ԳԻՐՔ ՍԱՂՄՈՍԱՑ 81 - Գրաբար Աստվածաշունչ (1895)ՍԱՂՄՈՍ ՁԱ (ՁԲ) Սաղմոս Ասափայ։ 1 Աստուած եկաց ի ժողովս աստուածոց, եւ ի միջի նոցա՝՝ դատէր զնոսա։ 2 Մինչեւ յե՞րբ դատիք անիրաւութեամբ, եւ ակն առնուք մեղաւորաց։ 3 Դատ արարէք որբոյն եւ այրւոյ, իրաւունս արարէք տնանկին եւ խոնարհի։ 4 Ապրեցուցէք զաղքատն եւ զտնանկն, ի ձեռաց մեղաւորի փրկեցէք զնոսա։ 5 Ոչ իմացան եւ ոչ ի միտ առին, ի խաւարի գնացին, եւ շարժեցան ամենայն հիմունք երկրի։ 6 Ես ասացի թէ աստուածք իցէք, կամ որդիք Բարձրելոյ ամենեքեան։ 7 Դուք աւադիկ որպէս մարդիկ մեռանիք, եւ որպէս զմի յիշխանաց անկանիք։ 8 Արի, Աստուած, եւ դատեա զերկիր, զի դու ժառանգեսցես զամենայն հեթանոսս։ |