ದರ್ಶಾನ್ 14 - गवली उनाई नियम

मेंडा कोंटे एठा म्या लखो चौरेचलीस हजार कुरकू

¹ इंज्नी डाबोलटे डोके, मेंडा कोंटे सिय्योन टुक्की लिंजेन टेंगेंके होय। दियागा सेंग्गोन म्या लखो चौरेचलीस हजार कोरोकु होय, दिकुगा ठीकरी लिंजेन डी मेंडा कोंटे गा एठा दियागा बाटे गा जीमू ओल्के मेना होय।

² एठा इंज्नी स्वर्ग गेन जेका गा आवाज आजुम्के जो कि झरना गा कुराई गा खिजा तेजो, या बिजली गा गुळगुळ गा आवाज गा खिजा खाट डा। इनी संगीतकार गा द्वारा दिकुगा विणा साडी टे ओटमिनी संगीत गा खिजा घाई डा।

³ डी कोरो सिंघासन गा सम्मान एठा उफुन जीटा जानवरकु यानेकी जुना सनाकु गा सम्मान टेंगेंटे म्या उनाई गना सिरिंज लक्के डा, जो बस दिकुका इथूलक्के डा। डी म्या लखो चौरेचलीस हजार कोरोकु गा सेवा, दिकुके परमेश्वर नी पृथ्वी लिंजेन थंदळ मिंकू कुरकू तालाटे आराकेकु।

⁴ दिकुगा जीवन पवित्र होय। येनोगो कोरोकु गा खिजा दिकुनी चोलाका आनोवा बान दडुका, एठा चोलाका तुनिका चीजो गा पूजा बान दडुका, दिकु बस मेंडा कोंटे गा पूजा दडावा होय। मेंडा कोंटे तोटेकभी सेनेवा होय, दिकु देटेन दियागा टाऊ दडावा होय। दिकु इंकू होय जो पृथ्वी लिंजेन सेबाई कोरो जाटो गा तालाटे आराकेकु होय। जैसा कुरकू इकुगा खिटी टे पेला फल परमेश्वर के पेळेजेवा होय, डीका खिजा दिकुके भी परमेश्वर के पेळेजेवा मेना एठा मेंडा कोंटे के जेबा होय।

⁵ दिकुनी चोलाकभी लाबाळ बान मंडीडुका होय एठा दिकु निर्दोष होय।

आफाई स्वर्गदूतनौर गा एलान

⁶ मेटे इंज्नी म्या एठा स्वर्गदूत के बदळा गेन ऊँचाई लिंजेन ऊळतिंजूटे डोके। डी स्वर्गदूत नी डी अच्छा खाबोर के सावे मेना डा, जो चोलाकभी बान बदलाऊ, डीचनी दुनिया गेन थंदळ मिंकू कुरकू, हर म्या देशो, हर म्या पीढी एठा हर खिजा गा भाषा गेन इनिके घाल्के।

⁷ डीच खाट आवाज टे इनी मंडी लक्के डा, “परमेश्वर टे हिघराए एठा दियागा महिमा डाए! चोयाकी नका दियागा न्याय गा दिन हेन मेना होय। डीचनी बदळा एठा पृथ्वी, समुद्र एठा डा गा झरना के आरुके, दियागा आराधना डाए।”

⁸ दियागा टाउन म्या दूसरा स्वर्गदूत हेन एठा मंडीके, “दियागा नाशो डाएन मेना होय! बेबीलोन शहर गा बुरा कामय नी पृथ्वी गा सेबाई देशो के नशोके। डीचनी दुनिया गा सेबाई कुरकू के बहकातिंज्केकु एठा सिडू आनूटे दिकुटे आनोवा डाके।”

^9-10 डाबोलटे दियागा टाऊटे म्या तिसरा स्वर्गदूत हेन एठा खाट आवाज टे मंडीके, “अगर तुनिका जानवर या दियागा मूर्ति गा आराधना डाएवा एठा हेजा ठीकरी या हेजा टी लिंजेन दियागा छाप डाएवा। मेटे डीचके परमेश्वर गा खीजो गा अंगूर रेस्सो आनोएवा, जो बिना बेल्ला गा, दियागा खीजो गा कोटोरा गेन येंडाके मेना होय। एठा डीचके चोखरा स्वर्गदूतकु एठा मेंडा कोंटे गा सम्मान सिंगेल एठा अंगरा गा तक्लिप जेबा। जैसा डीच खुद परमेश्वर गा द्वारा दियागा खीजो गा कोटोरा गेन येंडाके बिना बेल्ला गा अंगूर रेस्सो के नुएवा।

¹¹ जो कुरकू जानवर या दियागा मूर्ति गा आराधना दडावा इनिघल्जी दियागा जीमू गा छाप दडा डा, दिकुगा तक्लिप गा धुंजा जमाना-जमाना बिटका थंदळवा एठा दिकुके रातो-दिन चोलाका चैन बान घाटाऊ।”

¹² इनिघल्जी इनी जरुरी होय कि परमेश्वर गा कुरकू दिकु सेबाई कासुनौर के सेहेनजा देटे सेनेट दिकु सेनेवा होय, इंकू डी कुरकू होय जो परमेश्वर गा हुकूमनौर के मनातिंजेवा होय एठा विश्वास लायको टे यीशु गा टाऊटे सेंदरावा होय।

¹³ डाबोलटे इंज्नी स्वर्ग गेन जेकाकेका इंजाटे इनी मंडीटे आजुम्के, “इनी बातो के ओले, नका टे धन्य होय, डी कुरकू, जो परमेश्वर लिंजेन विश्वास दडा लठ्ठाका गुजूवा होय।” मेटे पवित्र आत्मा मंडीवा होय, “येनेगोका डायु, ताकी दिकु इकुगा मेहनत गा बादोन आराम्बो डाए, चोयाकी दिकुगा भाला कामय गा घल्जी दिकुन फाल घाटाऊवा।”

पृथ्वी गा आनाजो गा हिर

¹⁴ डाबोलटे इंज्नी म्या पुलूम बदळा डोके, एठा इंज्नी तुनिका कोरो के डे लिंजेन सुबांटे डोकेनेच। दियागा कापर लिंजेन सोना गा मुकूट डा एठा टी गेन म्या धारी दठोम डा।

¹⁵ मेटे उफुनजा स्वर्गदूत मंदिर टे ओटजे एठा ऊँचा आवाज टे हाको लठ्ठाका बदळा लिंजेन सुबान मिठाच टे मंडीके, “अमा धारी दठोम सेंदराए, चोयाकी हिरगा गा टेमो हेन मेना होय एठा पृथ्वी गा आनाजो हेन मेना होय।”

¹⁶ इनिघल्जी डी कोरो जो बदळा लिंजेन सुबानके डा, पृथ्वी लिंजेन हेजा धारी दठोम टे हिर लज्जे एठा डीचनी सेबाई पृथ्वी गा आनाजोनौर के हिरजे।

¹⁷ मेटे म्या एठा स्वर्गदूत स्वर्ग गा मंदिर टे ओटजे, डीच खुद म्या धारी दठोम सावे मेना डा।

¹⁸ म्या एठा स्वर्गदूत नी, दियेन सिंगेल लिंजेन हाक डा, वेदी लिंजेन टे हेन डो खाट आवाज टे डी स्वर्गदूत टे मंडीके, जो धारी दठोम सावे डा, “आपना धारी दठोम सेंदराटे पृथ्वी गा अंगूर बगीचा गा गुच्छा गोलाकी चाले, चोयाकी दियागा अंगूर बिलेन मेना होय।”

¹⁹ एने लिंजेन स्वर्गदूत नी हेजा धारी दठोम सेंदराके एठा पृथ्वी गा अंगूर गा बगीचा गा आनाजो गोलाके। एठा डीके परमेश्वर गा खीजो गा खाट कुंड गेन सजा गा घल्जी येंडाके।

²⁰ एठा डी अंगूरनौर के पूरा गा बल्लान कुंड गेन लेथेळके एठा डेने तालाटे जो पचना ओटके, डी म्या येटो खोल धार गा रुपो गेन आडेन कि घुळगीकु गा लगामनौर टाएन आदिरजे, एठा आफाई सेद्दी अस्सी किलो मीटर टाएन ओले।