Linge 138 - Ghari

Kesa na Nonginongi na Soadouana God

¹ Taovia, au soadougo tana tobaqu popono; mau tsonikaego i mataqira na angelo.

² Au tsuporu vanigo i matana nimu Vale Tabu, mau tsonikaea na asamu rongona igoe o mana vaniau ma nimu galuve e vo oli; mo sauvulagia vaniau laka na asamu igoe, migira sui nimu ketsa, ara loki tsapakae.

³ Mi kalina inau au soago, migoe o rongomiau; ma na susuligamu nogo igoe o susuligasiginia na tidaoqu.

⁴ Taovia, igira sui na taovia tsapakae tana barangengo ara rongomia na omea igoe o tsaria, me sauba kara tsonikaeginigo.

⁵ Sauba kara linge tana rongoqira na omea sui o aqosigira, rongona na mararamu igoe e loki tsapakae.

⁶ E atsa moa ti igoe o paladato bâ i gotu vasau, migoe o arago sosongoligira nomoa igira ara totu palatsuna, migira ara kaekae e tau tangomana vanigira kara taopoi tanigo igoe.

⁷ Atsa moa ti e gadoviau na rota danga, migoe o maurisiau. Igoe o sugaria niqira momosatoba gaqu gala, mi tana susuligamu o laumaurisiau.

⁸ Taovia, au dona laka sauba ko manaligira na omea sui igoe o vekenogoa vaniau, rongona nimu galuve e totu saviliu. Ko suilavaginia na aqo igoe o tuturiga nogoa i laona tobaqu.