ಮತ್ತಾಯ್ 16 - गवली उनाई नियम

फारिसि कुरकू वोजीटे यीशु गा चिचाना

¹ फरीसि कुरकू एठा सदूकी कुरकू नी यीशु गा मेरान हेंडो चिचना गा घल्जी दियाटे मंडीके, “आलेके स्वर्ग गा म्या अचम्बो कामय घाले।”

² डीचनी दिकुके जवाब जीके, कि सिंगुरूप नी आपे मंडीवाकी खुल्लाका थंदळवा चोयाकी बदळा राटा होय।

³ “एठा फेजेर नी मंडीवाकी, कि टैंज धूंडी हेजेवा चोयाकी बदळा राटा एठा आपे बदळा गा आकार धोटे राजो घालेवा होय पेनो टेमो गा चिन्ह गा राजो चोज बान घागल होय?

⁴ इनी युगेन बुरा एठा आनोवा कुरकू चिन्हा घगाटावा होय, पेनो परमेश्वर गा कोनेटे मंडीमिठाच योना गा चिन्हा के आरागे तुनिका दिकुके बाकी जिऊ मेना। एठा डीच दिकुके आराटे सेंजू।

फरीसि कुरकू एठा सदूकी कुरकू गा सोडा

⁵ एठा चेलाकू समुद्र गा डी पारेन सेने टेमो सेंग्गोन आटा सा भुल्लाएन।

⁶ यीशु नी दिकुके मंडीके, डोगे, फरीसि कुरकू एठा सदूकी कुरकू गा खमीर टे ध्यान टे थंदळे।

⁷ चेलाकू इकुका बिचार लज्जे, आलेनी सोकळा बान साडुका इनिघल्जी देटेन एंगो मंडीवा होय।”

⁸ इनी चिनाटे यीशु दिकुटे मंडीके, हे अदाविश्वासकु। आपे आपेका बिचार लक्के होय, कि आबु मेरान सोकळा बाऊ?

⁹ चोच आपे आए टाएन बान समजातिंजडुका कि एठा मोनाई हजार कुरकू गा मोनाई सोकळा यादो बाने, एठा न येटेन कि चोटो टोपला टूलके डा?

¹⁰ एठा डी उफुन हजार सोकळा गा आईय्या सोकळा, एठा न येटेन कि चोटो टोपला टूलबे डा।

¹¹ आपे चोया बान समजातिंजडुका, कि इंज्नी आपेटे सोकळा गा विषय गेन बान मंडीडुका, फरीसि कुरकू एठा सदूकी कुरकू गा सोडा टे चातराएटे थंदळे?

¹² मेटे दिकुनी समझातिन्जे, कि डीचनी सोकळाके खामीर टे बाने, पेनो फरीसि कुरकू एठा सदूकी कुरकू गा शिक्षा टे चतराये थंदळकु।

पतरस गा यीशु मसीह के मानतिन्जेनेच

¹³ यीशु कैसरिया फिलिप्पी शहर हेंडो आपना चेलाकू टे कोम्बाराए लज्जे, कुरकू कोरो गा कोण के चोया मंडीवा होय?

¹⁴ दिकुनी मंडीके, चोटोकु का यूहन्ना बपतिस्मा जिऊमिठाच, दूसराकु मंडीवा होय, परमेश्वर गा कोनेटे मंडीमिठाच एलिय्याह होय, एठा चोटोका परमेश्वर गा कोनेटे मंडीमिठाच यिर्मयाह या परमेश्वर गा कोनेटे मंडीमिठाच तुनिका म्याखोम के मंडीवा होय।

¹⁵ डीचनी दिकुके मंडीके, पेनो आपेनी इंज्के चोया मंडीवा होय?

¹⁶ शमौन पतरस नी जवाब जीके, “आमका जीटा परमेश्वर गा कोणटे मसीह होय।”

¹⁷ यीशु नी डीचके जवाब जीके, “हे शमौन योना गा कोणटे, अमा धन्य होय, चोयाकी इनी सच्चाई के आमनी तुनिकाभी कोरो टे बान घाटाडुका, पेनो इंजा बाटे नी जो स्वर्ग गेन होय। इनी बातो अमा लिंजेन डाके होय।

¹⁸ एठा इंजभी आपेके मंडीवाकी, कि आम पतरस होय, एठा इंज इनी घोटा लिंजेन इंजगा मसीह गा मंडली आरोयेवा एठा पातल गा फाटक डे लिंजेन जीटा डाए बाने।

¹⁹ इंज आपेके स्वर्ग राज्य गा कुंजी जेबा एठा जो चोचकाभी आम पृथ्वी लिंजेन टोलेवा, देटेन स्वर्ग गा राज्य गेन टोलेवा, एठा जो चोचकाभी आम पृथ्वी लिंजेन खुल्लाएबा, देटेन स्वर्ग गेन खुल्लाएबा।”

²⁰ मेटे यीशु नी चेलाकूके चातराएटे घाल्के, “जेकाकेका बाकी गघाल कि यीशु का मसीह होय।”

हेजा गुजू बारेन यीशु गा हेजे मिनी टेमो घागल

²¹ डी टेमो टे यीशु नी हेजा गा चेलाकूके घाले लज्जे, इंजेन जरुरी होय, कि यरूशलेम शहर गेन सेने, एठा यहूदी जुना सनाकु एठा मुख्यायाजक एठा मूसा गा नियम इथूमिठाच गा टी टे घोनेच कासु टूलबे, एठा घोजुवा मेना, एठा आफाई दिन गा बादोन जीटाएन।

²² एने लिजेन पतरस नी डीचके तखलिफ एठा गुजू गा बारेन बातो गा वोजीटे डीचके कल्लाकेनेच। परमेश्वर बाकी दडा, अमा लिंजेन येनोगो चोलाकाभी बाकी डाऊ।

²³ यीशु नी डाबोलटे पतरस के कल्लाटे मंडीके, “हे शैतान इंजा सम्माटे बाजूने, चोयाकी आम डेनोंगो बान सोसाचातिंज डेनोगोका परमेश्वर गा रोंगो सोसाचातिंज होय। लेकिन कुरकू रोंगो सोसाचातिंज्बा होय।”

यीशु गा टाऊटे सेन्द्रा गा मतलब

²⁴ यीशु नी गर्दी के इंजा चेलाकू गेल्ला हेजा मेरान होकोटे दिकुटे मंडीके, “अगर आपे इंजा चेलाकू आरु टासो, तो आपेके आपेगा इच्छाके आरा होना।” आपेन आपेगा क्रूस तुटूल घाल्जी तैयारका थंदळ होना।

²⁵ चोयाकी जो जेकाभी हेजा गा जान बचातिंजकोम टासो, देटेन नाशोएवा, एठा जो इंजा घल्जी आपना जीवन जेबा देटेन घाटाऊवा।

²⁶ म्या कोरो के चोच फायदा अगर डीच दुनिया गा सेबाईकु टे खाट डामा कोरो आरोएन टासो। सच्चो जान आडेवा लेकिन परमेश्वर गा सेग्गो गा अनन्त जीवन आडे टासो? चोच इनी डाऊवा होय कि जेका अनन्त जान घाटाऊ घाल्जी परमेश्वर गा घाल्जी जेबा होय? चोचकाभी बाने!

²⁷ इंज जो कोरो गा कोण हेजा गा स्वर्गदूत गा सेंग्गोन हेजा गा बाटे गा महिमा गेन हेजेवा, एठा डी टेमोन देटेन हर म्याखोम के दियागा कामाय गा रोंगो फाल जेबा।

²⁸ इंज आपेटे सच्चो-सच्चो मंडीवा होय आपे तालाटे अदा कुरकू जो येटेन टेंगेनकेनेच होय एनोगो टाकाकु होय, मेटे टाएन कोरो गा कोण राज्यन हेजे टे बान दोडो मेटे टाएन घुजुगा अनुभव चोलाका बान डाऊ।