Linge 130 - Ghari

Kesa Tinoni e Nongia God Ke Sangâ

¹ I laona niqu rota loki au ngangaidato vanigo Taovia.

² !Taovia ko rongomia niqu nonginongi; ko rongomiau kalina au ngangaidato vanigo ko sangaau!

³ ?Ti vaga igoe ko tsokogira sui nimami sasi, me sauba asei ke ulagana na ba tû i matamu igoe?

⁴ Migoe o padalegira moa nimami sasi, rongona o ngaoa igami kami kukuni tanigo.

⁵ Au pitu sosongolia na Taovia ke sangaau, mau norukakaia moa nina tsaqina goko.

⁶ Au amesia na Taovia ke sangaau, liusia niqira amesi igira na mane matali tana bongi kalina ara pitu sosongolia ke vovomai tsaku na dani.

⁷ Igamu na tinoni ni Israel, kamu norukakaia na Taovia, rongona nina galuve e vo oli, maia e padangao sailaginia ke maurisigira nina tinoni.

⁸ Eo, sauba ke maurisigira nina tinoni ni Israel tanigira pipi sui niqira sasi.