ದರ್ಶಾನ್ 16 - गवली उनाई नियम

दूसरा कोटोरा

¹ दियागा बदोन इंजेन मंदिर टे म्या खाट आवाज आजुम्के, जो याई स्वर्गदूतकु टे इनी मंडी लक्के डा, “सेने! परमेश्वर गा खिजोटे भेट्टिके दण्डो गा याई कटोरा पृथ्वी लिंजेन उखीळीके।”

² पेला स्वर्गदूत ओले एठा डीचनी पृथ्वी लिंजेन हेजा गा कटोरा उखीळीके। डी कुरकू लिंजेन जानवरकु गा चिक्खा येंडाके एठा जो दियागा मूर्ति गा आराधना दडा डा, दिकुगा कोम्बोर लिंजेन गुजू एठा तखलीफ़ दायी उजू ओटजे।

दूसरा कटोरा

³ दूसरा स्वर्गदूत नी समुद्र लिंजेन हेजा कटोरा उखीळीके। तुरुटो समुद्र गोएन मिठाच कोरो गा पचना रोंगो आरोए एठा समुद्र गेन थंदळ मिंकू सेबाई जीवाधारी गोएन।

आफाई कटोरा

⁴ आफाई स्वर्गदूत नी गाडानौर एठा डा गा झरननौर गा डा लिंजेन हेजा कटोरा उखीळीके एठा डी पचना आरोएन।

⁵ मेटे इंज्नी डा लिंजेन हाक दोडो मिठाच स्वर्गदूत के इनी मंडीटे आजुम्के, “हे चोखरा परमेश्वर, जो होय एठा जो हमेशा डा, जो दण्डो आमनी जिले होय, डीच सही होय।

⁶ चोयाकी दिकुनी परमेश्वर गा कुरकू के एठा परमेश्वर गा कोनेटे मंडीमिंकू गा पचना आडीके एठा नका अमा दिकुके पचना नुदैवा होय। इनिका दिकुगा घल्जी सही ईनाम होय।”

⁷ इंज्नी डाबोलटे वेदी के इनी मंडीटे आजुम्के, “सर्वशक्तीमान प्रभु परमेश्वर! सचमुच कोरो जाटो लिंजेन आमगा दण्डो सच्चो एठा उचित होय।”

उफुन कटोरा

⁸ उफुन स्वर्गदूत नी सूर्य लिंजेन हेजा कटोरा उखीळीके। सूर्य के इनी हाक हासिलजे, कि डीच कोरोकु के हेजा गर्मी टे जुल्जे।

⁹ कोरो खाट बाफो टे जुल्जे। दिकुनी डी मुश्किलनौर लिंजेन हाक दोडो मिठाच परमेश्वर गा जीमू गा खिलाफबेन डाके, लेकिन दिकुनी मन बदलाडुका बाने एठा परमेश्वर गा महिमा दडा बान मेंडूका।

मोनाई कटोरा

¹⁰ मोनाई स्वर्गदूत नी जानवर गा सिंघासन हेजा कोटोरा उखीळीके मेना। जानवर गा राज्य लिंजेन अंधरा घाईय्ये एठा कुरकू कासु गा तखलिफ वोजीटे इकुगा लांज चफाडे लज्जे।

¹¹ दिकुनी इकुगा तखलिफनौर एठा उजू गा वोजीटे स्वर्ग गा परमेश्वर गा खिलाफबेन डाके, लेकिन दिकुनी इकुगा बुरा कामयनौर गा घल्जी पश्चाताप बान दडुका।

तुरिय्या कटोरा

¹² तुरिय्या स्वर्गदूत नी महागडा फरात लिंजेन हेजा उखीळीके। एनेगा परिणाम इनी डाएन कि फारत गडा गा डा लोखोळजे, दियाटे पूर्व दिशा गा राजाकु गा मुगा कोरा तैयारजू होना।

¹³ एनेगा बदोन इंज्नी अजीगार गा चाभु टे, जानवरकु गा चाभु गा टे एठा डी लाबाळ कुरकू टे जो आपना खुदके परमेश्वर गा कोनेटे मंडीमिंकू मंडीवा होय एठा लाबाळ खाबोर जिऊवा होय, दिकुगा चाभु टे देडडा गा रोंगो आफाई भूतोकुके ओटटे डोकेकु।

¹⁴ इनिज डी भूतो होय, जो अचम्बो कामय घालेवा होय एठा दिकुनी ओलेडो डी कुरकू के गोलाकेकु जो दुनिया गा सेबाई देशो गेन राजो दडा डा, ताकी दिकु सर्वशक्तीमान परमेश्वर गा डी न्याय दिन लिंजेन दियागा खिलाफ लडाई दडा गा घल्जी सेने।

^15-16 इनिघल्जी, भूतोकुनी राजो मिंकूके एठा दिकुगा सेनाकु के डी जगान गोलाकेकु डीके इब्रानी भाषा गेन हर-मगिदोन मेंबा होय। प्रभु नी मंडीके, “इनी बातो आजुमे, इंजा हेजे चोर गा हेजे गा खिजा अचानक डाऊवा, धन्य डी कोरो जो इंजा हेजे लिंजेन झाट्टोका थंदळवा, एठा हेजा कपळे तैयार डोकी होना, मेटे डीच नंगा बान थंदळ एठा अदाकु भी दिकुके सेरोमकु बाने चाहे दिकु बल्लान घोनेच कुरकू गा तालान भी सेने।”

याई कटोरा

¹⁷ याई स्वर्गदूत नी कोयो लिंजेन हेजा कटोरा उखीळीके एठा स्वर्गीय मंदिर गा सिंघासन तालाटे म्या खाट आवाज इनी मंडीटे आजुम्के, “पुराएन मेना होय।”

¹⁸ इने लिंजेन बिजलीनौर, वाणीनौर एठा गर्जन डाएन एठा खाट भूकंप डाएन। पृथ्वी लिंजेन कोरोकु गा उत्पत्ति गा टेमो टे येनोगो खाट भूकंप चोलाकाभी बान दडुका डा।

¹⁹ एनेटे बेबीलोन शहर जो खाट शहर होय, फाळीटे आफाई भागोन खातिंजे, एठा दुनिया गा उफुन भी कोने गा पूरा नशोएन, चोयाकी परमेश्वर नी बेबीलोन शहर गा कुरकू के दण्डो जिऊ गा बारेन जो हुकूम डाके डा डी पूरा डाके, येटेन येनोगो डाऊवा जैसा दिकु खुद परमेश्वर गा द्वारा दियागा खीजो गा कोटोरा गेन येंडाके मिनी अंगूर रेस्सो के नोएवा।

²⁰ डी टेमो, समुद्र गा सेबाई टापू अचानक नमोएन, एठा नका हरेक म्या टुक्की गायबू होय।

²¹ बदळा टे कोरोकु लिंजेन घोनेचका खापेट बरप बोचो लज्जे अंदजोटे पंचेचालीस किलो गा डा। बरप गा इनी सिनी गा वाजाटे कुरकू परमेश्वर के श्रापो जिऊ लज्जे चोयाकी इनी सिनी भेबाव भारी डा।