ಪಿಲಿಪ್ಪಿ 3 - गवली उनाई नियमजीवन गा मकसद 1 इनिघल्जी हे इंजगा विश्वासी डाईचो, प्रभु गेन खुशो थंदळे। डीका बातोनौर के आपेके डाबोलटे ओलेन इंजेन मेटे तुनिका ताक्लिप बान डाऊ। एठा इंजा इनी बातोनौर के ओल आपेके भटकातिंजू टे बचातिंजकोम्बा। 2 जो बुरा कामय दडावा, डी बुरा कुरकू टे ध्यान टे थंदळे, होय, दिकु सिटाकु रोंगो होय एठा जो कोम्बोर गा खतना दडा गेन जोर जेबा होय। 3 दिकुगा बाने, पेनो आलेगा सच्चो खतना डाएन होय, चोयाकी आले परमेश्वर गा आत्मा गा अगुवाई टे दियागा आराधना दडावा होय एठा यीशु मसीह लिंजेन घमंड दडावा होय एठा डेन थंदळ टे आपना जीवन गेन खुशी ममानातिंज्बा होय एठा कोरोकु लिंजेन भरोसा बान दोडो। 4 इंजा मेरान तुनिका अच्छा वाजा बाऊ होय, कि इंज इनी कोरोकु गा कामय लिंजेन भरोसा डोकी, मेटे भी अगर जेका दिकु कामय लिंजेन भरोसा दोडो गा बिचार दडावा होय, मेटे इंज दिकुटे जदा बळातिंजटे येनेगो डाकी होना। 5 इंजा डाएन गा इलाएरा दिन इंजा खतना डाएन, जैसा कि परमेश्वर नी हुकूम जीके होय। इंज इस्राएली कोरो गा रुपो गेन डाएन मेना एठा बिन्यामीन गा पित्रकु टे मेना, एठा इंज पक्का इब्रानी कोरो मेना। एठा मूसा गा नियम गा पालन दडा गा द्वारा इंज फरीसि कुरकू मेना। 6 इंजा यहूदी धर्म गा प्रति आरी येटो डा, कि इंज मसीह गा मंडली के सतातिंज्कु डा। मूसा गा नियम गा पालन दडामिंकू इंज म्या धर्मी कोरो डा, चोयाकी इंज्नी डी सेबाई बातो गा पालन डाके होय। 7 पेनो दिकु सेबाई बातो, जो इंजा घल्जी फायदा गा डाऊ डा, नका इंज्नी डी बातोनौर के इंज मसीह गा वोजीटे नुकसान मनातिंजे होय। 8 चोयाकी इंज यीशु इंजा प्रभु के चिचाना चाहतावा मेना, जो सेबाई चीजो टे जादा किमती होय। इंज्नी सेबाई चीजो के नुकसान मनातिंज्के एठा दियागा वोजीटे इंज्नी सेबाई हानि टूलबे एठा डीके कचरा समझातिंजेवा। ताकी इंज मसीह गा हुकूम आजोम मिठाच आरुयु, 9 एठा दिकुगा सेंग्गोन पूरा रुपोटे म्याजू। नका इंजा मेरान डी धार्मिकता होय, जो मूसा गा नियम गा पालन डाटे घाटाऊमिनी बाने होय, बनकी मसीह लिंजेन विश्वास दडा गा द्वारा घाटाऊवा होय। डी धार्मिकता परमेश्वर गा कोनेटे विश्वास दडा गा वोजीटे घाटाऊवा होय। 10 ताकी इंज मसीह के डाबोलटे जीटाऊ गा शक्ती हाडाईयु, एठा दियागा सेंग्गोन कासून बेल्लाटे दियागा गुजू गा बराबोर के घाटायावा। 11 ताकी तुनिकाभी रिती टे इंज डाबोलटे गोएन मिठाच जाटे जीटायु। निशान गा कोनेन बळातिंजू 12 इंज इनी बान मंडी, कि इंज पेलाटेका सफलजे मेना या पूरा रोंगोंटे टे डेनोगो बान आरुडुका, जैसा परमेश्वर चाहतावा होय, कि इंज आरोए लेकिन इंज डी ईनाम के घाटाऊ घल्जी कोशिश दडा लक्के मेना, जेगा घल्जी मसीह यीशु नी इंज्के हेजा गा हाक गेन सैय्येमी होय। 13 हे इंजा डाईचो, इंज येनेगो बान सोचातिंज, कि इंज डीके घाटाके मेना। पेनो इंज दडावा मेना, कि जो बातो टाउन थंदळजे होय, डीके भुल्लाटे सम्मा गा बातो गा कोनेन बळातिंजुवा मेना। 14 इनिघल्जी स्वर्ग गेन डी पुरस्कार के घाटाऊ घल्जी इंज निशान गा कोनेन साळुपटे सेनेवा मेना, डेगा घल्जी परमेश्वर नी इंज्के यीशु मसीह गा द्वारा हाकोकेमी होय। 15 इनिघल्जी, आले सेबाईकु जो पक्काके होय, येनेगोका बिचार डोए। पेनो अगर आपे तलाटे अदाकु गा अलग्गो बिचार होय, मेटे परमेश्वर डीचके भी आपे लिंजेन ओडेवा। 16 चाहे चोच्काभी डायु देटे टाएन आले आदिरके, डेगाका रोंगो सेंदराए। 17 हे विश्वासी डाईचो, आपे सेबाईकु बेल्लाटे इंजगा रोंगो जीवन बितातिंजे। एठा डी कुरकू लिंजेन ध्यान जे जो इनी रिती टे जीवन बितातिंजे होय, जो आलेनी आपेगा सम्मान डोके होय। 18 इंज आपेटे पेलाभी घोनेच बार इनी मंडीके मेना, एठा नका डाबोलटे मेट डा गा सेंग्गोन मंडीवा मेना। घोनेच्कुका येनेगो होय, जो हेजा गा जीवन के बिबातातिंज गा द्वारा मसीह गा क्रूस लिंजेन गुजू गा खाबोर गा खिलाफबेन दडावा होय। 19 दिकुगा अंत नाशो होय, चोयाकी दिकु इकुगा कोम्बोर गा इच्छानौर के भेट्टिव घल्जी गा जीवन बितातिंजेवा होय। डे लिंजेन दिकुन सेरोम होना, डी बातो लिंजेन दिकु घमंड दडावा होय एठा बस दुनिया गा बातो लिंजेन मन येंडावा होय। 20 आबुगा खुद गा देशो स्वर्ग गेन होय, एठा आबु उत्सुकता टे उध्दार दडामिठाच प्रभु यीशु मसीह गा स्वर्ग टे हेजे गा राह दोडो लक्के। 21 डीच हेजा डी शक्तीगा आसर गा रोंगो, डेगा द्वारा डीच सेबाई चीजोनौर के हेजा काबून सेगेवा होय। दियागा का द्वारा डीच आलेगा तुच्छा कोम्बोर गा रुपो बदलाटे, हेजा महिमा गा अनुकूल आरोएवा। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation