Linge 125 - Ghari

God e Aragogira Dou Nina Tinoni

¹ Igira ara norua na Taovia ara vaga moa na Vungavunga Sion, aia e utu lelê ke olaola, me utu goto ke ratsubamai.

² Na Taovia e mataligira dou nina tinoni, me vaga igira na vungavunga ara viri totu polipolia na Jerusalem, vaga goto na Taovia aia e totu polipoligira nina tinoni, i dani eni mi tana dani ma na dani.

³ Igira na vanga tsutsukibo e utu kara tagaovikaputi sailaginia na veraqira na tinoni e goto niqira sasaga. Me ti vaga kara nauvaganana ia, me tau utu igira segeni goto na tinoni dou kara naua na omea e seko.

⁴ Taovia ko naudou vanigira igira e dou niqira sasaga, mara muridougira nimu ketsa.

⁵ Mi kalina igoe ko tû na kedeaqira na vanga tsutsukibo, mo ko kedegira goto igira ara sove na muriana nimu sautu. !Na rago ke totu i Israel!