लूका 5 - गवली उनाई नियमयीशु गा पेला चेला ( मत्ती 4:18-22 ; मरकुस 1:16-20 ) 1 म्या दिन यीशु गलील गा समुद्र धुरान टेगेनके डा। देटेन म्या खाट गर्दी जमाएन एठा परमेश्वर गा वचन गा घल्जी दिया लिंजेन बोचो लक्के डा। 2 यीशु नी डोके कि समुद्र गा धुरान बरी डोंगाटे चोटोकु भूईकु आगुरुटे काकू उठा गा जाली अबुंज लक्के डा। 3 यीशु म्या डोंगान सुबानजे जो शमौन गा डा डीचनी शमौन के डोंगा के धुराटे थोळासा लेंक्कीन सा घल्जी मंडीके एठा मेटे देटेन डोंगान सुबानटे कुरकू के शिक्षानौर जिऊ लज्जे। 4 जब देटेन कुरकू बातो डावे, मेटे शमौन टे मंडीके, “खोलेन सेगे, एठा काकू उठाघल्जी अमागा जाली येंडा।” 5 शमौन नी डीचके जवाब जीके, “हे स्वामी, आले सारा रातो मेहनात डावे एठा चोचका बान उठाडुका, पेनो अगर आम इंज्के येनोगो दडा गा घल्जी मंडीवा मेटे इंज जाली येंडाएवा।” 6 जब पतरस एठा दियागा सोपतीकुनी जाली येंडाके, मेटे घोनेच काकूकु घेरा लेकु देटे दिकुगा जाली टयागु लिंजेन डा। 7 इनिघल्जी दिकुनी दूसरा डोंगा गा सोपती भूईकु मदत गा घल्जी हाकोलेकु। दिकुनी हेंडो, मदत डाके एठा बरी भी डोंगान येटो काकू भेटटेन कि डोंगा नामुजू गा कगार गेन डा। 8 इनी धोटे, शमौन पतरस यीशु गा नंगा सुबान बोचोएन डो मंडीके, “हे प्रभु, इंजा मेराटे सेंजू, चोयाकी इंज पापी कोरो मेना।” 9 चोयाकी येटो काकू उठाएना दियेन एठा दियागा सोप्तीकु भेबाव अचम्बो डाएन। 10 दियागा सोपतीकु याकूब एठा यूहन्ना जो जब्दी गा कोणकिंज डा, दिकु अचम्बोएन, मेटे यीशु नी शमौन टे मंडीके, “बाकी हिगरा इंज आपेके इथूकोम्बा कि कुरकू के इंजा मेरान चेलाकू टोनोंगो सा होना।” 11 एठा दिकु डोंगा के धुरान साले, एठा सेबाई के आराटे यीशु गा चेलाकिंज आरोएन। कोळया के ससाजा ( मत्ती 8:1-4 ; मरकुस 1:40-45 ) 12 मेटे देटेन तुनिका पुरान डा, मेटे डोगे देटेन कोळ्या टे भेट्टी के म्या कोरो डा, एठा देटेन यीशु मसीह टे बिनती डावे डो मंडीके दियागा सम्मान टोपेरे तेकाटे मंडीके, “इंजेन मालूम होय कि अगर आम इंजा मदत दडा टासो, मेटे अमा मेरान इंज्के ससाजा गा शक्ती टाकु होय।” 13 डीचनी हेजा टी डी कोरो लिंजेन डोके जो कोळया डा, एठा डीचके मंडीके, “आम सजायु।” एठा डीच तुरुटो कोळया टे सजाएन। 14 मेटे यीशु नी डी कोरो हुशार टे मंडीके, “जेकाकेका बाकी गघाल कि इंज्नी आमके सजाकेमी, आराधना गा जगान सेने एठा परमेश्वर गा याजक गा घाले कि सजाएन होय। एठा परमेश्वर गा घल्जी डी बलिदान के पेळेजे डेगा बारेन मूसानी घोनेच टेमो पेला दडा घाल्के। ताकी परमेश्वर गा याजक इनी घालेवाकी कि अमा सपा मेंबाकी एठा इनिज सेबाई कुरकू गा घल्जी गवाही मेंबाकी कि आम साजाएन।” 