रोमियो 13 - गवली उनाई नियम

अधिकारीकु गा प्रति कर्तव्य

¹ हर म्या कोरो याजक अधिकारीकु गा इटान थंदळे, चोयाकी सेबाई हाक परमेश्वर गा कोनेटे होय। एठा हाक परमेश्वर गा द्वारा ठहरातिंज्के होय।

² इनिघल्जी जो तुनिकाभी कोरो हाक दोडो मिठाच कोरो गा खिलाफबेन दडावा होय, डीच परमेश्वर गा विधी गा खिलाफबेन दडावा होय, एठा खिलाफबेन दडामिठाच दण्डो घाटाऊवा।

³ अगर जेका अच्छा कामय दडा लक्के होय, मेटे डीचके अधिकारीकु टे हिगरा गा जरुरत बाऊ होय। लेकिन अगर डीच बुराई दडा लक्के होय, मेटे दियाटे हिगरा होना। अगर आम अधिकारी टे हिगरा बान चाहता कि मेटे अच्छा कामय डाए मेटे डाबोलटे अमा आदर डाएवा।

⁴ चोयाकी डी अधिकारी अमा भलाई गा घल्जी परमेश्वर गा सेवक होय। पेनो अगर आम बुराई डाए, मेटे हिघराए, चोयाकी दियागा मेरान हाक होय कि आमके सजा जे। दिकु परमेश्वर गा सेवक होय एठा बुराई दडामिठाच के सजा जेबा होय।

⁵ इनिघल्जी आपे बस परमेश्वर गा दण्डो टे बचातिंजू गा घल्जी दियागा इटान बाकी थंदळ, बनकी अच्छा दिमाग दोडो गा घल्जी भी दिकुगा इटान थंदळे।

⁶ इनिघल्जी आपे टेक्सा भी जे, चोयाकी हाक दडामिठाच परमेश्वर गा सेवक होय, एठा हमेशा इनिका कामय गेन चालुका थंदळवा होय।

⁷ इनिघल्जी हर म्याखोम गा हाक जे चाले, जेन टेक्सा होना, डीचके टेक्सा जे, जेन भाळा होना, डीचके भाळा जे। एठा जेगा आदर दडा होना होय दिकुगा आदर डाए, जेगा सम्मन दडा होना होय दिकुगा सम्मन डाए।

सेबाई हुकूमनौर गा पूरा पारंपरिक प्यार

⁸ बस म्याका चीजो होय डीके आपेके कर्जो मिठाच होना डा, एठा डीच होय इनिज-दियाटे प्यार डाए। चोयाकी जो दूसरा टे प्यार दोडोवा होय, डीच्कानी मूसा गा नियम पुराके होय।

⁹ चोयाकी मूसा गा नियम येनेगो घोनेच सेबाई हुकूम होय जैसा कि, “आनोवा बाकी दडा, घोगेच बाकी, चुचीरी बाकी, लालीचो बाकी,” एठा इंकुके आराकु एठा तुनिकाभी हुकूम डायु मेटे सेबाईका निचोळ इनी हुकूम गेन घाटाऊवा मेना होय, “दूसराकु गा सेंग्गोन येनेगो प्यार डाए, जैसा आपे आपेका खुद गा सेंग्गोन प्यार दडावा होय।”

¹⁰ प्यार मेराकू गा चोच्का बुराई बान दडा, इनिघल्जी जो प्यार दडावा होय, डीच मूसा गा नियम के पुराएवा होय।

मसीह के उरियाकेच

¹¹ आपे टेमो हाडाई हो। आपे हाडाई होय, कि दुनूम टे बिट टेमो हेन मेना होय। जो टेमो आलेनी विश्वास डाके डा, डी टेमो गा उम्मीद नका आलेगा उध्दार घोनेच मेरान होय।

¹² रातो घोनेच बितातिंजे होय, एठा दिन ओट गेन होय। एठा आलेन डी सामोन के दडा बबांदो होना जो अंधरा टे संबंधित होय। आलेके डी हथियारनौर के बिबीट होना डेगा उपयोग उजालान डाएवा होय।

¹³ जैसा दिनके सोबा जिऊवा होय, डेनोगोका आले सीधा चाल सेंदराय, न कि सोंगळया एठा सिडू कुत्या गेन, न आनोवा एठा लुच्चापन गेन, एठा न झागडा एठा जुलू गेन।

¹⁴ एठा प्रभु यीशु मसीह के आपना कवच आरोएच, एठा पापी स्वभाव गा बुरा इच्छानौर के पुपारा बाकी।