ದರ್ಶಾನ್ 11 - गवली उनाई नियम

बरी गवाह

¹ येनेगा बादोन जेकानी इंज्के उमना गा घल्जी म्या छाळी जीके एठा परमेश्वर नी मंडीके, “बिडे, परमेश्वर गा मंदिर यानेकी वेदी गा मापो सेगे यानेकी देटेन टाकु आराधना दडामिंकू गा उमना डाए।

² पेनो मंदिर गा बल्ला गा दरोम के बाकी उमना, चोयाकी डी परमेश्वर लिंजेन विश्वास बान दोडोमिंकू गा हवाले जीके मेना होय। एठा दिकु ब्यालिस महिना टाएन यरूशलेम शहर के कुचलातिंजेबा।

³ एठा इंज इंजागा बरी गवाह किंज के इनी हुकूम जेबा, कि डीच डी बारह सेद्दी साठो दिननौर टाएन काळक्को गा कपळे ओळ गा खाबोर गा एलान डाएवा।”

⁴ इनी बारी गवाह किंज गा तुल्न का जैतून गा बरी सिंज एठा बारी दिवाल टे डाके होय, जो पृथ्वी गा प्रभु गा सम्मान टेंगेनका थंदळवा होय।

⁵ अगर जेका इनिके ताक्लिप जिऊ चाहतावा होय, मेटे इंकुगा चभुटे सिंगेल ओटबा होय एठा डीच इंकुगा दुश्मनीनौर के नाशोएवा होय। जो इंकुके तक्लिप जिऊ चाहतावा, डीके इनिका खिजा घोगेच होना।

⁶ दिकुगा मेरान बदळा के बबंदो गा हाक होय, ताकी परमेश्वर गा खाबोर के एलान दडा गा टेमो डा बाकी घामा होना। इनिके डा के पचना गेन बबादला गा एठा जब-जब इनिज मेंबा, मेटे-मेटे पृथ्वी लिंजेन हर रोंगो गा दण्डो कुकूल गा हाक होय।

⁷ जब डीच हेजा खाबोर एलान डाके होंगा, मेटे पातल तालाटे ओटमिनी भायनक जानवरकु इंकुटे लडाई डाएवा एठा इंकुके हरातिंजटे इंकुके घोच्कुबा।

⁸ डी बारी गवाह किंज गुजू गा बादोन, दिकुगा लासोके बस डी खाट शहर गा सळक्कोन आरागेवा, देटेन दिकुगा प्रभु के क्रूस लिंजेन पेळेच्केच मेना डा, डी शहर गा तुल्ना सदोम शहर एठा मिस्र देशो टे डाएवा मेना होय।

⁹ साळे आफाई दिननौर टाएन हर जाटो, कुल, भाषा एठा देशो गा कुरकू इंकुगा लासो दोडो हेजेवा एठा इंकुके गगाळातिंज गा राजी बान जिऊ।

¹⁰ इनी दुनिया गेन थंदळ मिंकू कुरकू इंकुगा वोजीटे उल्लसित टे खुशी ममानातिंज्बा एठा इनिज-डीचके उपहार जेबा, चोयाकी इनी बर्खिंज नबी दुनिया गेन थंदळ मिंकू कुरकू के सतातिंज्कु डा।

¹¹ इनी दुनिया गेन थंदळ मिंकू कुरकू इंकुगा वाजाटे खुशी मनातिंजेवा एठा इनिज-डीचके भार जेबा, चोयाकी परमेश्वर गा कोनेटे मंडीमिंकू इनी बारी दुनिया गेन थंदळ मिंकू कुरकू के सतातिंज्कु डा।

¹² येनेगा बादोन, डी बरी कुरकू किंज नी स्वर्ग टे म्या आवाज के आजुम्के, डीचनी दिकिंजके जोर टे हाकोटे एठा मंडीके, “येटेन, मठान हेजे,” एठा इनिज हेजा दुश्मनकु गा दोडो-दोडो बदळा बोचो मिनी स्वर्ग गेन टूलजेनेच मेना।

¹³ डीका टेमो खाट भूकंप डाएन एठा पूरा गा उरा गा गेल्जा भागो कासा गेन बेल्लाएन। एठा याई हजार कुरकू भूकंप गेन गोएन एठा जो बचातिंजे, दिकुनी हिगराएन डो स्वर्ग गा परमेश्वर गा स्तुति डाके।

¹⁴ नका दूसरा सिनी बितातिंजे। डोगे, आफाई सिनी जल्लोका हेजे मिनी होय।

याईय्या पिंगी

¹⁵ जब याईय्या स्वर्गदूत नी पिंगी साडीके। मेटे इंज्नी स्वर्ग गेन तेज आवाजनौर के हाको लठ्ठाका आजुम्के, “इनी दुनिया गा राज्य आलेगा प्रभु एठा दियागा मसीह गा स्वर्ग गा राज्य आरोएन होय। डीच जमाना-जमाना टाएन राज्य डाएवा।”

¹⁶ मेटे चौबीस जुना सनाकु, जो परमेश्वर गा सम्मान इकुगा सिंघासन लिंजेन सुबांके होय, होम्बाटे बोचोएन एठा इनी मंडी लठ्ठाका परमेश्वर गा आराधना दडा लज्जे।

¹⁷ “सर्वशक्तीमान प्रभु परमेश्वर, जो होय एठा जो हमेशा डा, आले आमके धन्यवाद जिऊवा होय। कि आम आमगा शक्ती साईय्ये होय एठा राजो दडा चलुके मेना होय।”

¹⁸ “जो कुरकू अमा लिंजेन विश्वास दडा टे बान मेंके होय दिकु अमा खीजो के होय एठा इनी टेमो होय कि आम अमा खीजो टीपे एठा दिकु सेबाईकु गा न्याय दडा गा टेमो हेन मेना होय जो गोएन मेना होय। जब अमा सेवककु, एठा परमेश्वर गा कोनेटे मंडीमिंकू एठा अमा भक्तकुके दिकुगा मन गेन अमा घल्जी आदर होय, दिकु सेबाईकु के ईनाम जेबा मेना, चाहे दिकु सानी होय या खाट होय। एठा डी टेमो हेन मेना जब डी कुरकू गा नशो डाएवाका, जो पृथ्वी गा नशो दडावा होय।”

¹⁹ मेटे स्वर्ग गेन परमेश्वर गा मंदिर खुल्लाएन एठा मंदिर गेन परमेश्वर गा करार गा पिटी डोके मेना। डीका टेमो बिजली, पळापळा यानेकी बदळानौर गा साडी डाएन, म्या खाट भूकंप हेन एठा खापेट-खापेट बरप बोचोएन।