15 पेनो यीशु गा विषय खाबोर एठा ठायका फैलातिंजे, एठा गर्दी गा गर्दी दियागा आजोम घल्जी एठा आपना बिमारी टे साजाऊ घल्जी म्याखठ्ठायेन मेना? 16 पेनो देटेन सुनसान जगान अलग्गो का ओलेडो प्रार्थना दडा लज्जे डा। यीशु द्वारा लाखवा गा रोंगो के ससाजा ( मत्ती 9:1-8 ; मरकुस 2:1-12 ) 17 एठा म्या दिन डायेन कि देटेन शिक्षा जिऊ लक्के डा, एठा फरीसि कुरकू एठा मूसा गा नियम गा गुरूजीकु देटेन सुबांके डा, जो गलील जिल्हा एठा यहूदिया जिल्हा गा हार म्या गाँव टे, एठा यरूशलेम शहर टे हेन डा, एठा ससाजा घल्जी प्रभु गा शक्ती दियागा सेंग्गोन डा। 18 एठा डोगे तुनिका कुरकू लखवा गा बिमारी मिठाच के चटाई गा लिंजेन डोकेनेच यीशु गा मेरान सालेनेच, एठा दिकु डेगा तालान सैय्येनेच एठा यीशु गा सम्मान डोकेनेच उपाय घगाटा लक्के डा। 19 एठा मेटे गर्दी गा वोजीटे डी डीचके तालान बान सडूका मेटे दिकुनी डी कोरो के जो पदळी इटान यीशु डा डी पदळी खुल्लाटे कोरा आरुके, डी कोरो के चाटाई के उफुन भी कोनाटे टोलटे इटान आराम्बोटे आगुरुकेनेच। 20 यीशु नी डी उफुन कुरकू गा विश्वास डोके मेटे देटेन डी लखवा गा बिमारी कोरो के मंडीके, “हे सोपती, इंज आमगा पापो के मापोएबा होय।” 21 मेटे मूसा गा नियम इथूमिठाच एठा फरीसि कुरकू हिंजमान लज्जे। इनी कोरो परमेश्वर गा खिलाफबेन दडावा होय। परमेश्वर आराटे जेकाभी पापो के मापोए बाने। 22 यीशु नी चिनाटे डा कि दिकु चोच बिचार लक्के। दिकुके मंडीके, “आपे आपेका मनेन चोच बिचार लक्के होय?” 23 चोच इंजेन लखवा गा बिमारी मिठाच के इनी मंडी असान होय? “कि अमागा पापो के मापोएबा होय।” देटेन इनी मंडीकी एठाभी असान होय, “कि बिडे डो, अमागा चाटाई टूले, डो सेंद्राए?” 24 “पेनो इनिघल्जी कि आपे मालूमजा कि इंज जो कोरो गा कोण पृथ्वी लिंजेन कुरकू गा पापो मापो गा भी हाक होय।” डीचनी डी लाखवा गा रोंगो मिठाच के मंडीके, “इंज आपेटे साच्चो मंडीवाकी बिडे एठा आमगा चटाई टूलटे सेने।” 25 देटेन तुरुटो दिकु सम्मान बिटजे, एठा डी चटाई लिंजेन सोडके डा, डीके टूलटे, परमेश्वर गा जीमू रिमटे हेजा गा उरान ओले। 26 मेटे सेबाई कुरकू अचम्बोएन मेना एठा परमेश्वर गा जीमू रिमे लज्जे, एठा भेबाव कुरकू हिगरायेन डो मंडी लज्जे, “टैंज आलेनी चमत्कार गा कामय डोके होय।” मत्ती के हाको मेना ( मत्ती 9:9-13 ; मरकुस 2:13-17 ) 27 एठा येनेगा बादोन देटेन बल्लान ओले, एठा लेवी जीमू गा म्या कोरो डोकेनेच दियागा दूसरा जीमू मत्ती डा। दिया बाटे जीमू हलफाईस डा, डीच उरा गा टेक्सा सा डा, डीच हेजा गा टेक्सा सा गा नका जगान सुबानटे डोकेनेच, एठा यीशु नी डीचके मंडीके, “इंजा चेला आरु घल्जी इंजा टाऊटे हेजे।” 28 मेटे लेवी टेंगेनजे हेजा कामय गा जगा आराटे एठा यीशु गा चेला आरु घाल्जी ओले। पापीकु गा सेंग्गोन जोजोम 29 एठा लेवी नी हेजा गा उरा गेन दिया घल्जी खाट आटा डाके। एठा घोनेच टेक्सा सा मिंकू एठा अलग्गो कुरकू डी उरानके डा। एठा डीच भी दिकु गेल्ला आटाजोम लक्के डा। म्या खाट गर्दी हेन। 30 एठा मूसा गा नियम इथूमिठाच कुरकू दिकुके जो फरीसि कुरकू नी दियागा चेलाकू टे मंडीके, “अमा टेक्सा असिमिनकू एठा पापीकु गा सथोन चोया जोम्बा होय?” उपासो लिंजेन यीशु गा बिचार ( मत्ती 9:14-17 ; मरकुस 2:18-22 ) 31 यीशु नी दिकुके जवाब जीके, “सजा कुरकून जळीबुटी जिऊ कोरो जारुरत बाऊ पेनो बिमरी कुरकून जारुरत होय। 32 इंज डी कुरकू के मन बदलाए गा घल्जी हाको घल्जी बान हेजडुका जो खुदकेका धर्मी मेन्बा, पेनो पापीकु के इकुगा पापो टे मन बदलाए गा घल्जी हाको हेन होय।।” 33 एठा दिकुनी डीचके मंडीके, “यूहन्ना गा चेलाकू एठा फरीसि कुरकू चोया बिना आटा जोमा गा उपसो एठा प्रार्थना दडावा होय, पेनो चोया अमागा चेलाकू जोजोम-कखाफबा होय?” 34 मेटे यीशु नी दिकुटे मंडीके, “जब टाएन इंज इंजागा चेलाकू सथोन होय, दिकु बिना जोम गा उपसो बान दोडो, चोयाकी दिकु खुशी ममानातिंजबा होय। 35 पेनो एगो दिन हेजेवा, जब नावरा दिकु सेंग्गोन बान थंदळ डी टेमो बिना आटाजोम उपसो डोएबा।” 36 दिच्नी एठा म्या उदाहरणेन भी दिकुके मंडीके, कि तुनिका कोरो अगर इंजगा शिक्षा के जुना रितो टे बेल्लाएवा, डो एगो डायेबा जुना आंगी मठान उनाई आंगी ठिगरा जुळतिन्जकी। उनाई ठिगरा टोरमेडेबा एठा आंगी त्याकिवा। इंजा शिक्षा इनी आंगी गा रोंगो बेकारजुवा। 37 एठा उनाई अंगूर गा रेस्सो के जुना कातळे गा झोरान जेकाभी बान दोडो, बान तो अंगूर रेस्सो जुना कातळे झोरा टयागेवा, एठा अंगूर गा रेस्सो बाएरा भी खराबोऊवा, 38 पेनो उनाई अंगूर गा रेस्सो उनाई कातळे झोरान भेटटेवा होय। 39 तुनिका कोरो जुना अंगूर डा नुटे उनाई बाने चोयाकी देटेन मंडीवा होय? कि जुनाका उत्तम होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation