ದರ್ಶಾನ್ 21 - गवली उनाई नियमउनाई आरु 1 डाबोलटे इंज्नी म्या उनाई बदळा एठा उनाई पृथ्वी के डोके, चोयाकी जुना बदळा एठा जुना पृथ्वी समुद्र गेल्ला गायबजे मेना। 2 इंज्नी चोखरा शहर के जो उनाई यरूशलेम शहर के डोके, जो स्वर्ग टे परमेश्वर गा कोनेटे इटान हेजे लक्के डा। डी शहर के तैयारके मेना डा, म्या निवरी गा खिजा डीके कपळे उरिके मेना होय एठा सिंगरकेनेच मेना एठा नवरा गा सेंग्गोन ब्याह दडा गा घल्जी तैयार होय। 3 डाबोलटे इंज्के सिंघासन टे म्या खाट आवाज इनी मंडीटे आजुम्के, “डोगे, परमेश्वर कोरोकु गा सेंग्गोन थंदळवा, एठा डीच दिकु तालान हेजा झुपळी आरोएवा। दिकु दियागा प्रजा आरुवा एठा परमेश्वर खुद दिकुगा तालान थंदळ टे दिकुगा इकुगा परमेश्वर डाऊवा। 4 डीच दिकुगा मेट टे सेबाई डा ओजोएवा। येनेगा बादोन तुनिकाभी कोरो गा गुजू बान डाऊ, न जाम न तळपातिंजू एठा न कासु, चोयाकी जुना बातो ओले होय।” 5 मेटे सिंघासन लिंजेन सुबांके कोरोनी मंडीके, “डोगे, इंज सेबाई चोच्का उनाई दडा लक्के मेना।” येनेगा बादोन डीचनी मंडीके, “इनी बातो ओले, जो चोच्का इंज्नी मंडीके होय आपे दिया लिंजेन विश्वास डाए सकतावा होय, डीच पक्काटेका पूराऊवा।” 6 डीचनी डाबोलटे इंजाटे मंडीके, “कामय डाएन मेना होय। अल्फा एठा ओमेगा मेना, जो कि सुरुवात एठा आखरी होय। जो जेकाभी डा ताटाम होय, इंज डीचके डा टे पाजेर टे फुकोटोन डा नुनू गा घल्जी जेबा जो हमेशा गा जीवन होय। 7 जो कुरकू बुराई लिंजेन जीटाऊ हासिलेवा होय, डीच इनी सेबाई आशीर्वाद के हासिलेवा। एठा इंज दिकुगा परमेश्वर आरुवा एठा दिकु इंजा कोणकु आरुवा। 8 पेनो जो जेका इंजा लिंजेन विश्वास बान दोडो, दिकुभी डी तलाव गेन जो सिंगेल एठा अंगरा टे जुलू लक्कूवा होय, येंडाकुबा मेना, इनी दूसरा गुजू होय, एठा जो कुरकू गा सम्मान इंजा इंकार डाएवा, जो बुरा कामय, एठा घोगेज, आनोवा, जादू-टोना, मूर्ति पूजाकु, एठा सेबाई लाबाळ मंडीमिंकू गा भेबाव आसर डाऊवा। मेंडा कोंटे गा निवारी 9 एठा डाबोलटे डी याई स्वर्गदूतकु तालाटे म्याखोम नी दिकुनी कोरो जाटोकु लिंजेन याई आखरी यातनानौर टे भेट्टिके मिनी याई कोटोरा उखीळीके डा, इंजाटे बातो डावे, डीचनी मंडीके, इंज आमके निवरी घालेच्बा दियागा जल्लोका मेंडा कोंटे गा सेंग्गोन ब्याह डाऊवा।” उनाई यरूशलेम शहर 10 डाबोलटे स्वर्गदूत इंज्के पवित्र आत्मा गा द्वारा म्या खाट ऊँचा टुक्की लिंजेन सैय्येनेच एठा पवित्र यरूशलेम शहर टिपीके। डीच स्वर्ग टे परमेश्वर गा एनेटे आगुरू लक्के डा। 11 परमेश्वर गा महिमा डी शहर गेन डा, एठा डेगा दिवाल यशब जीमू घोनेच किम्मत घोटा गा खिजा चमकातिंजू लक्के डा, एठा कांचो गा खिजा सपा डा। 12 शहर गा उफुन कोनेन म्या खाट एठा ऊँचा दीवार डा, डेन बारह फाटाको डा एठा हर म्या फाटाको गा सम्मान म्या स्वर्गदूत टेंगेनके डा। फाटाकोनौर लिंजेन इस्राएल देशो गा बारह कुल गा जीमू ओल्के मेना डा। 13 पूर्वा गा कोनेन आफाई, उत्तर गा कोनेन आफाई, पश्चिम गा कोनेन आफाई एठा दक्षिण गा कोनेन आफाई फाटाको डा। 14 दिकुनी शहर गा दीवार बारह खापेट-खापेट घोटानौर गा मठान आरुके डा एठा दिकु लिंजेन मेंडा कोंटे गा बारह कलामके मिंकू चेलाकू गा जीमू ओल्के मेना डा। 15 जो इंजाटे बातो लक्के डा, दियागा मेरान शहर एठा डेगा फाटाको एठा दियागा दीवार उमना गा घल्जी म्या उमना धंडी, सोना गा छळी डा। 16 डी शहर गा उफुन कोपरा डा, डेगा लम्बा डेगा चावळा गा बराबोर डा। स्वर्गदूत नी छळी टे शहर उमनाके मेटे डी बरी हजार उफुन सेद्दी किलो मीटर ओटके। डेगा लम्बा, चावळा एठा ऊँचा बराबोर डा। 17 डीचनी शहर गा दीवार उमनाके, मेटे स्वर्गदूत नी इनिके डेनोगोका उमनाके जैसा कुरकू चीजो के उमनावा होय। दीवार छेसाठ मीटर ऊँचा डा। 18 शहर अच्छा सोना टे आरुके मेना डा, जो कांचो गा खिजा सपा डा, एठा येनेगा दीवार, यशब टे आरुके डा। 19 दीवार गा पाईय्या अलग्गो-अलग्गो रोंगो गा रत्ननौर गा आरुके डा। पेला घोटा परत यशब गा डा, दूसरा घोटा नीलम गा, आफाई घोटा गोदन्ती गा, उफुन घोटा मरकत गा, 20 मोनाई घोटा गोमेदक गा, छठातिंज्के घोटा रूधिराख्य गा, याई घोटा स्वर्नमाणि गा, इलाएरा घोटा फिरोजे गा, आराईय्या घोटा पुखराज गा, गेल घोटा रुद्राक्षक गा, ग्यारह घोटा धूम्रकान्त गा एठा बारावा घोटा चन्द्रकान्त गा। 21 बारह फाटाको बारह मोतीनौर गा आरुके डा, हरेक फाटाको म्या-म्या मोती गा आरुके डा। शहर गा सळक्को चोखरा सोना टे आरुके मेना डा, जो कांचो गा खिजा सपा डा। उनाई यरूशलेम गा महिमा 22 इंज्नी दिकु तालाटे तुनिका मंदिर बान दोडुका, चोयाकी सर्वशक्तीमान प्रभु परमेश्वर एठा मेंडा कोंटे डी शहर गा मंदिर होय। 23 शहर के सूर्य यानेकी चंद्र गा उजाला गा जरुरत बाऊ होय, चोयाकी परमेश्वर गा महिमा दियागा उजाला एठा मेंडा कोंटे दिकुगा उजाला होय। 24 दुनिया गेन थंदळ मिंकू सेबाई कुरकू डी शहर गा उजाला गेन सेंदरावा एठा पृथ्वी गा राजा इकु-इकुगा संपत्ति एठा शान के डी शहर गेन सेगेवा। 25 डी शहर गा फाटाको दिन गेन चोलाका बंदोऊ बाने एठा डेन चोलाका राटोऊ बाने। 26 दुनिया गा कुरकू दुनिया गा सेबाई अच्छा चीजो के एठा दुनिया गा कुरकू गा संपत्ति एठा शान के डी शहर गेन सेगेवा। 27 लेकिन डेन न मेटे तुनिका उजळातिंज बुरा चीजो मुगू बाने एठा न तुनिका येनोगो कोरो, जो बुरा कामय दडावा या लाबाळ मंडीवा होय। लेकिन दिकुका मुगूवा, जेगा जीमू मेंडा कोंटे गा जीवन गा पुस्तक गेन ओल्के होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation