Linge 114 - Ghari

Na Linge na Bongi Tabu na Paseka

¹ Kalina igira na toga ni Israel ara mololea i Ejipt, kalina igira na kukuana a Jakob ara mololea niqira kao na tinoni ni veratavosi,

² mi tana ma na Juda ara lia nina tinoni tabu na Taovia, ma na Israel ara lia nina tamani segeni nogo aia.

³ Ma na Tasi Tsitsi e morosia na omea vaga ia, me tû me tsogoligi; ma na Kô Jordan e tavongani tsobo lê na tatarina.

⁴ Na vungavunga ara viri tsiputsaka vaga moa na naniqoti; migira na tetena ara viri tsipubamai vaga moa na dalena sipi.

⁵ ?Nagua e laba vanigo ti o gini tsogoligi igoe na Tasi Tsitsi? ?Migoe na Kô Jordan e gua vaga ti e tavongani tsobo lê na tatarimu?

⁶ ?Migamu na vungavunga egua vaga ti amu tsiputsaka vaga moa na naniqoti? ?Migamu na tetena egua vaga ti amu tsipubamai vaga moa na dalena sipi?

⁷ Igoe na barangengo, ko kasisi i matana na Taovia, aia nina God a Jakob,

⁸ aia nogo e oligira na nauna vatuvatuga mara lia na mao qilomoti na kô, mi tana maragova ara bugudato mai na vuravura.