ಪಿಲಿಪ್ಪಿ 2 - गवली उनाई नियममसीह गा संगाम एठा बळाई 1 जैसा कि आपेन मालूम होय कि मसीह गेन आपेगा जीवन आपेके मजबूत आरुवा होय, एठा मसीह गा प्यार आपेके शांती जेबा होय, एठा आपेगा बेल्लाऊ पवित्र आत्मा गा सेंग्गोन होय एठा आपेन नी इनिज-दिया घल्जी करुना एठा दया होय। 2 मेटे इंज आपेटे बिनती दडा मेना कि म्या मन थंदळे, इनिज-दियागा सेंग्गोन म्याका प्यार गेन आरुका थंदळे, इनी खिजा आपे-आपेका एठा म्याका मन डोए, एठा इंजा खुशी पूरा डाए। 3 खुद गा फायदा या लबाळ बढाई घल्जी चोच्का बाकी दडा, इनिज-दियागा प्रति नम्र आरोए, एठा हमेशा दूसराकु के खुद टे अच्छा समझातिंजे। 4 आपेटे हर म्याखोम हेजाका फायदा गा बाने, पेनो दूसराकु फायदा गा भी चिंता डाए। मसीह गा दीनता एठा महानता 5 जैसा मसीह यीशु गा स्वभाव डा, डेनोगोका आपेगा भी स्वभाव होना। 6 डीचनी परमेश्वर गा स्वरूपेन टाकुटेभी परमेश्वर गा बराबोर आरु गा, हेजा हाक गेन दोडो गा चीजो बान समझातिंज डुका। 7 पेनो डीचनी सेबाईका आराटे भाग्य गा रुपो आरोएन एठा कोरोकु रोंगोएन जे। 8 एठा कोरोकु गा रुपोन ओटजे डो हेज खुदके दिन डाके, एठा परमेश्वर गा हुकूम मिठाच आरुटे क्रूस लिंजेन गुजू भी सेहेनजे। 9 इनी वाजाटे परमेश्वर नी डीचके खाट महान केनेच, एठा डीचके डी जीमू जीके जो सेबाई जीमूनौर टे महान होय। 10 कि जो स्वर्ग गेन एठा पृथ्वी लिंजेन एठा पृथ्वी गा इटान होय, दिकु सेबाईकु यीशु गा जीमू लिंजेन ठोपरे टेगाए। 11 एठा परमेश्वर बाटे गा महिमा गा घल्जी, सेबाई कुरकू अंगीकार डाएवा, कि यीशु मसीह का प्रभु होय। उजाला रोंगो चमकातिंजे 12 इनिघल्जी हे इंजगा प्यारे कुरकू, जो रोंगो आपे हमेशा टे इंजा हुकूम आजुमटे हेन होय, जब इंजा आपेगा सेंग्गोन डा। इनी एठाभी महत्वपूर्ण होय, नका आपे इंजागा हुकूम मनातिंजे जब इंज आपेटे लेंक्कीनके मेना। इनिघल्जी हिघराटे एठा कपतिंजटे, डी कामयनौर के पुराए चाले डेगा द्वारा परमेश्वर आपेगा उध्दार डाएवा। 13 चोयाकी परमेश्वर आपेगा तलान कामय दडावा होय, एठा आपेके इच्छा एठा शक्ती जिऊवा होय, कि आपे डी कामयनौर डाकी होना देटे डीच खुशोऊवा होय। 14 आपे सेबाई कामयनौर के बिना शिकायत एठा बिना हिंजमन गा पुराए चाले। 15 ताकी आपे परमेश्वर गा बिना दाग कोणटे गा रोंगो निर्दोष एठा भोलाऊवा। जो इनी दुनिया गा पापी एठा बुरा कुरकू गा तलान थंदळवा होय। आपे दिकु तलान बदळा गेन चमकातिंजू मिनी इफिलकु रोंगो चमकातिंजे। 16 जैसा आपेनी दिकुके जीवन गा खाबोर जीके होय। अगर डेनोगोका दडाका लक्कू, मेटे इंजेन मसीह गा डाबोलटे हेजे गा दिन आपे लिंजेन घमंड दडा गा वाजा डाऊवा, चोयाकी येनेटे इनी साबितदुवा कि इंजगा काठीन मेहनात एठा कोशिश वोया बान दडुका। 17 प्रभु गेन आपेगा विश्वास एठा आपेगा सेवा म्या बलिदान गा रोंगो होय, जो प्रभु के पेळेचके मिनी होय। एठा अगर इंज्के आपेगा विश्वास गा घल्जी आपना जीवन भी जिऊ होना, तोभी इंज खुशोके मेना एठा आपे सेबाईकु सेंग्गोन खुशी मनातिंजेवा मेना। 18 डेनोगोका आपे भी खुशीयु एठा इंजा सेंग्गोन खुशी मनातिंजे। तीमुथियुस गा बढाई दडा 19 अगर इनी प्रभु यीशु गा इच्छा होय, मेटे इंजेन आसा होय कि इंज तीमुथियुस के आपेगा मेरान तुरुटो कुलेच्बा, ताकी इंज आपेगा हाल चिनाटे प्रोत्साहितके मेना। 20 चोयाकी इंजा येनोगो स्वभाव गा एठा जेका बाऊ, जो सपा मन टे आपेगा चिंता डाए। 21 दूसरा सेबाईकु इकुगा फायदा गा चिंता दडावा होय, यीशु मसीह गा कामय गा दिकुन तुनिका चिंता बाने। 22 पेनो आपेनी खुद चिनाये एठा हाडाईये भी होय, कि तीमुथियुस नी टोनोगो हेज खुदके विश्वास लायको साबितके होय, जो रोंगो कोणटे बाटे गा सेंग्गोन दडावा होय, डेनोगोका डीचनी अच्छा खाबोर गा फैलातिंजेन इंजा सेंग्गोन मेहनात डाके। 23 इंज आसा दडावा मेना, कि जैसा का इंजेन मालूमुबा कि इंजा चोच हाल डाऊवा, इंज डीचके तुरुटो आपेगा मेरान कुलेच्बा। 24 एठा इंजेन भी प्रभु लिंजेन भरोसा होय, कि इंजभी जल्लोका आपेगा मेरान हेजेवा। इपफ्रुदीतुस गा बढाई दडा 25 इंज्नी इनी जरुरी समझातिंज्के, कि आलेगा डाई इपफ्रुदीतुस के आपेगा मेरान कुलेच्बा, डीच इंजा सेंग्गो कामय दडामिठाच एठा इंजा योद्धा गेन सोपती एठा आपेगा दूत एठा जरुरी बातो गेन इंजा सेवा दडामिठाच कोरो होय। 26 डीच आपे सेबाईकु के दोडो घल्जी भेबाव उत्सुक के डा। पेनो डीच हिगरा थंदळ डा, चोयाकी आपेनी दियागा बिमारी गा बारेन आजुम्के डा। 27 डीच सच्चोका भेबाव बिमार के डा एठा गुजू टेमोन के डा। पेनो परमेश्वर नी दिया लिंजेन दया डाके एठा डीचके सजाकेनेच, बस दियाका लिंजेन बाने, पेनो इंजा लिंजेन भी दया डाके, कि इंजेन एठा म्या कासु बाकी सेहसेन होना। 28 इनिघल्जी इंज डीचके आपेगा मेरान कुकूल घल्जी एठा घोनेच उत्सुक के मेना, ताकी आपे डीचके धोटे खुशीयु, देटे इंजा चिंता भी कामूवा। 29 इनिघल्जी आपे प्रभु गेन दियागा खुशी गा सेंग्गोन आदर डाए। येनोगो कोरोकु गा इनिका रोंगो आदर डाएका लक्कू। 30 चोयाकी डीचनी मसीह गा कामय गा घल्जी हेजा गा जान के जोखिम गेन येंडाके। ताकी डीच इंजागा डी खिजाटे टे मदत डाकी होना, जो खिजाटे टे आपे इंजा मदत बान डाए साकता डा, चोयाकी आपे लेंक्कीनके डा, पेनो डीचनी इंजा सेवा डाके। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation