Linge 129 - Ghari

Igira na Israel Ara Nongia God Ke Kedegira Gaqira Gala

¹ Igoe Israel, ko tsarivanigami laka e koegua vaga ti igira gamu gala ara rotasigo moa, tuturiga kalina igoe o vavaolu moa.

² “Tû kalina inau au vavaolu moa igira gaqu gala ara rotasi sosongoliau, mara tau lelê susuliga liusiau.

³ Ara ramitsia na gotuqu me viri kukubuabua vaga moa na rereina na tavugi ara ovua tana uta.

⁴ Maia na Taovia, aia e gotolaka sosongo, e laumaurisiau tania na mauri tseka.”

⁵ Igira sui ara reisavia Sion ke tau managaqira ma kara sugavisu lê.

⁶ Igira sui kara vaga saikesa moa na buruburu e vovodato lê i kelana na vale, e tau vati dato loki me makede lê;

⁷ e tagara goto ke kesa ke tsakogira, se ke ivogogira me ke adilakagira.

⁸ Me tagara goto ke kesa ke liu bâ i tana me ke tsaria vanigira na goko vaga iani: “Na Taovia ke vangalaka vanigamu. Igami ami soadougamu tana asana na Taovia.”