Linge 110 - Ghari

Na Taovia ma na Taovia Tsapakae Aia e Vilinogoa

¹ Na Taovia e tsarivania niqu taovia: “Ko totu ieni tana madoaqu, poi tsau kalina kau tsogori tsunagira gamu gala ma kara tseka vanigo.”

² Sauba na Taovia ke tû i Sion me ke pabovanigo gamu susuliga, me ke tsaria: “Igoe ko tagaovi kaputigira gamu gala.”

³ Mi tana dani igoe ko labugira gamu gala, migira nimu tinoni sauba kara sangago lê. Vaga nogo na kolobu tana matsaraka bongibongi igira nimu borau sauba kara mai i konimu tana vungavunga tabu.

⁴ Na Taovia e vatsa nogo me utu goto ke olia nina veke. Aia e tsarivaganana: “Igoe o manetabu saviliu vaga nogo a Melkisedek.”

⁵ Na Taovia e totu nogo tana madoamu, mi kalina aia ke kore loki, me sauba ke tuliusigira igira sui na taovia tsapakae.

⁶ Maia sauba ke kedegira na puku tavosi, ma na kubuqira na tinoni mate kara viri tsaro i tana ara vailabu. Aia nogo ke tuliusigira na taovia tsapakae sui tana barangengo popono.

⁷ Ma na taovia tsapakae aia, sauba ke inuvia na kô e tsatsali tave ligisana na sautu, aia nogo ke gini susuliga me ke managana.