ಮತ್ತಾಯ್ 25 - गवली उनाई नियमनवरा के तथारव्वा गेल काँवरीकु गा उदाहरण 1 “यीशु नी हेजा चेलाकू टे मंडीके, जब इंज कोरो गा कोण डाबोलटे हेजेवा, मेटे स्वर्ग गा राज्य इनी रोंगो होंगा, जब गेल काँवरीकु जो इकुगा मशाल साटे नावरा टे मिलातिंजू ओडजे।” 2 दिकु तालाटे मोनाई बेदिमागकु डा, मतलब मोनाई समाजदारकु डा। 3 बेदिमाग कुनी इकुगा मशालनी सावे, पेनो इकुगा सेंग्गोन जैतून सुनूम बान साडुका। 4 पेनो सामझदार काँरीकुनी इकुगा मशाल गा सेंग्गोन कुप्पीन भी जैतून सुनूम भेट्टीवे। 5 मेटे नावरा गा हेजेन टेमोएन, मेटे दिकु सेबाई दुनूम झुरकी हेजे लज्जे, एठा गिटेन। 6 मेटे अदा रातोन जेकानी चिल्लातिंजके, कि डोगे, नावरा हेजे लक्के होय, दियाटे मिलातिंजू घल्जी बो। 7 मेटे दिकु सेबाई कुंवारी बिटजे आपना-आपना मशाल सुसीटी लज्जे। 8 एठा बेदिमाग नी सामझादार टे मंडीके, आपेगा जैतून सुनूमाटे थोळासा आलेके सेगे? चोयाकी आलेगा मशाल हिरीजू लक्के। 9 पेनो समझदार कुनी जवाब जीके कि आलेगा का एठा आपेगा घांजी पूरा बान डाऊ, भला येटेन होय, कि आपे किकीजीमिंकू मेरान सेने डो आपे घांजी मोलाटे सायोम। 10 मेटे दिकु मोलाटे सा चेल्के डा, मेटे नावरा हेन मेना, एठा डी मोनाई दिमागदार कुंवारीकु जो तैयारके डा, दियागा सेंग्गोन ब्याह गा उरान ओले एठा दारोजो बंदोके मेना। 11 येनेगा बादोन दिकु दूसरा कुंवारीकु भी हेंडो मंडी लज्जे, हे स्वामी, हे स्वामी, आले घांजी दारोजो खुल्लाये। 12 डीचनी जवाब जीके, कि इंज आपेटे साच्चो मंडीवा होय इंज आपेके बान हाडाई। 13 इनिघल्जी जटटो थंदळे, चोयाकी आपे न डी दिनके मालूम होय, न डी टेमो मालूम होय, कि कोरो कोण चोला हेजेवा। आफाई भाग्य गा उदाहरण ( लूका 19:11-27 ) 14 चोयाकी येटेन कुरकू गा कामय होय जो दूसरा गाँवेन सेने टेमो हेजा भाग्य के हाकोटे, हेजा डामा दिकुके जीके मेना। 15 डीचनी म्याखोम के मोनाई हजार सोना गा चिक्खा, (मोनाई दिन गा मुंजरी), दूसराके बरी हजार सोना गा चिक्खा एठा तिसरा के म्या हजार सोना गा चिक्खा, हर म्याखोम दियागा शक्तीगा रोंगो जीके, एठा मेटे दूसरा गाँवेन ओले। 16 मेटे दियेन मोनाई थोळा घाटाएन डा, डीचनी तुरुटो ओलेडो लेन डेन डाके, एठा मोनाई थोळा एठा कामाएके। 17 इनिका रिती टे जेन बाएरा घटाएन डा, डिचभी नी बाएरा एठा कामाये। 18 पेनो जेन म्या घाटाके डा, डीचनी ओलेडो कासा लाके, एठा हेजा गा स्वामी गा डामा उखुके। 19 घोनेच दिन बादोन डी भाग्य गा स्वामी हेंडो दिकुटे येदेन चिचना घांजी दिकुके म्या सथोन म्या जगान केकु दिकुनी दियागा डामा गा सथोन चोच डाके होय। 20 जेन मोनाई थोळा घाटाएन डा, डीचनी मोनाई थोळा (मोनाई दिन गा मुंजीरी) साटे मंडीके, हे स्वामी आम इनचे जो थोळा जिले डा, डोगे इंज मोनाई थोळा एठा कामायले। 21 दियागा स्वामी डीचके मंडीके, धन्य होय, अच्छा एठा विश्वास लायको भाग्य, आम थोळाका विश्वास लायको थंदळके, इंज आमके घोनेच्का चीजो गा हाक जेबा आपना स्वामी गा खुशीन बेल्लाकोम्बा। 22 एठा जेन बरी थोळा घाटाएन डा, डीचनी हेंडो मंडीके, “हे स्वामी, आमनी इंज्के बरी थोळा जिले डा, डोगे, इंज्नी बरी थोळा एठा कामायले होय।” 23 दियागा स्वामी नी दियाटे मंडीके, धन्य होय अच्छा एठा विश्वास लायको भाग्य, आम थोळाका विश्वास लायको थंदळके, इंज आमके घोनेच्का चीजो गा हाक जेबा अमा स्वामी गा खुशीन बेल्लाकोम्बा। 24 मेटे जेन म्या थोळा घाटाएन डा, डीचनी हेंडो मंडीके, हे स्वामी, इंज आमके हाडाई डा, कि आम जिद्दी कोरो होय। आम जो तोटेन काभी बान बिबीट देटेन हिरेवा होय, एठा तोटेन बान चेरशीऊवा देटे टे कलमेबा होय। 25 इनिघल्जी इंज हिगरायेन डा, एठा ओलेडो, तेरा थोळा कासान उखुके डा, डोगे जो अमा होय, देटेन इनी होय। 26 दियागा स्वामी नी डीचके जवाब जीके, कि हे हारामी एठा आळसा दास, मेटे आमेन येटेन मालूम डा, कि तोटेन इंज्नी बान बिटडूका देटे टे हिरेवा, एठा तोटेन इंज बान चेरशीटे देटे टे कलमेबा होय। 27 आमेन होना डा, कि इंजा डामाके सोनारकुके जिकी डा, मेटे इंज हेजे डा इंजा डामा ब्याजो सथोन सेगे डा। 28 इनिघल्जी देटेन थोळा दियाटे आसे, एठा जे मेरान दस थोळा (गेल दिन गा मुंजीरी) होय, डीचके जिकी। 29 चोयाकी जेकभी मेरान होय, एठा जेबा होय, एठा दिया मेरान घोनेच्का डायुवा, पेनो जे मेरान बाऊ होय, दियाटे देटेन भी जो दियागा मेरान होय, सेगेवा होय। 30 एठा निकम्मा भाग्य के बल्ला गा अंधरान येंडाकेच देटेन जाम एठा तिळीनज रीरिगीट होंगा। यीशु दुनिय गा न्याय डाएवा 31 जब इंज, कोरो गा कोण डाबोलटे हेजेवा मेना, मेटे इंजागा महिमा गेन हेजेवा एठा चोखरा स्वर्गदूतकु के इंजागा सेंग्गोन साकुवा। मेटे इंज सेबाई कुरकू गा न्याय दडा घल्जी इंजागा महिमा गा सिंहासान लिंजेन सुबानबा। 32 एठा सेबाई जाटो इंजा सम्मान म्याखठ्ठाकुवा। एठा जैसा चचारामिंकू मेंडाकू के सिळीकुटे अलग्गोकुवा होय, डेनोगोका इंज धर्मी कुरकू के पापो कुरकू टे अलग्गोकुवा। 33 एठा देटेन मेंडाकू इंज धर्मी कुरकू के इंजागा डाखुरी कोनेन टेंगेनकुवा एठा पापी कुरकू के इंजागा जेवना कोनेन टेंगेनकुवा होय। 34 मेटे इंज जो राजा मेना इंजा डाखुरी कोने मिंकूटे मांडेवा, “हे इंजा बाटे गा धन्य कुरकू, हेजे, डी स्वर्ग गा राज्य गा अधिकारी आरुयु, जो दुनिया गा आरुटे पेला आपे घल्जी तैयारके मेना होय। 35 जब इंज रांगेच्का डा, एठा आमनी इंज्के आटा जिले। जब इंज डा ताटम डा, मेटे आमनी इंज्के डा आनुले, जब इंज म्या अजनबी डा, मेटे आमनी इंज्के अमा उरान हाकोलेमी। 36 जब इंज नंग्गा डा, मेटे आमनी इंज्के उरी गा घल्जी कापळे जिली। जब इंज बिमार डा, मेटे आमनी इंजागा देखभाल डाके, जब इंज जेलेनके डा, मेटे आम हेन इंजाटे मिलातिंजके।” 37 मेटे धर्मी कुरकू डीचके जवाब जेबा कि हे प्रभु, आलेनी आमके चोला रांगेच डोकेमी एठा चाराके? या ताटम डोकेमी, एठा डा आनुके? 38 आलेनी चोला आमके अजनबी डोकेमी एठा आलेगा उरान रुकातिंजकेमी या नंगा डोकेमी, एठा कपळे उरिके? 39 आलेनी चोला आमके बिमार या जेलेन डोकेमी एठा आमटे मिलातिंजू हेन? 40 मेटे राजा दिकुके जवाब जेबा, इंज आपेटे साच्चो मंडीवाकी कि आपेनी इंजा इनी सनी टे सनी विश्वास डाईचो टे तुनिका म्याखोम के सेंग्गोन डाके, देटेन इंजा का सेंग्गोन डावे। 41 मेटे इंज जेवना कोने मिंकूटे मांडेवा, हे सरापो कुरकू, इंजा सम्माटे, डी जेलोमका हमेशा गा सिंगेल, जो शैतान एठा दियागा दूतकु गा घल्जी परमेश्वर नी तैयारके होय। 42 चोयाकी मेटे इंज रांगेच डा, मेटे आमनी इंज्के आटा बान जिडुका, जब इंजेन ताटम डा, एठा आमनी इंज्के डा, आनु डुका, 43 मेटे इंज दूसरा देशो गा डा, एठा आमनी इंज्के आपेगा उरान बान रुकातिंज्दुका, जब इंज नंगा डा, एठा आमनी इंज्के कापळे बान उरीडुका, मेटे इंज बिमार एठा जेलेन्के डा, एठा आमनी इन्जागा ध्यान बान ड़ोदुका। 44 मेटे दिकु जवाब जीके, कि हे प्रभु आलेनी आमके चोला रांगेच, या ताटम, या दूसरा देशो या नंगा या, बिमार, या जेलेन डोकेमी, एठा अमा सेवा आळचान बान येंडाडुका? 45 मेटे राजा दिकुके जवाब जेबा, इंज आपेटे साच्चो मंडीवाकी कि आपेनी इंजा इनी सनी टे सनी विश्वास टे तुनिका म्याखोम के सेंग्गोन डाके, देटेन इंजा का सेंग्गोन डावे। 46 एठा येटेन हमेशा गा दण्डो भोबगातिंज्बा पेनो धर्मी हमेशा गा जीवन मुवा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation