रोमियो 7 - गवली उनाई नियमब्याह डाके जीवन गा उदहारण 1 हे विश्वासी डाईचो, आपेन मालूम होय (इंज मूसा गा नियम हाडाई मिंकूटे मंडीवा मेना) कि जब टाएन कोरो जीटा थंदळवा होय, मेटे टाएन दिया लिंजेन नियम गा हाक थंदळवा होय। 2-3 ब्याह डाके जापाएकु ब्याह गा नियम गा रोंगो हेजा सानाटे गा जीटा-जीटान दियाटे टोल्के होय, पेनो अगर साना गोएन टासो, मेटे डीच सानाटे गा नियम टे आराएन। इनिघल्जी अगर सानाटे गा जीटा-जीटान डीच तुनिका दूसरा धोटा गा आरोएन, मेटे आनोवा डाके मिठाच मंडीऊवा, पेनो अगर साना गोएन, कि मेटे डीच डी नियम टे आरागुवा, येटे टाएन कि अगर तुनिका दूसरा धोटा गा आरोएन कि तोभी आनोवा बान दडामिठाच ठहरातिंजूबा। 4 मेटे हे इंजा विश्वासी डाईचो, जब आपे मसीह गा सेंग्गोन गोएन, मेटे आपे मूसा गा नियम गा हाक गा घल्जी गोएन। नका आपे मसीह गा होय जो गोएन मिठाच जाटे जीटाएन होय, ताकी आपे परमेश्वर गा घल्जी फलदायी जीवन बिबातातिंज कि होना। 5 चोयाकी जब आले आलेगा पापी स्वभाव गा काबून डा, मेटे पापी इच्छानौर आलेगा कोम्बोर गेन कामय दडा लक्के डा डेगा फल गुजू डा, एठा मूसा गा नियम नी इनी बुरा इच्छानौर के बिटकेनेच। 6 आले डी मूसा गा नियम गा घल्जी गोएन, डीचनी म्या बार आलेके जेलेन केटकेमी डा। नका आले परमेश्वर गा सेवा दियागा आत्मा गा हुकूम मनातिंजटे उनाई तरीका टे डाए सकतावा होय, न कि जुना तरीका टे ओल्के नियम गा पालन डाके। नियम एठा पापो 7 मेटे आले चोच मंडे? चोच नियम पापो होय? बाने! बिल्कुल बाने! चोयाकी येटेन नियम का डा डीचनी इंज्के पापो टिपीके। इंजेन इनी एहसास डाएन कि लालीचो दडा पापो होय, चोयाकी इनी मूसा गा नियम गेन ओल्के मेना होय, “आपे लालीचो बाकी दडा।” 8 लेकिन डी हुकूम गा पापो नी इंज्के सेबाई रेंग्गो गा धोकेबाज इच्छानौर एठा लालीचो के बिबीट गा मौका घाटाएन। मूसा गा नियम गा अलावा, पापो म्या गुजू चीजो होय। 9 इंज मेटे मूसा गा नियम के चिचानाटे पेला जीटा डा, पेनो जब इंज्नी नियम के चिनाये मेटे इंजेन पापो दडा गा इच्छा डाएन एठा इंज आत्मिक रुपो गेन गोएन एठा परमेश्वर टे लेंक्कींजे। 10 डी हुकूम जो इंजा घल्जी जीटा थंदळ गा वाजा आरुमिनी डा, डी इंजागा घल्जी आत्मिक रुपोटे गुजू गा वाजा आरोएन। 11 चोयाकी पापो नी मौका घाटाटे हुकूम गा द्वारा इंज्के बहकातिंज्केमी, एठा डेगाका द्वारा इंज्के आत्मिक रुपोटे गोचकेमी भी। 12 इनिघल्जी मूसा गा नियम पाप बाने पेनो चोखरा एठा अच्छा होय एठा हुकूम भी पवित्र, धर्मी, एठा अच्छा होय। कोरो गा स्वभाव टे पापो गा हात टाल्ले होय 13 मेटे चोच नियम जो अच्छा डा, इंजा घल्जी गुजू ठहरातिंज्के? बाने! बिल्कुल बाने! पेनो येटेन पापो डा डीचनी नियम के इंजा घल्जी गुजू आरुके, जो नियम इंजा घल्जी अच्छा चीजो डा। इनी खिजा पापो नी टिपीके कि डी आए टेमोन चोच होय, एठा हुकूम नी टिपीके कि पापो पूरा खिजाटे बुराई होय। 14 चोयाकी आले हाडाई होय कि मूसा गा नियम मेटे आत्मिक होय, पेनो इंज पापमय कोरो मेना जो पापो गा गुलाम मेना। 15 एठा जो इंज मंडीवा मेना डीचके बान हाडाई, चोयाकी जो इंज चाहतावा मेना डी बान दडा, पेनो तोनेटे इंजेन खीजो हेजेवा होय, डीका दडावा मेना। 16 एठा अगर बुरा कामय दडावा मेना, जो इंज दडा बान चाहता, मेटे इंज मनातिंजेवा मेना कि मूसा गा नियम भला होय। 17 मेटे एनोगा हालेन बुरा कामय इंज बान दडा, पेनो पापो होय जो इंजेन सुबांके मेना होय। 18 चोयाकी इंज हाडाई मेना, कि कोरोकु गा पापोमई स्वभाव गेन तुनिका अच्छा चीजो हेजे बाने, अच्छा कामय दडा गा घल्जी इच्छा इंजेन होय पेनो डेगा दडा इंजाटे डाऊ बाने। 19 चोयाकी जो अच्छा कामय गा इंज इच्छा दडावा मेना, डी मेटे बान दडा, पेनो जो बुरा कामय गा इच्छा बान दडा, डीका दडावा मेना। 20 पेनो अगर इंज डीका दडावा मेना डेगा इच्छा बान दडा, मेटे दियागा दडामिठाच इंज बाने, पेनो पापो होय जो इंजेन सुबांके मेना होय। 21 मेटे इंज इनी नियम घाटाएवा मेना कि जब इंज भलाई दडा कि इच्छा दडावा मेना मेटे इंज डी दडावा जो बुरा होय। 22 चोयाकी इंज इंजा मन टे मेटे परमेश्वर गा नियम गेन भेबाव खुशो थंदळवा मेना। 23 पेनो इंजेन इंजा कोम्बोर गा अंगोन दूसरा रेंग्गो गा हुकूम डूगुवा होय, इंजा मन जो हुकूम गा पालन दडावा होय। जो इंजा दिमाग गा नियम टे लडाईवा होय एठा जो इंजा कोम्बोर गेन कामय दडावा होय डीच इंज्के पापो गा गुलाम आरुकोम्बा होय। 24 इंज चोटो कासु कोरो मेना! इनी गुजू गा हात टाल्ले थंदळ मिनी कोम्बोर टे इंज्के जे आराकोम्बा। 25 आलेगा प्रभु यीशु मसीह गा द्वारा परमेश्वर गा धन्यवाद डायु। इनिघल्जी इंज हेज्का मन टे मेटे परमेश्वर गा नियम गा पालन दडावा, पेनो कोम्बोर टे पापो गा हुकूम मनातिंजेवा मेना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation