamu na Israel, rongona God nogo e aqosigamu; kamu gini mage loki igamu na toga ni Sion, tana rongona nimui taovia tsapakae!

³ Tsonikaea na asana ma kamu gavai vania; taigira na kuku ma na itai tatangi tana tsonikaeana.

⁴ Na Taovia e reingao sosongoligira nina tinoni; E molokaegira igira ara palatsuna mara gini tangomana tana vailabu.

⁵ Kara gini magemage nina tinoni God rongona e managaqira tana vailabu, kara linge tana magemage na bongi popono.

⁶ Kara gudato kalina ara tsonikaea God, kolua na isi vavanga tana limaqira,

⁷ gana kara tuliusiginigira na puku tavosi sui, ma kara kedegira na tinoni i laoqira;

⁸ kara soriginigira na itai tapala niqira taovia tsapakae; ma niqira ida tana barina na itai tapala;

⁹ ma kara kedegira na puku tavosi sui vaga nogo God e ketsaligira kara naua. Iani nogo e vaga niqira tangomana igira nina tinoni God. !Tsonikaea na Taovia!