रोमियो 6 - गवली उनाई नियमपापो गा घल्जी गुजू, परमेश्वर गा घल्जी जीटाऊ 1 मेटे आले चोच मंडे? चोच आले पापो डाए लक्कू चाले ताकी परमेश्वर गा कृपा बळातिंजू? 2 बाने! बिल्कुल बाने! आले पापो गा घल्जी गोएन मेना होय, एठा इनिघल्जी आलेन पापो गा कामय बान दडा होना। 3 आले सेबाईकु इनी हाडाईजे कि आलेनी मसीह यीशु गा बपतिस्मा सावे, मेटे आले मसीह गा सेंग्गोन गोएन। 4 इनिघल्जी जब आलेनी बपतिस्मा सावे मेटे आले मसीह गा सेंग्गोन गोएन एठा दियागा सेंग्गोन गळातिंजे। ताकी जैसा मसीह परमेश्वर बाटे गा महिमा गा द्वारा गोएन मिठाच जाटे जीटाएन, डेनोगोका आलेभी जीवन के उनाई तरीका टे बितातिंजेवा। 5 अगर आले बपतिस्मा गा द्वारा दियागा गुजू गेन दियागा सेंग्गोन म्यागुवा होय। मेटे पक्का दियागा मुर्दाकु टे जीटाऊन भी दियागा सेंग्गोन म्यागुवा होय। 6 एठा आले हाडाई होय कि आलेगा जुना पापी स्वभाव के मसीह गा सेंग्गोन दियागा क्रूस लिंजेन गुजू गा घल्जी येंडाके मेना होय, ताकी पापी स्वभाव गा शक्ती नाशोयु एठा आले नका पापो गा भाग्य बान आरु। 7 चोयाकी जो मसीह गा सेंग्गोन गोएन, पापो गा दिया लिंजेन तुनिका हाक बान थंदळ होय। 8 इनिघल्जी अगर आले मसीह गा सेंग्गोन गोएन, मेटे आलेगा विश्वास इनी होय कि दियागा सेंग्गोन जीवन भी बितातिंजेवा। 9 चोयाकी आले हाडाई होय कि मसीह गोएन मिठाच जाटे जीटाएन एठा फिरभी बान गुजू। एठा गुजू गा नका दिया लिंजेन तुनिका हाक बाऊ होय। 10 चोयाकी मसीह जो गोएन, मेटे पापो गा घल्जी म्याका बार गोएन, पेनो नका जीटाका होय। एठा डीच परमेश्वर गा आदर दडा गा घल्जी जीटाका होय। 11 येनेगोका आपे भी आपना खुदके पापो गा घल्जी मेटे गोएन, पेनो परमेश्वर के आदर जिऊ गा घल्जी मसीह यीशु गेन जीटा समझातिंजे। 12 इनिघल्जी पापो आपेगा जीवन गेन राजो बाकी होना एठा डेगा इच्छानौर गा रोंगो बाकी सेंदरा। 13 एठा न आपना अंगो के बुराई टे व्यवहार गा हथियार डाऊ गा घल्जी पापो के जिकी, पेनो आपना खुदके गोएन मिठाच जाटे जीटाएन मिठाच चिनाटे आपना जीवन के परमेश्वर गा टीन जिकी एठा आपना कोम्बोर गा अंगो के धार्मिकता गा हथियार डाऊ गा घल्जी परमेश्वर के जिकी। 14 मेटे आपे लिंजेन पापो गा तुनिका हाक बान थंदळ, चोयाकी आपे मूसा गा नियम गा हात टाल्लेन जीवन बान बिबातातिंज, पेनो परमेश्वर गा कृपा गा हात टाल्लेन जीवन बिबातातिंज्बा। पापो गा भाग्य टे, परमेश्वर गा भाग्य 15 मेटे चोच डायेन? चोच आले इनिघल्जी पापो डाए कि आले मूसा गा नियम गा हात टाल्लेन बाने, पेनो परमेश्वर कृपा गा हात टाल्लेन होय? बाने! बिल्कुल बाने! 16 आपे हाडाई होय कि दियागा हुकूम ममानातिंज गा घल्जी आपे आपेका खुदके भाग्यकु गा रोंगो जिकीवा होय दियागा का भाग्य होय। आपे चाहे पापो गा भाग्य होय डेगा अंत गुजू होय, एठा चाहे परमेश्वर गा हुकूम ममानातिंज गा डेगा अंत धार्मिकता गा जीवन होय। 17 पेनो परमेश्वर गा धन्यवाद डायु, कि आपे जो पापो गा भाग्य डा नका मन टे डी शिक्षा गा ममानातिंज मिंकू आरोएन जो आपेके इथूकेमी डा। 18 परमेश्वर नी आपेके पापो गा हाक टे आराकेमी, ताकी धार्मिकता गा घल्जी आपे दियागा भाग्य आरोए। 19 इंज आपेगा कोम्बोर गा लोकोम गा वोजीटे कोरोकु रिती लिंजेन मंडीवा मेना। जैसा आपेनी कोम्बोर अंगो के बिसोटो पन एठा बुरा कामय गा भाग्य मेंटो जीके डा। डेनोगोका नका आपना कोम्बोर गा अंगो के पवित्रता गा घल्जी धार्मिक जीवन बिबातातिंज गा घल्जी जिकी। 20 जब आपे पापो गा भाग्य डा, मेटे आपेके धार्मिकता गा कामय दडा गा तुनिका इच्छा बाऊ डा। 21 आपेन डी जुना जीवन टे चोच फायदा घाटाएन? आपेन देटे सेरोम हेजेवा होय। चोयाकी डी कामयनौर गा परिणाम गुजू होय। 22 पेनो नका पापो टे आझादटे एठा परमेश्वर गा भाग्य आरुटे आपेन फाल घाटाएन देटे पवित्रता घाटाऊवा होय, एठा डेगा परिणाम हमेशा गा जीवन होय। 23 चोयाकी पापो गा मजदूरी मेटे गुजू होय, पेनो परमेश्वर कृपा आलेगा प्रभु मसीह यीशु गेन हमेशा गा जीवन होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation