ಪಿಲಿಪ್ಪಿ 4 - गवली उनाई नियमपौलुस गा सलाह 1 इनिघल्जी हे इंजा विश्वासी डाईचो, आपे इंजागा चोटो प्यारा होय एठा इंज आपेटे मिलातिंजू चाहतावा मेना। आपे इंजा खुशी गा वाजा होय एठा इंजेन आपे लिंजेन घमंड होय। इनी रोंगो टे आपेगा विश्वास गेन पक्का आरुका थंदळे। 2 इंज यूओदिया एठा सुनतुखे, बरी भी बोकजाई किंज टे बिनती दडावा मेना, कि आपिंज हिंजमानके दडा बंदोए एठा प्रभु गेन म्या मन टे थंदळे। 3 हे सुजूगस आम भी, इंजा विश्वासी लायको मदत दडामिठाच आरोए, इंज चाहतावा मेना कि आपे डी बोकाजाईकु गा मदत डाए, चोयाकी दिकुनी इंजा सेंग्गोन अच्छा खाबोर के फैलातिंजून, क्लेमेंस एठा इंजा दूसरा कामय दडामिंकू गेल्ला काठीन मेहनात डाके होय। दिकुगा जीमू जीवन गा पुस्तक गेन ओल्के मेना होय। हमेशा खुशो थंदळे 4 आपे कुरकू प्रभु गेन हमेशा खुशो थंदळे, इंज डाबोलटे मंडीवा मेना, खुशो थंदळे। 5 हर जेकाभी सेंग्गोन कोमलता टे पेश जे प्रभु जल्लोका हेजेमिठाच होय। 6 तुनिका बातो गा चिंता बाकी दडा, पेनो हरेक परिस्थित गेन आपना सेबाई जरुरनौर गा घल्जी प्रार्थना एठा बिनती डाटे, एठा धन्यवाद गा सेंग्गोन परमेश्वर गा सम्मान आपना निवेदन डोए। 7 एठा परमेश्वर गा शांती जो कोरोकु गा समाजोटे पारे होय, आपेगा दिल एठा बिचारनौर के मसीह यीशु गेन सजाका डोएबा। 8 इनिघल्जी हे डाईचो, जो बातोनौर अच्छा एठा आदर्णीय होय, सच्चो होय, प्रशंसनीय होय, धार्मिकता गा होय, एठा चोखरा एठा मनेन घाऊरोंगो होय, डी बातोनौर लिंजेन ध्यान येंडाए चाले। 9 जो बातोनौर आपेनी इंजाटे इथूके होय एठा जो शिक्षा आपेनी इंजाटे मनेनके होय। एठा जो उदहारण इंज्नी इंजा शब्दनौर एठा कामय गा द्वारा आपेके घाल्के होय, डेगा पालन डाए। मेटे शांती जिऊमिठाच परमेश्वर आपेगा सेंग्गोन थंदळवा। दान गा घल्जी धन्यवाद 10 इंज प्रभु गेन भेबाव खुशोके मेना, कि नका येटो दिन गा बादोन आपेनी डाबोलटे म्या बार इंजा बारेन चिंता घाल्ले होय। इंजागा मंडी गा इनी मतलब बाऊ होय, कि आपेनी इंजा चिंता दडा आराके डा, पेनो इनी कि आपेन मौका घाटाडुका। 11 इंज इनी इनिघल्जी मंडी लक्के मेना, कि इंजेन तुनिका बातो गा कमी होय, चोयाकी इंज्नी हर म्या हाल गेन भेट्टि थंदळ भी इथूके होय। 12 इंज दीनता गेन थंदळ भी हाडाई मेना, एठा पुराटेका थंदळ भी हाडाई मेना। हर म्या विषय एठा सेबाई हाल गेन इंज्नी भेट्टिऊवा, एठा जीवन गा उतर-चढाव गेन थंदळ भी इथूके होय। 13 मसीह गा शक्तीगा द्वारा, इंज सेबाई हालनौर गा सामना डाए सकतावा मेना। 14 पेनो आपेनी इंजा मुसीबत गेन इंजा मदत डाटे भलाका डाके। 15 हे इंजा प्यारे फिलिप्पियो शहर गा सोप्तीकु, आपेन हाडाई होय कि अच्छा खाबोर गा प्रचार गा सुरुवात गेन, जब इंज मकिदुनियान जिल्हा टे बिडाकेनेच, मेटे बस आपेगा का मसीह गा मंडली गा कुरकू नी इंजा लेन-डेन बारेन इंजा मदत डाके। 16 इनिका प्रकार जब इंज थिस्सलुनीके शहर गेन डा, मेटे आपेनी म्या बार बाने, पेनो घोनेच्का बार इंजा जरुरत पुपरा गा घल्जी इंजा मदत डाके डा। 17 येनेगो बान होय कि इंज दान चाहतावा मेना, पेनो इंज चाहतावा मेना कि इनी आपेगा डाके मिनी भला कामय गा सूची गेन जुळातिंजू, डेगा घल्जी परमेश्वर आपेके ईनाम जेबा। 18 जो चोच्काभी आपेनी इंज्के जिले डी सेबाईका इंजा मेरान होय, पेनो घोनेच टे भी जादा होय। जो चीजोनौर आपेनी इपफ्रुदीतुस गा टी टे कुल्ले डा, डीके घाटाटे इंज भेट्टेनका मेना। डी मेटे परमेश्वर गा सम्मान सुकीटे सुकींज, मनेन नेज लायको बलिदान गा रोंगो होय, जो दियेन अच्छा लगातिंजुवा होय। 19 इंजा परमेश्वर भी हेजा डी डामा गा रेंगो, जो महिमा गेल्ला मसीह यीशु गेन होय, आपेगा हरेक जरुरत के पुराएवा। 20 आलेगा परमेश्वर बाटे गा महिमा हमेशा-हमेशा टाएन डाऊ लक्कू। आमीन। आखरी नमस्कार 21 यीशु मसीह गेन हर म्या चोखरा कुरकू के इंजा नमस्कार मांडे। जो विश्वासी डाई इंजा सेंग्गोन होय, दिकु कोनेटे आपेके नमस्कार। 22 सेबाई चोखरा कुरकू गा कोनेटे, कास करके रोमी सम्राट कैसर गा कर्मचारीकु आपेके नमस्कार मंडीवा होय। 23 आलेगा प्रभु यीशु मसीह गा कृपा आपे सेबाईकु सेंग्गोन थंदळे। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation