रोमियो 5 - गवली उनाई नियमपरमेश्वर टे आलेगा मिलातिंजे होय 1 इनिघल्जी जब आलेन विश्वास गा द्वारा परमेश्वर गा सेंग्गोन धर्मी आरुकेमी होय मेटे आले आलेगा प्रभु यीशु मसीह गा द्वारा परमेश्वर गा सेंग्गोन शांती टे थंदळवा होय। 2 चोयाकी आलेगा विश्वास गा वोजीटे डीच आलेके परमेश्वर गा कृपा गा अनुभव गेन सालेमी होय, डेन आले नका थंदळवा होय। आले आत्मविश्वास एठा खुशीटे परमेश्वर गा महिमा के घागल गा घल्जी तैयारके होय। 3 आले आलेगा परेशानीनौर लिंजेन खुशोऊवा होय, चोयाकी आले हाडाई होय कि परेशानीनौर आराम्बो पैदाएवा होय। 4 चोयाकी आले आराम्बो दोडोवा होय, इनिघल्जी परमेश्वर नी आलेके सच्चो ठहरातिंज्केमी होय। 5 एठा आसा टे सेरोम बान डाऊ, चोयाकी पवित्र आत्मा जो परमेश्वर नी आलेके जिले होय, दियागा द्वारा परमेश्वर गा प्यार आलेगा मनेन भेट्टिके मेना होय। 6 चोयाकी जब आलेन लोकोम का डा, मेटे सही टेमो लिंजेन मसीह बुराई टे व्यवहाराकु गा घल्जी गोएन। 7 तुनिका धर्मी कोरो गा घल्जी गुजू मुश्किल कामय होय। इनी डाऊ सकतावा होय कि तुनिका कोरो अच्छा कोरो गा घल्जी गुजू गा हिम्मत डाए। 8 पेनो परमेश्वर आले लिंजेन हेजा प्यार गा भलाई इनी रिती टे ओडेवा होय, कि जब आले पापी का डा तबका मसीह आलेगा घल्जी गोएन। 9 मेटे जब कि आले नका मसीह गा पचना गा वोजीटे धर्मी ठहरातिंज्के, मेटे डीच पक्का रुपोटे आलेके परमेश्वर गा खिजोटे बचातिंजकोम्बा। 10 आले परमेश्वर गा दुश्मान डा, लेकिन डीचनी हेजा कोणटे गा गुजू गा द्वारा आलेके हेजा सोप्ती आरुकेमी एठा आलेगा सेंग्गोन मिलातिंजे। नका परमेश्वर गा सेंग्गोन मिलातिंजू गा बादोन आले मसीह गा जीवन गा वाजाटे उध्दार चोथान टे बान घाटाऊ। 11 एठा बस इनिका बाने, पेनो नका मेटे आलेगा प्रभु यीशु मसीह द्वारा परमेश्वर गा सेंग्गोन आलेगा मिलातिंजू डाएन होय। इनिघल्जी आले परमेश्वर गेन खुशोके होय। आदम द्वारा गुजू-मसीह द्वारा जीवन 12 इनिघल्जी जैसा पापो म्या कोरो, “आदम” गा द्वारा दुनिया गेन हेन एठा पापो गा द्वारा गुजू हेन, एठा इनिका रिती टे गुजू सेबाई कोरोकुन फैलातिंजे, चोयाकी सेबाईकु पापी आरोएन। 13 मूसा गा नियम जिऊ गा टे पेला दुनिया गेन पापो डा। लेकिन तोटेन तुनिका नियम बाऊ देटेन पापो उमनाऊवा। 14 तोभी आदम गा टेमो टे साटे मूसा गा नियम गा टेमो टाएन, गुजू नी सेबाई कोरोकु लिंजेन राजो डावे, दिकुनी आदम गा हुकूमनौर गा रोंगो पापो बान दडुका, आदम जो हेजेमिठाच डा दियागा म्या चिन्हा डा। 15 चोयाकी परमेश्वर गा वरदान आदम गा पापो गा खिजाटे बाने होय। इनी सच्चो होय कि डी म्या कोरो गा पापो वोजीटे चोटोका कुरकू गोएन। लेकिन परमेश्वर गा कृपा घोनेच येठाभी होय, एठा इनिघल्जी म्या कोरो, यीशु मसीह गा कृपा टे येटो सेबाई कुरकू के दियागा वरदान घाटाएन होय। 16 म्या कोरो गा पापो गेन यानेकी परमेश्वर गा कृपा गेन तुनिका तुल्न बाऊ होय। चोयाकी म्याखोमाका अपराध गा साबुत गा रुपोन दण्डो गा हुकूम गा फैसला डाएन, पेनो घोनेच्का पापोनौर गा वाजाटे परमेश्वर नी आलेके येनोगो वरदान जिले जो आलेके दियागा नजर गेन धर्मी आरुकोम्बा होय। 17 इनी सच्चो होय कि म्या कोरो गा पापो गा वोजीटे गुजू, कोरोकु लिंजेन राजो दडा लज्जे। लेकिन परमेश्वर गा कृपा एठा धार्मिकता गा वरदान खाट होय, मतलब यीशु मसीह गा द्वारा हमेशा गा जीवन घाटाऊवा एठा राजो दडावा होय। 18 इनिघल्जी जैसा म्या पापो सेबाई कोरोकु गा घल्जी दण्डो गा हुकूम गा वाजा डाएन, डेनोगोका म्याका कोरो गा धार्मिकता गा कामय टे सेबाई कुरकू गा घल्जी उध्दार एठा हमेशा गा जीवन घाटाएन। 19 चोयाकी जैसा म्या कोरो गा हुकूम बान आजोम टे घोनेच कुरकू पापी ठहरातिंजे, डेनोगोका म्या कोरो गा हुकूम ममानातिंज टे घोनेच कुरकू धर्मी ठहरातिंजे। 20 परमेश्वर नी मूसा गा नियम इनिघल्जी जीके डा, ताकी सेबाई कुरकू डोकी होना कि दिकु चोटो पापी डा। जब कुरकू नी घोनेच पापो डाके, मेटे परमेश्वर नी जो कृपा टिपीके डी येठाभी घोनेन। 21 इनिघल्जी जो प्रकार पापो गुजू गा द्वारा राजो दडावा होय, डीका रोंगो धार्मिकता गा द्वारा भी परमेश्वर गा कृपा आलेके यीशु मसीह आलेगा प्रभु गा द्वारा टे हमेशा गा जीवन गा कोनेन साकोम्बा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation