लूका 6 - गवली उनाई नियमयीशु चोखरा दिन गा प्रभु ( मत्ती 12:1-8 ; मरकुस 2:23-28 ) 1 डाबोलटे हेजे मिनी परमेश्वर गा चोखरा दिन, जब यीशु दियागा चेलाकू खिटीनींजटे चेल्के डा मेटे दियागा चेलाकू गुं गा उंभी देडेज लज्जे डो जोजोम लज्जे। 2 मेटे फरीसि कुरकू तलाटे चोटोकु का मंडी लज्जे, “आपे एनोगो कामय चोया दाडावा? जो मूसा गा नियम गा रोंगो परमेश्वर गा चोखरा दिनेन दडा सही बाऊ होय?” 3 यीशु नी दिकुके जवाब जीके, “चोच आपेनी बान पळातिंज्दुका घोनेच टेमो पेला आलेगा खापेट जुनाकु दाऊद नी चोच डाके, जब दियागा सोपतीकु रांगेजका डा।” 4 दिकु चोफारटे परमेश्वर गा डेरान ओले डी सोकळाके जोफे जो परमेश्वर के भार जीटे पेळेचके एठा हेजा गा सोपतीकूके जीके। जो मूसा नियम गा रोंगो बस परमेश्वर गा याजककुन का जोजोम गा अनुमति डा? 5 एठा डीचनी दिकुके मंडीके, इंज कोरो गा कोण चोखरा दिन गा मठान हाक दोडोवा। चोखरा दिन बिमार मिठाच के ससाजा ( मत्ती 12:9-14 ; मरकुस 3:1-6 ) 6 एठा येनोगो डायेन कि तुनिका एठा परमेश्वर गा चोखरा दिनेन देटेन आराधना जगा नी ओलेडो इथू लज्जे, एठा देडेन म्या कोरो डा दियागा टी लूला डा। 7 मूसा गा नियम इथूमिठाच एठा फरीसि कुरकू यीशु लिंजेन आनोवा तोटाका गा म्या वाजा घागटा लक्के डा, कि डोगे डीच परमेश्वर गा चोखरा दिन सजाएच्बा कि बाने? 8 पेनो देटेन दिकुगा बिचार हाडाई डा, इनिघल्जी डीचनी लूला टी मिठाच कोरो टे मंडीके, “बिडे डो सेबाई कुरकू तालान टेगेंजू म्हणजे आमके कुरकू डोयामी होना।” डीचनी सेबाईकु तलान तेगेन्जे। 9 यीशु नी दिकुके मंडीके, “इंज आपेटे कोम्बाराएबा कि चोखरा दिन कुरकू गा भालाई दडा हुकूम जेबा या बुरा दडा गा? चोच दिकु आलेके जेगा जीवन बबाचातिंज गा हुकूम जेबा होय या डीचके घोगेच्जा?” 10 एठा यीशु नी सेबाईकु कोने धोटे डी कोरो टे मंडीके, “अमा टी इंज कोनेन बळातिंज्के।” डी कोरोनी यीशु कोनेन बळातिंज्के एठा दियागा टी साजायेन। 11 पेनो दिकु बल्लान ओलेडो इकुका हिंजमन लज्जे कि आले यीशु के चोफर टे घोजेचबा? बारह कलमके मिंकू ( मत्ती 10:1-4 ; मरकुस 3:13-19 ) 12 एठा डी दिनेन देटेन टुक्की लिंजेन प्रार्थना दडा ओले, एठा परमेश्वर टे प्रार्थना दडा गेन सारा रातो बितातिंजके? 13 मेटे दिन ओटजे, मेटे डीचनी दिकु तलाटे बारह कोरोकु के कलामके मिंकू चेलाकू घल्जी ठहरातिंजकेकु। 14 एठा दिकु इंकू होय, शमौन दियागा जीमू डीचनी पतरस भी डोके; एठा दियागा डाईटे अन्द्रियास एठा याकूब डाईटे यूहन्ना एठा फिलिप्पुस एठा बरतुल्मै, 15 एठा मत्ती एठा थोमा एठा हलफईस गा कोणटे याकूब एठा तद्दै एठा शमौन जो जेलोतेस मंडीवा होय? 16 एठा याकूब गा कोणटे यहूदा इस्करियोती, डीचनी यीशु के दुश्मान गा टीन उठाकेनेच डा। यीशु गा कुरकू के इथूलक्के एठा ससाजा ( मत्ती 4:23-25 ) 17 मेटे दिकुगा सेंग्गोन आगोरोयेन डो चौफालीन टेंगेनजे मेना। एठा दियागा चेलाकू गा खाट गर्दी, एठा सेबाई यरूशलेम शहर, एठा यहूदिया जिल्हा गा अलग्गो पुराटे, एठा इदूमिया जिल्हान, एठा यरदन गडा गा पूर्वा कोणटे, एठा सोर एठा सैदा शहर गा आसो पासो टे कुरकू गा म्या गर्दी इनी आजुमटे दिया मेरान हेन। 18 एठा भूतोकुके सातातिंज्के कुरकू के भी साजाकेकु होय? 19 एठा सेबाईकु डीचके उठा चाहता डा, चोयाकी दियेन शक्ती ओटटे सेबाईकु के साजाकु डा। आशीर्वाद गा जाम वचन ( मत्ती 5:1-12 ) 20 मेटे डीचनी हेजा गा चेलाकू कोने धोटे मंडीके, “धन्य होय आपे, जो महसूसेवा कि दिकुन परमेश्वर गा जरुरत होय, चोयाकी स्वर्ग गा राज्य दिकुगा का होय।” 21 “धन्य होय आपे, जो नका रांगेच्का टासो, चोयाकी लाज भेट्टीऊवा।” “धन्य होय आपे, जो जाम्बा होय, चोयाकी लांडावा?” 22 धन्य होय आपे, मेटे कोरो गा कोण गा वोजीटे कुरकू आमके बान मेंबा, एठा आमके ओठ्कोम्बा, एठा आपेगा निंदा डायेबा, एठा अमा जीमू बुरा मेंटो गेट कोम्बा, 23 डी दिन भेबाव खुशीयु, चोयाकी डोगे आपेगा घल्जी स्वर्ग गेन खाट फल होय? डी जुना सनाकु परमेश्वर गा कोनेटे मंडीमिठाच गा सेंग्गोन भी डेनोगोका दडा डा। 24 आपे जो लकपति टासो आपे घल्जी भायनक दण्डो डाऊवा चोयाकी आपेन आपेगा खुशी घाटाएन। 25 आपेगा घल्जी चोटो भायनक डाऊवा, चोयाकी जेगा मेरान सेबाईका टाकु जो आपे चहतावा, फिरभी रांगेचका थंदळवाका। आपे घल्जी भायनक डाऊवा, जो नका लंद्दावा, चोयाकी आपे कसुबा डो एठा जम्बा। 26 जब सेबाई कुरकू आपेके भला मेंबा होय तो आपे घल्जी चोटो भायनक डाऊवा चोयाकी आपेगा जुना सना कुरकू भी नी डी लाबाळ कुरकू तरीफ दडा डा जो हेज खुदके परमेश्वर गा कोंटे मंडीमिंकू मंडी डा। दुश्मान टे भी प्यार दडा ( मत्ती 5:38-48 ; 7:12 ) 27 पेनो इंज आपे आजोम मिंकूटे मंडीवा होय, कि आपना दुश्मान टे प्यार डोए, जो आपेटे खीजो दोडोवा दिकुगा भला डाए। 28 जो आपेके सरापो जेबा, दिकुके आशीर्वाद जे, जो आपेगा आपमना डाए टासो, दिकु घल्जी प्रार्थना डाए। 29 पेनो जेकाभी अमागा डाखुरी जोकाके थपडाए टासो, मेटे दूसरा जोकाकेभी सम्मान कि, एठा जो अमागा कपळे रुटेवा, डीचके आंगी साटे भी बाकी रोराकातिंज। 30 जेकाभी अमाटे आसी टासो, डीचके जिकी, एठा जो अमा चीजो रुटे, दियाटे बाकी आसी, 31 एठा डेनोगोका आपे चाहतावा कि कुरकू आपेगा सेंग्गोन डाये, आपे भी दिकुगा सेंग्गोन डेनोगोका डाये? 32 अगर आपे आपेगा प्यार दोडो गा सेंग्गोन प्यार डोए, मेटे आपेगा चोच जीमू डाऊवा? चोयाकी पापीकु गा भी इकुगा प्यार दोडोमिंकू गा सेंग्गोन प्यार डोएबा? 33 चोयाकी अगर आपे बस आपेका भलाई दडामिठाच गा का सेंग्गोन भलाई डाए टासो, मेटे आपेगा चोच जीमू डाऊवा? चोयाकी पापिकुभी येनोगोका दडावा होय, 34 अगर अमा जेका के उदार जे, मेटे दियाटे आसी गा आसा दोडोवा होय, मेटे आपेगा चोच महत्व? चोयाकी पापी कुरकू भी येनेगोका उदार जेबा होय, चोयाकी दिकु सोचातिंज्बा होय कि दिकुन डी सेबाई डाबोलटे घाटाऊवा। 35 बनतो हेजा गा दुशमनकु टे प्यार डोए, एठा भलाई डाए, एठाभी घाटाऊ गा आसा बान धोटे उदार जे एठा आपे घांजी खाट फल होंगा; एठा अमा परमप्रधान गा कोणटे आरुवा, चोयाकी देटेन दिकु लिंजेन जो धन्यावाद बान दडा एठा भूराकु लिंजेन कृपा होय? 36 येनोगोका आपेगा बाटे दयावंत होय, डेनोगोका आम भी दयावंत आरुवा? आनोवा बाकी तोटाका ( मत्ती 7:1-5 ) 37 आनोवा बाकी तोटाका, मेटे अमा लिंजेन आनोवा बाकी येंडा आनोवा डाके मेंटो बाकी मंडी, मेटे अमा भी आनोवा डाके मिठाच मेंटो बान मंडी, मापोएबा, मेटे अमागा भी मापोएबा होय? 38 जिऊ होना चोयाकी आपेन भी घाटाऊवा दबातिंज-दबातिंजटे होलेंज-होलेंज टे एठा फैलातिंजटे आपेगा बुलून डोएबा। चोयाकी डिकारोंगो आपे दूसराकु गेल्ला व्यवहार दडावा होय डिकारोंगो आपेगा सेंग्गोन व्यवहार डाएवा। 39 डाबोलटे डीचनी दिकुके म्या उदाहरण मंडीके, अंधळा कोरा गघाल मिठाच होय, एठा अंधळा अगर अंधळा के कोरा घाल्के टासो, मेटे बरीखींज भी गढढान बान बोचो। 40 चेलाकूनी इकुगा गुरु टे खाट बाऊ, पेनो जब दिकु इकुगा इथू पुराएवा, मेटे दिकु इकुगा गुरु गा रोंगो आरुवा। 41 आपना डाई गा सानी-सानी गलती गा विषय गेन चिंता बाकी, पेनो खुद खापेट-खापेट गलती के डोगे एठा समझातिंजे? 42 एठा मेटे अमागा खुद गा तलान ठायका खाटबेळे पापो होय, मेटे आमके खुद टे सानी पापो मिनी अमा डाई गा मदत दडा कोशिश बाकी दडा होना। हे ढोंगो, पेला अमा खाट पापो के सुदरातिंज्की, डाबोलटे आम अमा डाई गा सानी पापो सुसाधरातिंज गा मदत डायेबा। सिंज गा चिनाऊ फल टे ( मत्ती 7:16-20 ; 12:33-35 ) 43 तुनिका अच्छा सिंज बाऊ, जो साळातिंज जाऊ सेगेवा, एठा नका तुनिका साळातिंज सिंज बाऊ, जो अच्छा फल सेगेवा, 44 हर म्या सिंज आपना जाऊ टेका चीनायेवा होय, चोयाकी कुरकू झाळी तलाटे अंजीर बान टयाठ्या, एठा न बोरेसिंज टे अंगूर? 45 भला कोरो खुद मन गा भला बातो ओटबा होय, एठा बुरा कोरो खुद गा मन गा बुरा खाजना टे बुरा बातो ओटबा होय? चोयाकी जो मनेन भेट्टी के डीका दियागा लिंजेन हेजेवा होय, उरा आरुमिनकिंज बरी रेंग्गो गा कोरो किंज ( मत्ती 7:24-27 ) 46 मेटे आपे इंजा मंडी आजोम टासो, मेटे चोया इंज्के, “हे प्रभु, हे प्रभु मंडीवा होय?” 47 जो जेकाभी इंजा मेरान हेजेवा होय, एठा इंजा इनी बातो आजुमटे डीके मनातिंजेवा होय, इंज आपेके घालेवा कि देटेन जेगा रोंगो होय, 48 देटेन डी दिमागदार कोरो गा रोंगो होय, जो उरा आरु टेमो ओटेन खोल लाटे पाठा गेन पैय्या येंडाके, एठा जब आडी हेन डो धार डी उरा लिंजेन घैईय्ये, पेनो डीचके हिलातींजडुका; चोयाकी डेगा पैय्या पाठा लिंजेन येंडाके डा। 49 पेनो जो आजोम टे बान मामानातींज, देटेन डी बेदिमाग गा रोंगो होय, जो कासा लिंजेन बिना पैय्या गा उरा आरुके, एठा डा घामाएन डो आडी हेन, एठा कोयो धुंदळ लज्जे, एठा उरान टकरातिंजे एठा नाशोएन। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation