ದರ್ಶಾನ್ 22 - गवली उनाई नियमजीवन गा डा गा गाडा 1 येनेगा बादोन डी स्वर्गदूत नी इंज्के जीवन गा डा गा गाडा टिपिले, जो डा सापा कांचो गा खिजा चमकातिंजू डा। इनी परमेश्वर एठा मेंडा कोंटे गा सिंघासन टे बल्लान टेंगेंके डा। 2 पूरा चौक गा ताला गा-ताला आडी मिनी गाडा गा धुरा लिंजेन, बरी भी कोनेन म्या जीवन-सिंज डा, जो बराह रोंगो गा फल, हर महिना म्या बार फल, जिऊ डा। डी सिंज गा पलानौर देशोनौर गा चिकित्सा डाऊवा होय। 3 देटेन चोच्काभी बान थंदळ, जो श्रपो गा लायको डायु। देटेन परमेश्वर एठा मेंडा कोंटे गा सिंघासन थंदळवा। दियागा सेवक दियागा आराधना डाएवा। 4 दिकु डीके अम्मा-सम्मान डोगेवा एठा डेगा जीमू दिकुगा ठीकरी लिंजेन आकळाऊबा। 5 देटे, डाबोलटे चोलाका राटोऊ बाने। दिकुके दिवा या सूर्य गा उजाला गा जरुरत बान बोचो, चोयाकी प्रभु परमेश्वर दिकुके आलोकित डाएवा एठा दिकु जमाना-जमाना टाएन राजो दडावा। यीशु मसीह गा डाबोलटे हेजे 6 मेटे स्वर्गदूत नी इंजाटे मंडीके, “इनी सेबाई बातो जो आमके घाल्के मेना होय, सच्चो होय एठा पूरा खिजाटे विश्वास दडा लायको होय। चोयाकी प्रभु परमेश्वर डीचनी हेजा आत्मा परमेश्वर गा कोनेटे मंडीमिंकू के जीके, डीचका होय डीचनी हेजा स्वर्गदूत के हुकूम जीके कि डीच दियागा सेवककु के इनी तिटीपी गा घल्जी येटेन हेजे, जो जल्लोका डाऊवा।” 7 “एठा डोगे, इंज जल्दी हेजेमिठाच मेना, धन्य होय डीच, जो इनी पुस्तक गेन ओल्के मिनी भविष्यवाणी गा बातो गा पालन दडावा होय।” 8 इंज यूहन्ना नी इनी बातो के डोके एठा आजुम्के। जब इंज डोके एठा आजुम्के मेना डा, मेटे जो स्वर्गदूत नी इंज्के इनी बातो के टिपिले डा, इंज दियागा आराधना दडा गा घल्जी दियागा नंगा लिंजेन बोचोएन। 9 लेकिन डीचनी इंजाटे इनी मंडीके, “आम येनोगो बाकी दडा। इंजभी आपेगा, एठा अमा डाईचो, परमेश्वर गा कोनेटे मंडीमिंकू गा एठा डी कुरकू गा, जो इनी पुस्तक गा बातो गा पालन दडावा होय, सेंग्गोन सेवक गा खिजा मेना। आपे परमेश्वर गा का आराधना डाए।” 10 डीचनी इंजाटे डाबोलटे मंडीके, “आम इनी पुस्तक गा भविष्यवाणी गा बातो के उखु बाकी दोडो, चोयाकी टेमो मेरान होय। 11 इनिघल्जी सेबाई कुरकू जो बुराई दडावा होय, दिकुन बुराई दडा होना, एठा जो कुरकू अपवित्र कामय दडावा होय, दिकुन अपवित्र कामय दडा लक्कू होना। एठा दिकु सेबाईकु जो अच्छा दडावा होय, दिकुन डीका दडा लक्कू होना जो सही होय, एठा दिकु सेबाईकु जो चोखरा होय दिकुन बुराई दडा आराकी होना।” यीशु मसीह गा मसीह गा मंडली गा घल्जी गवाही 12 मेटे प्रभु यीशु मसीह नी मंडीके, “डोगे इंज जल्लोका हेजेवा। पुरस्कार इंजा मेरान होय एठा इंज हरेक कोरो के दियागा कामयनौर गा रोंगो फल जेबा। 13 इंज अल्फा एठा ओमेगा मेना, सुरुवात एठा आखरी, आडी एठा नाशो मेना।” 14 धन्य होय दिकु, जो हेजा गा स्वभाव रुपो कपळे आबुंजबा होय, दिकु हमेशा गा जीवन गा अधिकारी आरुवा एठा फाटाको टे सेने टे पूरा गेन मुवा। 15 सिटाकु, ओझा, आनोवा, घोगेचमिंकू,, मूर्ति पूजा, असत्य टे प्यार दडामिंकू एठा नटकमिंकू बल्लानका थंदळवा। 16 इंज यीशु मेना। इंज्नी इंजा स्वर्गदूत के आपेगा मेरान इनी बातो गा एलान दडा गा घल्जी कुल्के होय, जो मसीह गा मंडलीनौर गेन डायु। इंज राजा दाऊद गा खाट खान्दान मेना, इंज्का मेना, जो डी इफिल गा खिजा मेना, जो सूर्य ओट गा टेमो ओटबा होय। 17 परमेश्वर गा आत्मा एठा मेंडा कोंटे गा निवरी जो मसीह गा मंडली होय, डीच यीशु टे मंडीवा होय, “आमके जरुरटे हेजे होना।” हर म्याखोम जो इनी आजुम्बा होय, दियेन भी इनी मंडी होना, “हेजे!” जो जेकाभी डा ताटाम होय दियेन हेजे डो डी डा के मनेन दडा होना जो उदारता टे जीवन जिऊवा होय। चेतावनी 18 इंज यूहन्ना, आपे सेबाईकु के इनी चेतावनी जे लक्के मेना, जो कुरकू आजुम्के होय कि इनी पुस्तक गेन चोच भविष्यवाणी डाके मेना होय। अगर तुनिका कोरो येनेन चोच्का बळातिंजेवा होय जो येटेन ओल्के मेना होय, मेटे परमेश्वर दियागा काठनाईनौर गा दण्डो के बळातिंजेवा, जो येनेन घल्ले मेना होय। 19 एठा अगर जेका येनेगो कोरो होय जो इनी पुस्तक गेन भविष्यवाणी डाके मिनी बातो गेन चोच्काभी म्याधेळेनेवा होय, मेटे परमेश्वर भी दियागा डी सिंज टे फल जोम गा हाक के म्याधेळेनेवा जो जीवन जिऊवा होय एठा दियागा चोखरा शहर गेन थंदळ गा हाक के भी म्याधेळेनेवा डेगा बारेन इनी पुस्तक गेन घल्ले मेना डा। 20 यीशु मसीह इनी सेबाई वचननौर गा गवाही जिऊवा होय, एठा डीच मंडीवा होय, “हा, इंज जल्दी हेजेमिठाच मेना।” इंज्नी जवाब जीके, “आमीन, हे प्रभु यीशु मसीह हेजे।” 21 इंज प्रार्थना दडावा मेना, कि प्रभु यीशु मसीह परमेश्वर गा कुरकू लिंजेन कृपा डाए। आमीन। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation