ದರ್ಶಾನ್ 15 - गवली उनाई नियमप्रकोप टे भेट्टिके मिनी याई सोना गा कोटोरा 1 येनेगा बादोन इंज्नी स्वर्ग तालाटे म्या एठा महान एठा अचम्बोऊ मिनी चिन्हा डोके। याई स्वर्गदूतकु याई अलग्गो-अलग्गो सिनीनौर सावे डा। इनी आखरी सिनीनौर होय, चोयाकी जब दिकु स्यागुवा मेटे परमेश्वर गा खीजो स्यागुवा। 2 मेटे इंज्नी चोच्का डोके जो समुद्र गा खिजा डूगु डा, जो कंचो गा खीजो चमकातिंजू लक्के डा एठा डेनेन सिंगेल भी बेल्लाके मेना डा। इंज्नी डी कुरकू के भी डोकेकु, जो डी भायनक जानवरकु लिंजेन जीटाएन मेना डा। दिकुनी जानवर गा कोनेन दियागा मूर्ति गा आराधना बान दडुका, एठा दिकु लिंजेन जानवर गा जीमू गा संख्या गा निशान बान येंडाडुका डा। देटेन दिकु डी समुद्र गा धुरा लिंजेन टेंगेंके डा। एठा दिकु सेबाईकु नी म्या विणा उठाके मेना डा जो परमेश्वर नी दिकुके जीके डा। 3 दिकु परमेश्वर गा सेवक मूसा गा सिरिंज एठा मेंडा कोंटे गा गना सिरिंज लठ्ठाका मंडी लक्के डा, “हे सर्वशक्तीमान प्रभु परमेश्वर, अमा कामय महान, एठा अचम्बो होय, हे जमाना-जमाना गा राजा, अमा चाल सही एठा सच्चो होय।” 4 “हे प्रभु! सेबाई कुरकू गा द्वारा अमा आदर डाऊवा मेना होय, एठा दिकु सेबाईकु अमा जीमू गा सम्मन दडावा होय। चोयाकी आमका चोखरा परमेश्वर होय। सेबाई राज्य हेजेवा डो अमा आराधना डाएवा, चोयाकी अमा न्याय गा कामय सेबाईकु अच्छा खिजाटे हाडाई होय।” 5 जब इनी कुरकू नी गना सिरिंज स्याके मेना, मेटे इंज्नी डोके कि स्वर्ग गेन मंदिर खुल्लाके डा। जो कि मिलातिंजू मिनी डेरा खिजा होय। 6 डी मंदिर तालाटे याई सिनीनौर साटे याई स्वर्गदूतकु ओटके। दिकु चमकातिंजू पुलूम कपळे उरिके मेना डा एठा दिकुगा साती गा उफुन कोनेन सोना गा पट्टीनौर भी टोलके मेना डा। 7 उफुन जीटा जानवरकु तालाटे म्याखोम नी याई स्वर्गदूतकु के याई सोना गा कोटोरा जीके, डेन जमाना-जमाना टाएन जीटाका थंदळ मिठाच परमेश्वर गा खीजो भेट्टिके मेना डा। 8 परमेश्वर गा महिमा एठा दियागा शक्तीगा वोजीटे मंदिर धुंजाटे भेट्टेन डा। एठा जेका मेटे टाएन मंदिर गेन मु बान साकता डा, जब टाएन याई स्वर्गदूतकु गा याई सिनीनौर पुराऊ बाने। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation