Linge 127 - Ghari

Na Tsonikaeana God Tana Rongona Nina Doulaka

¹ Ti vaga na Taovia ke tau sangâ na logovale, ma niqira aqo igira ara logovale e puala lê; me ti vaga na Taovia ke tau reitutugua na vera, ma niqira aqo igira ara matali vera e puala lê goto.

² E tagara sa rongona na aqo kakai matena na mauri, na tû matsaraka bongibongi ma na liusiana na tagu na maturu tana bongi. Rongona na Taovia e tusu lê omea vanigira ara galuvea kalina igira ara maturu.

³ Na tamani baka aia nogo na vangalaka e talumai i konina na Taovia; igira nogo nina sausau manana God vanigita.

⁴ Igira na dalena mane kesa tinoni e tamanigira kalina aia e vaolu moa, ara vaga na pipili tana limana kesa na malagai.

⁵ Ke mage aia na mane e tamanigira danga nina pipili vaga ia. Sauba igira kara sangâ me ke managana kalina aia ke tsodogira gana gala tana sasana na pede.