रोमियो 16 - गवली उनाई नियमबोकजाई फिबा के नमस्कार 1 इंज आपेटे फीबे गा घल्जी, जो आलेगा विश्वासी बोकजाई एठा किंख्रिया पुरा गा मसीह गा मंडली गेन परमेश्वर गा सेविका होय, इंज चाहतावा मेना कि आपे दियागा आदर डाए। 2 कि आम दियागा प्रभु गा जीमू ग स्वागत डाए, जैसा कि परमेश्वर गा कुरकू के होना, एठा दियागा मदत भी डाए, डेगा दियेन जरुरत डाऊवा होय। चोयाकी डीच भी घोनेचकु गा मदत डाके एठा इंजागा भी मदत डाके होय। रोम शहर गा संतकु गा नमस्कार 3 प्रिस्किल्ला बोकाजाई एठा डाई अक्विला के जो यीशु गेन इंजा मदत दडामिठाच होय, नमस्कार। 4 दिकुनी इंजा जान बबाचातिंज गा घल्जी हेजा जान जोखिम गेन येंडाके डा। एठा बस इंज्का बाने, पेनो अलग्गो जाटोकु गा सेबाई मसीह गा मंडलीनौर भी दियागा धन्यवाद दडावा होय। 5 एठा डी मसीह गा मंडली के भी नमस्कार जो दिकुगा उरान गोलाऊवा होय। इंजा प्रिय डाई इपैनितुस के जो आसिया जिल्हा गा मसीह गेन विश्वास दडामिठाच पेला कोरो डा, डीचके भी इंजा नमस्कार। 6 मरियम के डीचनी आपेगा घल्जी घोनेच मेहनत डाके, नमस्कार। 7 डाई अन्द्रुनीकुस एठा बोकाजाई यूनियास के जो इंजा यहूदी सगाकु होय, एठा जब इंज जेलेनके डा, मेटे डीच इंजा सेंग्गोन जेलेन केटजे डा, एठा परमेश्वर गा कलामके मिठाच चेला दिकुके अच्छा खिजाटे हाडाई होय। एठा इंजाटे पेला मसीह गा चेला आरुके डा, इंजा नमस्कार। 8 डाई अम्पलियातुस के, जो प्रभु गेन इंजा अच्छा सोप्ती होय, नमस्कार। 9 डाई उरबानुस के, जो मसीह गेन आलेगा मदत दडामिठाच होय, एठा इंजा प्रिय डाई इस्तखुस के नमस्कार। 10 डाई अपिल्लेस, डीचनी इनी टिपीके कि डीच मसीह गा प्रति चोटो वफादार होय, के इंजा नमस्कार। डाई अरिस्तोबुलुस गा सगाकु के नमस्कार। 11 इंजा यहूदी सगाकु हेरोदियोन के नमस्कार। नरकिस्सुस गा सगाकु जो मसीह गेन विश्वास दडावा होय के इंजा नमस्कार। 12 बोकाजाई त्रुफेना एठा बोकाजाई त्रूफोसा के जो प्रभु गेन मेहनत दडावा होय, नमस्कार। प्रिय बोकाजाई पिरसिस के डीचनी प्रभु गेन घोनेच मेहनत डावे, नमस्कार। 13 डाई रूफुस जो प्रभु गा सेवा गेन अच्छा कामय दडामिठाच होय के दियागा आंटे के जो इंजा भी होय, बर्खिंज के नमस्कार। 14 असुनक्रितुस एठा फिलगोन एठा हर्मास, पत्रुबस, हिर्मेस एठा दियागा सेंग्गो गा विश्वासी डाईचो के नमस्कार। 15 फिलोलुगुस एठा युलिया एठा नेर्यूस एठा दियागा बोकाजाई टे उलम्पास एठा दियागा सेंग्गो गा सेबाई परमेश्वर गा कुरकू के नमस्कार। 16 आपेन का चोखरा चुम्मा टे नमस्कार डाए, आपेके सेबाई मसीह गा मंडलीनौर कोनेटे नमस्कार। आखरी नमस्कार 17 नका हे विश्वासी डाईचो, इंज आपेटे बिनती दडावा मेना, डी कुरकू टे ध्यान टे थंदळे, जो फुट येंडा गा वाजा आरुवा होय एठा कुरकू गा विश्वास के कमजोर डाएवा होय एठा डी सच्चो शिक्षा गा खिलाफबेन सेनेवा होय आपेन घाटाएन होय, दिकुटे लेंक्कीन थंदळे। 18 चोयाकी येनोगो कुरकू आलेगा प्रभु मसीह गा बाने, पेनो इकुगा कोम्बोर गा इच्छानौर गा सेवा दडावा होय। एठा इकुगा चिकना चोपडा बातो टे सीधा सादा मन गा कुरकू के बहकातिंजकुवा होय। 19 आपे कुरकू गा विश्वास गा प्रति हुकूम गा चर्चा सेबाई कुरकू गेन फैलातिंजे होय। इनिघल्जी इंज आपेगा बारेन खुशी ममानातिंजबा मेना, पेनो इंज इनी चाहतावा मेना कि आपे भलाई गा घल्जी दिमागदार पेनो बुराई गा घल्जी भोला आरोए थंदळे। 20 शांती गा परमेश्वर शैतान गा के स्याटे डीचके आपेगा हात टाल्लेनेच्बा। आलेगा प्रभु यीशु मसीह गा कृपा आपे लिंजेन डाऊ चाले। पौलुस गा सोप्तिकुटे नमस्कार 21 इंजा सोप्ती तीमुथियुस गा, एठा इंजा यहूदी सगाकु लूकियुस एठा यासोन एठा सोसिपत्रुस आपेके नमस्कार मंडीवा होय। 22 इंज, तिरतियुस जो पौलुस गा घल्जी इनी पत्र ओल लक्के मेना, प्रभु गा मसीह डाई गा रुपोन आपेके नमस्कार मंडीवा मेना। 23 डाई गयुस आपेके नमस्कार, इंज दियागा उरान पेळावा मेना, देटेन मसीह गा मंडली गा कुरकू गोलाऊवा होय। डाई इरातुस, डी कोरो जो शहर गा घाल्जी डामा गा मामलानौर के दोडोवा होय, एठा आलेगा डाई क्वारतुस गा आपेके नमस्कार। 24 इंज प्रार्थना दडावा मेना कि, आलेगा प्रभु यीशु मसीह गा कृपा आपे लिंजेन डाऊ चाले। 25 डी परमेश्वर गा स्तुति डायु, जो आपे कुरकू के इंजा अच्छा खाबोर यानेकी यीशु मसीह गा खाबोर गा रोंगो आपेन विश्वास गेन मजबूत आरुकोम्बा होय। डी भेदो गा उजाला गा रोंगो जो सनातन टे उखुके डा। 26 पेनो नका ओटटे सनातन परमेश्वर गा हुकूम टे परमेश्वर गा कोनेटे मंडीमिंकू गा पवित्र ग्रंथ गा द्वारा दान सेबाई जाटोकु के घाल्के होय, कि दिकु विश्वास टे हुकूम ममानातिंज मिंकू आरुयु। 27 डीका म्या मत्र दिमागदार परमेश्वर गा यीशु मसीह गा द्वारा हमेशा-हमेशा डाऊ चाले। आमीन। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation