ՄՆԱՑՈՐԴԱՑ ԱՌԱՋԻՆ 4 - Գրաբար Աստվածաշունչ (1895)1 Որդիք Յուդայ Փարէս, Եսրոմ եւ Քարմի եւ Ովր եւ Սուբաղ, 2 եւ Կերիա որդի նորա. եւ Սուբաղ՝՝ ծնաւ զՅէթ, եւ Յէթ ծնաւ զԱքիմայի եւ զՂադա. սոքա են ծնունդք Սարաթեայ։ 3 Եւ սոքա են որդիք Ետամայ, Յեսրայէլ եւ Յեսմա եւ Գաբէս, եւ անուն քեռ նոցա Եսեղեփոն։ 4 Եւ Փանուէլ հայր Գեդուրայ. եւ Եզեր՝ հայր Ովսանայ. եւ սոքա են որդիք Ովրայ անդրանկանն Եփրաթայ՝ հօրն Բեթղեհեմայ։ 5 Եւ Ասքուրայ՝ հօրն Թեկուայ էին երկու կանայք, Աաղա եւ Նաարա. 6 եւ ծնաւ նմա Նաարա զՈքոզամ եւ զՆեփադ եւ զԹեման եւ զԱսթերան. ամենեքեան սոքա որդիք Նաարա։ 7 Եւ որդիք Աաղայ՝ Սարեթ եւ Ասաար եւ Եթնադի։ 8 Եւ Կովս ծնաւ զԵգնովբ, եւ զՍովբերա, եւ այս են ծնունդք եղբօրն Հռեքաբայ՝՝ որդւոյ Յարիմայ։ 9 Եւ էր Գաբէս փառաւոր քան զեղբարսն իւր, եւ մայրն կարդաց զանուն նորա Գաբէս, եւ ասէ. Ծնայ իբրեւ զԳաբէս՝՝։ 10 Եւ կոչեաց Գաբէս զԱստուած Իսրայելի եւ ասէ. Եթէ օրհնելով օրհնեսցես զիս, եւ յաճախեսցես զսահմանս իմ. եւ եղիցի ձեռն քո ընդ իս, եւ արասցես գիտութիւն՝ ոչ խոնարհեցուցանել զիս՝՝։ Եւ ած Ատուած ի վերայ նորա զամենայն զոր ինչ խնդրեաց։ 11 Եւ Քաղեբ հայր Եսքասայ՝՝ ծնաւ զՄաքիր. սա է հայր Ասթոնայ։ 12 Եւ Ասթոն ծնաւ զՅատրոփա եւ զՓեսէ եւ զԹանա եւ զհայրն քաղաքին Նաասայ, եղբօրն Եսեղովնի Կենեզացւոյ՝՝. սոքա են արք Հռեփայ։ 13 Եւ որդիք Կենեզայ՝ Գոթոնիէլ եւ Սարայիա. եւ որդիք Գոթոնիելի՝ Աթաթ։ 14 Եւ Մանաթի ծնաւ զԳոփորայ, եւ Սարայիա ծնաւ զՅովաբ զհայրն Գերսասիմայ. քանզի հիւսունք էին։ 15 Եւ որդիք Քաղեբայ Յեփոնէ, Եղա եւ Նաամ. եւ որդիք Արամայ՝ Կենէզ. 16 եւ որդիք Յայելելի Զիփ եւ Զեփա եւ Թիրա եւ Եսրայէլ։ 17 Եւ որդիք Եզրայի Յեթեր, Մովրադ եւ Գափեր. եւ Աղոն ծնաւ զՅեթեր եւ զՄարոն եւ զՅեսմա, եւ զԱյեսբա՝՝ զհայրն Էսթեմոնայ։ 18 Եւ կին նորա ծնաւ զՅարեդ, զհայրն Գեդովրայ, եւ զՅաբար զհայրն Սաքովնայ, եւ զՅեքթիէլ զհայրն Զովնանայ. եւ սոքա են որդիք Բեթթեայ դստերն փարաւոնի, զոր առ Մովրեդ։ 19 Եւ որդիք կնոջ Ովդեայ՝ քեռն Նաքիմայ, եւ Դանա հայր Կեսեայ, եւ Սիմէոն հայր Յովմամայ. եւ որդիք Նայեմայ հօր Կէիլայ՝ Ոտարմի եւ Յեսթեմոն եւ Մաքաթի՝՝։ 20 Եւ որդիք Սամիունայ՝ Ամնոն եւ Հռաննովն որդի Սնանայ՝՝, եւ Թիղոն. եւ որդի Յեսսեայ՝ Զովքաթ, եւ որդիք Զովքաթայ՝՝։ 21 Որդիք Սեղումայ. որդւոյ Յուդայ՝ Էր հայր Ղեքադայ, եւ Ղադաա հայր Մարեսայ. եւ ծնունդք նոցա՝ Եբդաթ, Աբուստան, Նեսոբա՝՝ 22 եւ Յովակիմ. եւ արք Քուզեբայ եւ Յովաս եւ Սարափ, որք բնակեցին ի Մովաբ. եւ դարձոյց նոցա զԱբեթար ի Նաթուկիմ՝՝։ 23 Սոքա էին բրուտք որք բնակէին յԱնատիմ, եւ ի Գաթերա ընդ թագաւորին ի թագաւորութեան նորա, զօրացան եւ՝՝ բնակեցին անդ։ 24 Որդիք Շմաւոնի՝ Նամուէլ եւ Յամին եւ Յարիբ, Զարեհ, Սաւուղ, 25 Սաղէմ որդի նորա, Բասան որդի նորա, Ասեման որդի նորա, 26 Մազբա որդի նորա, Ամուէլ որդի նորա, Սաբուդ որդի նորա,՝՝ Զաքուր որդի նորա, Սեմէի որդի նորա։ 27 Եւ Սեմեայ որդիք վեց եւ դստերք տասն. եւ եղբարց նոցա ոչ էին որդիք բազումք. եւ ամենայն տոհմն նոցա ոչ առաւելաւ իբրեւ զորդիսն Յուդայ։ 28 Եւ բնակեցին ի Բերսաբէէ եւ Սամաա եւ՝՝ Մովղադա եւ Ասերսուղա 29 եւ ի Բաաղա եւ ի Բաասոմ եւ ի Թուղադայ 30 եւ ի Բաթուղ եւ յԵրմա եւ ի Սիկեղակ 31 եւ Բեթմարա եւ Քաբորա, եւ կէսն Սեովսիմ եւ տունն Բարուայ եւ Սէովրիմայ՝՝. այսոքիկ են քաղաքք նոցա մինչեւ ցարքայ Դաւիթ. 32 եւ քաղաքք նոցա՝ Երամ եւ Երեմոն՝՝ եւ Թոքան եւ Եսան եւ Թեկեն՝՝, քաղաքք հինգ։ 33 Եւ ամենայն քաղաքք նոցա, եւ շուրջ զքաղաքօքն իւրեանց՝՝ մինչեւ ի Բաաղ. այս են կալուածք նոցա՝ եւ վիճակք իւրեանց։ 34 Եւ Մոսոբաբ եւ Յամղէկ եւ Յովսիա որդի Ամասեայ. 35 եւ Յովէլ եւ Յէու որդի Սաբեայ, որդի Սարեայ, որդի Ասիելի. 36 եւ Եղիոնէ եւ Յեկեբա եւ Յասթէ եւ՝՝ Յասուիա եւ Ասայիա եւ Եդիէլ եւ Իսմայէլ եւ Բանեա 37 եւ Զուզա որդի Սեփերեայ, որդւոյ Աղովնեայ, որդւոյ Յեդեայ, որդւոյ Սամարեայ, որդւոյ Սամուեայ։ 38 Սոքա են որ անցին յանուանս իշխանացն՝ յազգս իւրեանց, եւ ի տունս տոհմից իւրեանց բազմացան յաճախութեամբ։ 39 Եւ գնացին մինչեւ ի գալ ի Գերարա՝ մինչեւ յարեւելից Գայեայ, խնդրել արօտս անասնոց իւրեանց. 40 եւ գտին արօտս բազումս եւ բարիս. եւ երկիր ընդարձակ առաջի նոցա, եւ խաղաղութիւն եւ հանդարտութիւն. վասն զի յորդւոցն Քամայ էին որք բնակէին անդ յառաջ։ 41 Եւ եկին նոքա գրեալք յանուանէ յաւուրս Եզեկեայ արքայի Յուդայ, եւ հարին զբնակիչս նորա, եւ զՄինեցիսն զորս գտին անդ, եւ նզովեցին զնոսա մինչեւ յօրս յայս, եւ բնակեցին փոխանակ նոցա. վասն զի արօտս անասնոց իւրեանց գտին անդ։ 42 Եւ ի նոցանէ յորդւոցն Շմաւոնի գնացին ի լեառն Սէիրայ արք հինգ հարեւր, եւ Փաղատիա եւ Նովարիա եւ Հռափայիա եւ Ոզիէլ՝ որդիք Յեթեսեայ՝ իշխանք նոցա. 43 եւ հարին զմնացորդսն որք էին մնացեալք յԱմաղեկայ, եւ բնակեցին անդ մինչեւ յօրս յայս։ |