रोमियो 2 - गवली उनाई नियमपरमेश्वर गा न्याय 1 इनिघल्जी हे दोष तोटाका मिंकू, आम जेकाभी चोया बान होय? अमा मेरान तुनिका बहना बाने होय, चोयाकी जो बातोन आम दूसरा लिंजेन दोष तोटाकावा होय, डीका बातोन आपना खुदके दोषी ठहरातिंजेवा होय। इनिघल्जी कि आम जो दूसराकु लिंजेन दोष तोटाकावा होय, खुद का डीका कामय दडावा होय। 2 आले हाडाई होय कि परमेश्वर येनोगो बुरा कामय दडामिंकू के न्याय रोंगो दण्डो जेबा होय। 3 लेकिन हे दोष येंडा मिंकू आपे खुद डी कामयनौर के डाए दिकुगा घल्जी आपे दूसराकु गा न्याय दडावा होय। चोयाकी आपे परमेश्वर गा न्याय बान बचातिंजू। 4 चोच आपे परमेश्वर गा दया, एठा सेहेसेन, एठा आराम्बो रुपो डामाके बेकार मेंबा होय? एठा चोच इनी बान समझातिंजू कि परमेश्वर गा दया आपेन नी मन बबादला इथूवा होय? 5 लेकिन आपेगा मेरान म्या काठोर एठा जिद्दी मन होय, एठा इनिघल्जी आपे डी दिन आपना खुद गा साजा के येठाभी खाडे लक्के होय, जब परमेश्वर गा खीजो एठा सच्चो दण्डो गा न्याय गा फैसला सम्मान हेजेवा। मेटे परमेश्वर आपेके येठाभी ताक्लिप जेबा। 6 परमेश्वर हर म्याखोम के दियागा कामय गा रोंगो फल जेबा। 7 जो कुरकू अच्छा कामय दडा लक्कूवा होय, एठा महिमा गेन मजबूत थंदळवा होय, एठा आदर एठा अमर जीवन चाहतावा होय दिकुके परमेश्वर हमेशा गा जीवन जेबा। 8 पेनो जो कुरकू मतलबी होय एठा गलत गा पालन दडा गा घल्जी सच्चाई के बान ममानातिंज, दिकु लिंजेन परमेश्वर हेजा गा खीजो भाळकातिंजु ओडेवा। 9 एठा ताक्लिप एठा सिनी हर म्या कोरो लिंजेन जो बुरा डाटे हेजेवा पेला यहूदी कुरकू लिंजेन एठा यूनानी कुरकू लिंजेन। 10 लेकिन परमेश्वर दिकु सेबाईकु के महिमा, आदर, एठा शांती जेबा जो भला दडावा होय पेला यहूदी कुरकू के डाबोलटे यूनानी कुरकू के। 11 चोयाकी परमेश्वर सेबाई कुरकू गा म्याका खिजाटे न्याय दडावा होय। 12 अलग्गो जाटोकु गा मेरान मूसा गा नियम बाऊ होय दिकु पापो दडावा होय, मेटे दिकुगा न्याय नियम गा बिना डाएवा एठा यहूदिकु गा मेरान नियम होय, दिकु पापो दडावा होय मेटे दिकुगा न्याय नियम गा द्वारा डाएवाका। 13 कुरकू परमेश्वर गा नजर गेन सिर्फ इनिघल्जी धर्मी बान आरुडुका चोयाकी दिकुनी मूसा गा नियम आजुम्के होय। पेनो इनिघल्जी आरुके चोयाकी दिकु मूसा गा नियम गा रोंगो कामय दडावा होय। 14 अलग्गो जाटोकु मेरान मूसा गा नियम बाऊ, लेकिन जब दिकु मूसा गा नियम गा रोंगो सेंदरावा होय, मेटे मूसा गा नियम दिकु मेरान बाऊ लिंजेन भी, दिकु सबित देवा होय, कि दिकुन मालूम होय कि दिकुन चोच दडा होना एठा चोच बाकी दडा होना। 