रोमियो 14 - गवली उनाई नियम

आपना डाई लिंजेन आनोवा बाकी तोटाका

¹ विश्वास गेन कमजोर कोरो के दियागा मान्यतानौर गा बारेन तुनिकाभी शंका गा बिना का मनेनजा।

² चोयाकी म्याखोम गेन विश्वास होय, कि सेबाईका जोम सही होय, पेनो जो विश्वास गेन कमजोर होय, डीच निला उठूनौर जोम्बा होय।

³ एठा जो कोरो जिलु जोम्बा होय, डीच डी कोरो के बेकार बाकी ससामझातिंज जो सिर्फ निला उठूनौर जोम्बा होय। एठा जो बस निला उठूनौर जोम्बा होय, परमेश्वर दिया लिंजेन न्याय पपासो बाकी, जो जिलु जोम्बा होय। चोयाकी परमेश्वर नी डीचके मनेन जेनेच

⁴ इनिघल्जी आपेन तुनिका दूसरा गा नौकर गा मठान न्याय पपासो बाकी होना, चोयाकी डीच परमेश्वर गा सेवक होय। दियागा सफल डाऊ या असफल डाऊ दियागा स्वामी का टे संबंध दोडोवा होय। पेनो डीच सफलेच्बा, चोयाकी प्रभु डीचके सफल डाए सकतावा होय।

⁵ इनिका खिजा जेका मेटे म्या दिनके दूसरा टे बळातिंजटे मनातिंजेवा होय, एठा जेका सेबाई दिन म्या खिया मनातिंजेवा होय। हर म्याखोम के इनी विश्वास डाऊ होना कि डीच जो सोचातिंज्बा होय डी साही होय।

⁶ जो तुनिका दिन मनातिंजेवा होय, डीच येनेगो इनिघल्जी दडावा होय चोयाकी डीच प्रभु के आदर जिऊ चाहतावा होय। जो जिलु जोम्बा होय, डीच प्रभु गा घल्जी जोम्बा होय, चोयाकी डीच परमेश्वर गा धन्यवाद दडावा होय। एठा जो निला उठूनौर जोम्बा होय, डीच प्रभु गा घल्जी जोमे एठा परमेश्वर गा धन्यवाद दडावा होय।

^7-8 आले सेबाई कुरकू प्रभु गा होय। इनिघल्जी, आलेगा जीवन गेन एठा आलेगा गुजू गेन, आलेके डीचके कुकूशो दडा होना न कि खुदके।

⁹ चोयाकी मसीह इनिघल्जी गोएन एठा डाबोलटे जीटाएन, देटे जीटा एठा गुजू बरी भी कुरकू डीचके प्रभु गा रुपोन मनेन नेज।

¹⁰ मेटे आपे चोया आपना विश्वासी डाई गा न्याय दडावा होय? या डाबोलटे आपे चोया आपना विश्वासी डाईके बेकार समझातिंजेज्बा होय? आबु-सेबाईकु गा न्याय परमेश्वर गा द्वारा डाऊवा।

¹¹ चोयाकी पवित्र ग्रंथ गेन मंडीके मेना होय, “परमेश्वर इनी मंडीवा होय, इंज खुद इंजा जीवन गा कासोम सवा मेना, हर म्या कोरो इंजा सम्मान ठोपरे जेगाएवा। एठा सेबाईकु इंज्के काबुल डाटे इंजा स्तुति डाएवा।”

¹² एनेटे सापा होय, कि आलेन नी हर म्याखोम के आपना-आपना कामय गा लेखा परमेश्वर के जिऊ होना।

आपना डाई गा विश्वास गेन बोचो गा वाजा बाकी आरु

¹³ इनिघल्जी नका टे आले इनिज-दिया लिंजेन आनोवा येंडा आराकी, आले इनी पक्काएवा कि आपना डाई गा सम्मान ठेस या टोकोट जोम गा वाजा बाकी आरु।

प्यार गा नियम

¹⁴ इंज हाडाई मेना, एठा प्रभु यीशु गा चेला मेन गा नाते इंजा विश्वास होय, कि जेका जोम गा चीजो आपना खुद टे बिसोटो बाने, पेनो जोजोम गा चीजो के बिसोटो समझातिंजेवा होय, दियागा घल्जी बिसोटो होय।

¹⁵ अगर अमा डाई अमा आटा गा वाजा नराजोऊवा होय, मेटे डाबोलटे आम प्यार गा रिती टे बान सेंदरा। इनिघल्जी आलेन ध्यान टे थंदळ होना ताकी आले आटा गा वोजीटे आपना विश्वासी डाई गा विश्वास गेन बोचो गा वाजा बाकी आरु, चोयाकी मसीह दियागा घल्जी गोएन।

¹⁶ इनिघल्जी भलाका आम जो दडा लक्के होय डी अच्छा होय, लेकिन अगर जेका एठा इनिके बुरा मनातिंजेवा होय, मेटे येनेगो बाकी दडा।

¹⁷ चोयाकी परमेश्वर गा राज्य जोजोम-कखाफ गा बाने, बनकी डी आलेगा विश्वासी डाईचो गा तालान धार्मिकता, शांती एठा खुशी गा बारेन होय, जो पवित्र आत्मा टे घाटाऊवा होय।

¹⁸ जो इनी बातोनौर द्वारा मसीह गा सेवा दडावा होय, दिकु परमेश्वर गा प्रिय एठा कोरोकु द्वारा आदर घाटाएवा होय।

¹⁹ इनिघल्जी आले येनेगो बातो गेन चालुका थंदळे, देटे शांती के खाडू घाटाऊवा होय एठा डेगा द्वारा आले इनिज-डीचके विश्वास गेन मजबूत डाऊ गेन मदत डाए।

²⁰ इनिघल्जी आपे कुरकू आटा गा वोजीटे परमेश्वर गा कामय बाकी बिगळातिंजू। इनी सच्चो होय कि सेबाईका चोखरा होय, पेनो इनी अच्छा बाऊ होय, आपे जो जोम्बा होय डी आपेके दूसराकु गा घल्जी विश्वास गेन बोचो गा वाजा आरुए।

²¹ भला मेटे इनी होय कि आपे न जिलु जोमे एठा न सिडू नोए, एठा न येनेगो तुनिका कामय डाए, देटे आपेगा भलाई विश्वास गेन बोचोयु।

²² आपे इनी चीजो गा बारेन जोभी मनातिंजेवा होय, डी हेजा एठा परमेश्वर गा तालान डो। धन्य होय डीच, जो डी बातो गेन डीके डीच साही समझातिंजेवा होय, हेज खुदके दोषी बान ठहरातिंज।

²³ पेनो अगर आपेके इनी बारेन शक होय कि आपेके चोच्का जोम होना या बाने, मेटे आपे पापो दडा लक्के होय, अगर आपे सम्मान बळातिंजू टासो एठा इनिके जोम्बा होय। मेटे आपे आपेगा विश्वास गा पालन बान दडा लक्के। आले जो चोच्काभी दडावा होय, अगर डी प्रभु गेन विश्वास गा सेंग्गोन बाने होय, मेटे इनी आलेगा घल्जी पापो होय।