ಮತ್ತಾಯ್ 17 - गवली उनाई नियम

चेलाकूके मूसा एठा एलिय्याह गा सथोन यीशु गा दर्शन

¹ म्या हाप्ता गा बादोन यीशु नी पतरस, याकूब एठा यूहन्ना के सेंग्गोन साटे म्या ऊँचा टुक्कीन ओले?

² देटेन दिकुगा सम्मान दियागा पूरा रुपो बदलाएन। एठा दियागा म्वार सूर्य गा रोंगो चमकातिंजे एठा दियागा आंगी उजाला रोंगो पुलूम्जे।

³ एठा डोगे, मूसा एठा एलिय्याह जो परमेश्वर कोंटे मंडीमिठाच यीशु गा सेंग्गोन बातो लक्के टेमो दिकुन डोके मेना।

⁴ एने लिंजेन पतरस नी यीशु के मंडीके, हे प्रभु, आलेगा येटेन थंदळ अच्छा बाऊ, इच्छा टाकु टासो, येटेन आले आफाई डेरा हारोए, म्या अमा घल्जी, म्या मूसा गा घल्जी, एठा म्या एलिय्याह गा घल्जी।

⁵ डीच मंडीका लक्के डा, कि डीका टेमो म्या उजाला बदळा नी डीचके घेरायानेच, एठा डी बदळा टे इनी आवाज हेन, “कि इनिज इंजागा प्रिय गा कोण होय, इनिजाटे इंज खुशोके मेना जो इनी मंडीवा होय इनिजगा आजुमे।”

⁶ चेलाकू इनी आजुमटे ओटेन म्वार के इटान टे होम्बाएन चोयाकी भेबाव हिगराएन।

⁷ यीशु नी मेरान हेंडो दिकुके उठाकेकु, एठा मंडीके, बिडे, हिगरा बाकी।

⁸ मेटे दिकुनी दिकुगा मेट टूलटे यीशु के आराटे एठा जेकाकेका बान दोडुका।

⁹ नका दिकु टुक्कीटे आगुरू लक्के डा, मेटे यीशु नी दिकुके इनी हुकूम जीके, जब टाएन कोरो गा कोण गुजूटे बान जीटाऊ मेटे टाएन जो चोचकाभी आपे डोके होय जेकाटेका बाकी मंडी।

¹⁰ एठा यीशु गा चेलाकूनी दियाटे कोम्बाराके, एठा मूसा गा नियम इथूमिठाच चोया मंडीवा होय, एलिय्याह परमेश्वर कोंटे मंडीमिठाच हेजे जरुरी होय?

¹¹ यीशु नी दिकुके जवाब जीके, कि एलिय्याह जो परमेश्वर कोंटे मंडीमिठाच जरुर टेका पेला हेजेवा, एठा सेबाईका सुटेवा।

¹² पेनो इंज मंडीवाकी, कि परमेश्वर नी एलिय्याह जो परमेश्वर कोंटे मंडीमिठाच हेन होय, एठा डीचके बान चिनाडुका पेनो डेनेगोका मेंके परमेश्वर कोनेटे मंडीमिठाच घोनेच पेलाका मंडीके कि डाएवा डा इनिका रिती टे कोरो गा कोण भी दिकुगा टी टे दुख टूलेवा।

¹³ मेटे चेलाकून समझातिंजे, कि डीचनी आलेटे यूहन्ना बापतिस्मा जिऊमिठाच गा बारेन मंडीके होय।

मिरगी टे बिमरेन सानी के ससाजा

¹⁴ मेटे दिकु गर्दी गा मेरान पोचतिन्जे, मेटे म्या कोरो दियागा मेरान हेन, एठा ठोपरे टेगाटे मंडी लज्जे।

¹⁵ “हे प्रभु, इंजा कोण के लिंजेन दया डाए, चोयाकी डीचके मिरगी हेजेवा होय एठा देटेन भेबाव दुख ठुल्बे होय, एठा बार-बार सिंगेलेन इंज एठा बार-बार डा गेन बोचोवा होय।

¹⁶ एठा इंज डीचके अमागा चेलाकू गा मेरान सालेनेच डा, पेनो डीच डीचके सजाडुका मेना।”

¹⁷ यीशु नी जवाब जीके, “हे अविश्वास एठा हाल्काठ कुरकू इंज चोटो टाएन आपेगा सेंग्गोन थंदळवा? चोटो टाएन आपेगा सहेनेवा? डीचके येटेन इंजा मेरान सालेच।”

¹⁸ मेटे यीशु नी डीचके कल्लाकेनेच एठा भूतोके दियाटे ओटकेनेच, एठा पोट्टा डीका टेमो सजाएन होय।

¹⁹ मेटे चेलाकू सेंग्गोन उरान एकलान नी यीशु गा मेरान हेंडो मंडीके, आबु इनिज्के चोया बान ओटडुका?

²⁰ डीचनी दिकुके मंडीके, आपना गा विश्वास गा कम वोजीटे चोयाकी इंज आपेटे सच्चो मंडीवा कि अगर आपेगा राई गा दाना रोंगो भी टासो, मेटे इनी टुक्कीटे मांडेवा, “येटे टे ओसोर टे देटेन सेंजू, मेटे देटेन सेनेवा, एठा तुनिका बातो आपे घल्जी अनहोनी बान डाऊ।”

²¹ पेनो इनी भूतोकुके बिना प्रार्थना एठा बिना आटा जोजोम गा उपासो एबान ओटबा।

हेजा गुजू गा बारेन यीशु गा डबोलटे

²² जब चेलाकू गलील जिल्हान पेळाके डा, मेटे यीशु नी दिकुके मंडीके, कोरो गा कोण के जो इंज होय। इंजा दुश्मनकु गा हाकगेल्ला इंज्के धोका जेबा। डी कुरकू इंज्के घोचकोम्बा। “लेकिन आफाई दिन गा बादोन इंज्के घोचकोम्बा मेटे इंज डाबोलटे जीटाऊवा।”

²³ येने लिंजेन दिकु भेबाव नराजोयेन मेना।

मंदिर गा कर सा

²⁴ मेटे दिकु कफरनहूम पुरान पोचतिन्जे, मेटे यरूशलेम गा मंदिर गा घल्जी टेक्सा सा मिंकुनी पतरस गा मेरान हेंडो कोम्बाराके, कि चोच आपेगा गुरु मंदिर गा वसुली एठा कर बान जिऊ?

²⁵ डीचनी मंडीके, “हा, जेबा होय।” मेटे देटेन उरा गेन हेन, मेटे यीशु नी कोम्बाराके, “हे शमौन आमेन चोच समझातिंजुवा होय? पृथ्वी गा राजा टेक्सा जेटे सवा होय? आपना कोणकुटे या दूसराकु टे?”

²⁶ पतरस नी दिकुके मंडीके, दूसराकु टे यीशु नी दिकुके मंडीके, “मेटे कोणकु बचातिन्जे।

²⁷ फिरभी आले दिकुके घल्जी खेडा बान चराए डाए, आम समुद्र गा धुरान सेने डो जाली येंडाए एठा जो काकू पेला ओटबा, डीचके डोयोम, मेटे आमके दियागा चभू कुखाल्लान म्या चाँदी चिक्खा (उफुन दिन गा मुंजीरी) घाटाऊवा, डीके साटे इंजा कोनेन आम बेदला दिकुन का जिकी।”