Linge 113 - Ghari

Na Linge na Tsonikaeana na Taovia Rongona Aia e Dou Sosongo

¹ !Tsonikaea na Taovia! !Igamu nina tinoni aqo na Taovia kamu tsonikaea na asana!

² !Soadoua na asana na Taovia i dani eni, mi tana dani ma na dani!

³ Ke tû tana e dato na aso, me ke tsau bâ tana e sû, kamu tsonikaea na asana na Taovia.

⁴ Na Taovia e tagaovi kaputigira na mamatana tinoni sui; ma na mararana e tsaudato i gotu vasau tana masaoka.

⁵ Me tagara goto ke kesa ke atsa kolua na Taovia nida God. Aia e totu i gotu ba vasau,

⁶ me gogoro tsuna ke reigira na omea sui i gotu mi lao.

⁷ E tatatuugira tania na papasa igira ara tau tamanina sa omea; me sulukaegira tania niqira rota loki igira ara kilia na sasanga,

⁸ me naugira kara dulisai kolugira na tinoni taovia, igira ara taovia tagao vanigira nina tinoni.

⁹ Maia e galuvea na daki tauga e mamane, me sauvania danga na dalena; me gini mage sosongo na daki ia i laona na valena. !Tsonikaea na Taovia!