15 दिकुगा स्वाभव टे मालूमुबा होय कि दिकुगा मननौर गेन मूसा गा नियम गा हुकूम ओल्के मेना होय। दिकुगा ताला गा आत्मा भी टिपेवा होय कि इनी सच्चो होय। चोयाकी दिकुगा बिचार दिकुगा बचाव दडावा होय। 16 एठा इनिघल्जी इंज अच्छा खाबोर गा रोंगो प्रचार दडावा मेना, इनी डी दिन डाऊवा जब यीशु मसीह गा द्वारा परमेश्वर सेबाईकु गा उखु बिचार गा न्याय डाएवा। यहूदी एठा मूसा गा नियम 17-20 अगर आपे खुदके यहूदी कुरकू मंडीवा होय, मूसा गा नियम लिंजेन भरोसा दोडोवा होय, एठा घमंड दडावा होय कि आपे परमेश्वर गा कास कुरकू होय, एठा आपे दियागा इच्छा हाडाई होय एठा अच्छा कामय दडावा होय, चोयाकी डी कामयनौर गा बारेन आपेनी मूसा गा नियम टे इथूके होय। अगर आपेके याकिन होय कि आपे अंधळा गा घल्जी म्या कोरा घागल मिठाच होय, एठा जो अंधरानके होय दिकुगा घल्जी म्या उजाला होय, एठा मूर्खा के इथूमिठाच होय, एठा अज्ञानी गा घल्जी गुरूजी होय। मेटे आपे पक्कायु होना, कि आपेन मूसा गा नियम मालूम होय। 21 आपे जो दूसराकु के इथूकुबा होय आपना खुदके चोया बान इथू? आपे जो शिक्षा जिऊवा होय, “चुरी बाकी दडा”, लेकिन चोच आम खुद चुरी दडावा होय? 22 आपे जो मंडीवा होय, “आनोवा बाकी दडा”, चोच खुद का आनोवा दडावा? आपे जो मूर्ति टे नफरत दडावा होय, चोच खुद का यरूशलेम गा मंदिरनौर के लुटतिंजेवा। 23 आपे जो मूसा गा नियम के चिनाटे घमंड दडावा होय, चोच नियम के बान मनातींज टे परमेश्वर गा अनादर दडावा होय? 24 “चोयाकी आपेगा बुरा कामयनौर गा वोजीटे अलग्गो जाटोनौर गेन परमेश्वर गा जीमू खिलाफबेन लक्के होय,” जैसा पवित्र ग्रंथ गेन ओल्के भी होय। खतना गा फायदा बाकी डाऊ 25 अगर आपे मूसा गा नियम लिंजेन सेंदराए मेटे का खतना टे फायदा डाऊवा होय, पेनो अगर आपे नियम गा पालन बान दडा, मेटे आपे डी कुरकू टे अच्छा बाऊ होय दिकुगा खतना बान दडुका होय। 26 मेटे अगर बिना खतना कोरो मूसा गा नियम गा विधीनौर पालन डाए, मेटे परमेश्वर एनेगो कोरो के डीका कोरो गा रुपोन दोडोवा होय दियागा खतना डाएन होय। 27 एठा इनिघल्जी आपे यहूदी कुरकू गा अलग्गो जाटोकु गा द्वारा अपमान डाएवा चोयाकी आपेन मूसा गा नियम घाटायु एठा आपेगा खतना भी डाएन, येठाभी आपे कुरकू नी मूसा गा नियम गा उलंघन डाके होय। 28 चोयाकी दिकु सच्चो यहूदी बाऊ दिकुगा खतना डाके मेना होय, इनी डी कोरो होय जो बल्ला गा रेंगो टे यहूदी कुरकू होय, दियागा खतना म्या कोम्बोर गा चीजो होय। 29 पेनो आसली यहूदी डी कोरो होय, जो तालाटे म्या यहूदी कोरो होय यानेकी दियागा मन गा खतना डाके मेना होय, एठा इनी परमेश्वर गा आत्मा गा कामय होय, ओल्के नियम गा बाने। येनेगो कोरो परमेश्वर टे तरीफ घाटाएवा होय कोरोकु टे बाने। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation