तीतुस 3 - गवली उनाई नियममसीही चाल-चालन 1 आपना विश्वासी कुरकू के यादो जे, कि दिकु इकुगा हाकिमकु एठा अधिकारीकु गा इटान थंदळकु, एठा दिकुगा हुकूम गा पालन डाए एठा दूसराकु गा घल्जी अच्छा कामय दडा गा घल्जी तैयार थंदळे। 2 दिकुके घाले कि दिकु जेका गा निंदा बाकी दडा, झगडा मिठाच बाने पेनो सेहेसेन मिठाच होना एठा जेका गा भी सेंग्गोन नम्र व्यवहार डाए। 3 चोयाकी आलेभी पेला, बेदिमाग, हुकूम बान आजोम मिंकू, एठा गलत डा। आले सेबाई प्रकार गा बुरा इच्छानौर एठा सुख विलास गा गुलाम डा। आले दुश्मनी दोडोमिंकू एठा खीजो दोडोन जीवन बिबातातिंज लक्के डा, दूसरा कुरकू आलेटे नफरत दडा डा एठा दिकुटे नफरत दडा डा। 4 पेनो जब आलेगा उध्दार दडामिठाच परमेश्वर गा कृपा एठा कोरोकु लिंजेन दियागा प्यार ओटजे, 5 मेटे डीचनी आलेके पापो गा दण्डो टे बचातिंजटे आलेगा उध्दार डाके, एठा इनी तुनिका धर्म गा कामय गा वोजीटे बाने, जो आलेनी एठा आपेनी डाके, पेनो इनी दियागा दया होय कि डीचनी पवित्र आत्मा जीटे आलेके बचातिंज्केमी, डीचनी आलेगा पापो के आबुंजटे आलेके उनाई जीवन जिले एठा उनाई स्वभाव जिले। 6 चोयाकी आलेगा उध्दार दडामिठाच प्रभु यीशु मसीह गा द्वारा परमेश्वर नी आलेके घोनेचटेका पवित्र आत्मा जिले होय। 7 देटे आले दियागा कृपा टे धर्मी ठहरातिंजू होना एठा हमेशा गा जीवन गा उत्तर अधिकारी आरु गा एठा हमेशा दियागा सेंग्गोन थंदळ गा आसा डोकी होना। 8 इनी बातो विश्वासनिय होय एठा इंज चाहतावा मेना कि आपे इनी विषयनौर लिंजेन येठाभी जोर जे, ताकी जोभी कुरकू नी परमेश्वर लिंजेन विश्वास डाके होय, दिकु भला कायम दडा गेन चालुकू। चोयाकी इनी बातो भाली एठा कोरोकु गा फायदा गा होय। कलह टे बचातिंज्कोम 9 पेनो बिना मतलब गा हिंजमान टे एठा कोणकु गा चर्चा टे, मेरा गा झागडा, मूसा गा नियम गा बारेन झागडानौर टे लेंक्कीन थंदळे, चोयाकी इनी सेबाई वोया होय एठा नुकसान दडामिनी होय। 10 मतभेद ओटमिंकू के म्या- बरी बार चेतावनी जे एठा डाबोलटे दिकुटे तुनिका संबंध बाकी दोडो। 11 आम हाडाई होय कि येनेगो कुरकू इकुगा कोरा टे आटजे होय, दिकु पापी होय एठा इकुका कामय गा द्वारा दोषी ठहरातिंजूबा होय। व्यक्तिगत शिक्षा एठा नमस्कार 12 जब इंज अमा मेरान अरतिमास एठा तुखिकुस के क्रेते द्वीप गेन कुलकू, मेटे आम इंजा मेरान निकुपुलिस शहर गेन हेजे गा कोशिश डाए, चोयाकी इंज्नी देटेन रराम टेमो ककाटातिंज गा निर्णय डाके होय। 13 जब वकील जेनास एठा अपुल्लोस बर्खिंज के भी दिकिंज गा यात्रा गेन मेहनत डाटे सम्मान ईडीकी, मेटे आपे दिकुगा मदत डाए एठा ध्यान डोए कि दिकिंज गा यात्रा गेन तुनिका चीजो गा कमी बाकी होना। 14 आलेगा कुरकू भी जारुरातनौर के पुपारा गा घल्जी अच्छा कामयनौर गेन चालु थंदळ इठोए। इनी रोंगो दिकु खुद गा जरुरत गा घल्जी दूसराकु लिंजेन निर्भर बाकी थंदळ, एठा दिकु म्या मकसद गा सेंग्गो जीवन बितातिंजे। अच्छा कामय 15 इंजा सेबाई सोप्तीकु गा आमके नमस्कार। जो विश्वास गा वोजीटे आलेटे प्यार दोडोवा होय दिकुके आलेगा नमस्कार। परमेश्वर गा कृपा आपे सेबाईकु लिंजेन डाऊ लक्कू। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation