लूका 22 - गवली उनाई नियमयीशु गा घोगेज गा आईडया 1 बरी दिन बदोन यहूदी कुरकू गा फसह गा तिवार बिना खमीर गा तिवार डाऊ मिनी डा। 2 एठा मुख्यायाजक एठा मूसा गा नियम इथूमिठाच इनी बातो के घगाटा लक्के डा, कि यीशु के टोनोगो धोकाटे उठाटे घोजेज्बा। कही एनोगो बाकी डाऊ कि कुरकून धुम गाळबोळ डायु। यहूदा इस्करियोती गा धोका जिऊ 3 एठा शैतान यहूदा गेन समातिनज्के, जो यहूदा इस्करियोती मंडीवा एठा बारह चेलाकू गेन उमनाऊ डा, 4 डीचनी ओलेडो मुख्यायाजक कुनी एठा सैनिक गा सरदार गा सेंग्गोन एठा दिकुटे मंडीके कि इंज यीशु के उठा गा आपेके मदत जेबा। 5 दिकु खुशोएन, एठा डीके डामा जिऊ गा वचन जीके? 6 एनेगा बादोन यहूदा इस्कारीयोती यीशु के धोकाटे उठा मौका घगाटा लज्जे। फसह तिवार गा तैयारी 7 मेटे बरी दिन बादोन, बिना बुलूम सोकडा गा तिवार गा पेला दिन, फसह तिवार गा आटा घाल्जी सिळी कोंटे बलिदान पेळेच्के, 8 एठा यीशु नी पतरस एठा यूहन्ना के येयीशु गा चेलाकूनी दियाटे कोम्बाराके आम “तुगन मेंबाकी आले अमा घाल्जी फसह तिवार गा आटा आले तैयारे?” 9 दिकुनी डीचके कोम्बाराके, आमेन चोच होना होय, कि आले तैयार केजा? 10 डीचनी दिकुके मांदिके, डोगे, यरूशलेम शहरेन सेने, म्या कोरो डा गा गुंडो तुटूल टे आमेन घाटाऊवा, एठा डीच जो उरा सेनेवा डी उरा मालिको टे मांडे गुरु मंडीवा होय, कि इंजगा पाहुनशला तोटेन होय? 11 एठा डी उरा गा स्वामी टे मांडे, कि गुरु आपेटे मंडीवा होय, कि देटेन पाओनामिंकू मांदिके, होय डेन इंज-इंजागा चेलाकू गा सेंग्गोन फसह तिवार गा आटा जोम्बा। 12 डबोलटे उरा गा मालिको आमके माठा गा म्या सजा सजाका तैयार कोने घलेबा, डीका जगा आलेगा घाल्जी तैयारी डाए। 13 दिकुनी ओलेडो, डेनोगोका यीशु नी दिकुटे मंडीके डा डेनोगोका डोके। एठा देटेन फसह तिवार गा आटा तैयारके होय। प्रभु गा आखरी जोम 14 जब टेमो हेन, मेटे यीशु हेजा बारह कलामके मिंकू चेलाकू सेंग्गोन डी उरान हेन। 15 डीचनी दिकुटे मंडीके, “इंज्के खाट आसा डा, कि कासु-भोबगातिंज एठा गुजूटे टे पेला येटेन फसह तिवार गा आटा आपेगा सेंग्गोन जोमे। 16 चोयाकी इंज आपेटे साच्चो मंडीवा, जब टाएन परमेश्वर गा राज्य गेन येनेगा पूरा मतलब बान जिऊ टाएन, मेटे टाएन इंज डीके बान जोम।” 17 मेटे डीचनी कोटोरा साटे धन्यवाद डाके, एठा मंडीके, “इनिके न डो एठा आपेका खातिंजटे नुयोम। 18 इंज आपेटे सच्चो मंडीवाकी, कि अंगूर गा रेस्सो इंज डी दिन टाएन बान नुनू जब टाएन परमेश्वर गा राज्यन उनाई अंगूर गा रेस्सो बान नुनूवा।” 19 डाबोलटे डीचनी सोकळा सावे, एठा धन्यवाद डाटे कूटकाके एठा दिकुके इनी मंडीटे जीके, “इनी इंजा कोम्बोर होय, इनिके जोमे, जो आपेगा घल्जी जेबा मेना होय, इंज यादो गा घल्जी इनिका डाए।” 20 इनी रिती टे डीचनी जोम गा बादोन कोटोरा भी इनी मंडीटे जीके, “इनी कोटोरा इंजा डी पचना गेन जो आपेगा घल्जी आडीके डा होय, उनाई करार होय। 21 पेनो डोगे, इंजा उठामिठाच गा टी इंजा सेंग्गोन आटाजोम गा टेबाल लिंजेन होय। 22 चोयाकी कोरो गा कोण जो इंज होय डेनोगोका दियागा विषय गेन ओलके होय, डेनोगोका डाऊवा। पेनो डी कोरो लिंजेन भेबाव कासु हेजेवा जो कोरो गा कोण के उठाएच्बा। डी कोरो घाल्जी अच्छा डाऊवा कि डीच जनम बान सा।” 23 मेटे दिकु इकुका पूछताछ दडा लज्जे, “आलेगा तलाटे जे होय, जो इनी कामय डाएवा?” जे खाट समझातिंजुवा? 24 दिकुन नी हिंजमान लज्जे, कि आले तलाटे जे खाट समझातिंजुवा होय? 25 यीशु नी चेलाकूके मेरान हाकोटे दिकुटे मंडीके, “आपे हाडाई होय कि जो कुरकू इनी दुनियान हाक मेंबा होय, दिकु इकुगा हाक गा इस्तामाल आपना इटान थंदळ कुरकू लिंजेन हाक दोडो घाल्जी दडावा होय।” दिकुगा अगुवा कुरकू दिकुगा बातो ममानातिंज घाल्जी दिकुगा हाक इस्तामाल दडावा होय। 26 पेनो आपे येनोगो बान होना, यानेकी जो आपे तलाटे खाट होय, देटेन सानी रोंगो एठा जो याजक होय, देटेन सेवक गा रोंगो आरुयु? 27 चोयाकी खाटजे होय, देटेन जो आटा जोमेन सुबानके या देटेन जो सेवा दडावा होय? जरुर देटेन जो आटाजोम इटान सुबांके होय। पेनो इंज आपेगा तलान सेवाक गा रोंगो मेना। 28 “पेनो आपे देटेनके, जो इंजा अंदाजोन लगातर इंजा सेंग्गोन थंदळके, 29 एठा जैसा इंजा बाटे नी इंजा घल्जी म्या स्वर्ग गा राज्य ठहरातिंज्के होय, डेनोगोका इंजभी आपेगा घल्जी ठहरातिंज्के मेना। 30 डेनोगोका इंजभी आपेगा घांजी आरुके होय, ताकी आपे इंजा स्वर्ग गा राज्य गेन इंजा आटाजोम गा टेबाल लिंजेन जोमे-नोए; यानेकी सिंघासन लिंजेन सुबान्टे इस्राएल देशो गा बारह कोन्कू गा न्याय डाए।” पतरस गा बान मेंगा गा भविष्यवाणी 31 एठा प्रभु नी दियाटे मंडीके, “शमौन, हे शमौन, डोगे, शैतान नी परमेश्वर टे आपे सेबाईकु गा अंदजो सा गा अनुमति आसिवे होय, अच्छा के बुराटे अलग्गो गा कि, चोयाकी म्या खिटी कोरो गुं के भूसा टे अलग्गोएवा होय। 32 पेनो इंज्नी अमा घल्जी बिनती डाके, कि अमा विश्वास कामु बाकी होना एठा जब आम पेला जैसा स्थिती लिंजेन हिराके मेटे अमा डाईचो के भी विश्वास गेन मजबूतकु।” 33 पतरस नी यीशु टे मंडीके, हे प्रभु इंज अमा सेंग्गोन जेलेन सेने गा, यानेकी गुजू गा भी तैयारके होय, 34 डीचनी मंडीके, “हे पतरस इंज अमाटे मंडीवा कि टैंज गा रातो कोम्बा राँ टे पेला आम आफाई बार इंजा इंकार बान मेंबा कि इंज्के डीचके बान हाडाई होय।” कासु सेसेन तैयार थंदळे 35 यीशु नी दिकुटे मंडीके, “जब इंज्नी आपेके पाकीट, एठा झोरा, एठा बुट्टा बिना कुल्केमी डा, मेटे चोच आपेन तुनिका चीजो गा कामी डायेन डा?” दिकुनी मंडीके, “तुनिका चीजो गा बाने।” 36 मेटे यीशु नी दिकुटे मंडीके, “पेनो नका जेगा मेरान पाकीट टासो देटेन दियाटे सैईय्या एठा डेनोगोका झोरा भी एठा जेगा मेरान तलवार बान टासो देटेन खुद कपळे किजीटे म्या मोलाटे सायोम। 37 चोयाकी इंज आपेटे मंडीवाकी कि येटेन जो पवित्र ग्रंथ होय, ‘कि देटेन अपराधी गा सेंग्गोन उमनायेन,’ डेगा इंजेन नी पुराऊ होना जरुरी होय, चोयाकी इंजा विषय गा बातो पुराऊ गा लिंजेन होय।” 38 दिकुनी मंडीके, “हे प्रभु, डोगे, येटेन बरी तलवार होय।” यीशु नी दिकुटे मंडीके, “घोनेच्का होय।” जैतून गा सिंज लिंजेन यीशु गा प्रार्थना 39 मेटे देटेन बल्लान ओठ्जेडो आपना रिती गा रोंगो जैतून गा टुक्की लिंजेन ओले एठा चेलाकू दियागा टाऊटे ओले? 40 झाटटो एठा प्रार्थना दडा होना एठा तखलीफबेन बाकी बोचो। कि अमा अंदाजो बाकी बोचो, “आत्मा तैयारके होय पेनो कोम्बोर कमजोर होय।” 41 देटेन आम दिकुटे अलग्गो म्या घोटा टेटाप्पा ओटो लेंक्कीन ओले, एठा ठोपरे जेगाटे प्रार्थना दडा लज्जे। 42 “हे बाटे अगर आम मेन टासो मेटे इनी कासु गा कोटोरा के इंजा मेराटे म्या देळेनकी, फिरभी इंजा बाने पेनो अमाका इच्छा पुरायु होना।” 43 मेटे स्वर्ग टे म्या स्वर्गदूत दियेन डोएन जो डीचके शक्ती जे डा। 44 एठा देटेन ठायका कासु गेन नराजोटे एठाभी दिल वेदना टे प्रार्थना दडा लज्जे। दियागा पासीना यानेकी पचना गा खापेट-खापेट ठेन्बो गा रोंगो ओटेन बोचो लक्के डा। 45 डाबोलटे जब यीशु प्रार्थना टे हिराके चेलाकूके गिटीचटे डोके पतरस टे मंडीके, हे शमौन अमा गिटीच लक्के होय? चोच अमा म्या घंटा भी जटटो थंदळ डुका? 46 एठा डीचनी मंडीके, “चोया गिटीचबा बिडे, प्रार्थना डाए, कि अंदाजो बाकी बोचो।” यीशु के बंदी आरु 47 देटेन इनी मंडीका लक्के डा, कि डोगे म्या गर्दी हेन, एठा डी बारह कु तलाटे म्याखोम दियागा जीमू यहूदा इस्करियोती डा, गर्दी गा सम्मा-सम्मान हेजे लक्के डा, देटेन यीशु गा मेरान हेन, कि डीचके चुमातिंजेनेच। 48 यीशु नी डीचके मंडीके, हे यहूदा इस्करियोती, चोच अमा चुमातिंज टे कोरो गा कोण डीचके उठाएनेच। 49 दियागा सोप्तीकु नी जब डोके कि चोच डाऊवा होय, मेटे मंडीके, “हे प्रभु, चोच आले तलवार सेन्द्राए?” 50 यीशु गा चेलाकू तलाटे म्याखोम नी खाटयाजक गा भाग्य लिंजेन सेंद्रटे दियागा डाखुरी लुटूर म्हाके। 51 येने लिंजेन यीशु नी मंडीके, नका बाकी दडा एठा दियागा लुटूर तोजा टे अच्छाकेनेच मेना, 52 मेटे यीशु नी मुख्यायाजक कुनी एठा यरूशलेम गा मंदिर गा सैनिककुके सरदार एठा यहूदी जुना सनाकु जो दिया लिंजेन पेळेन हेन डा, मंडीके, चोच आपे इंज्के डाकूके चिनाटे तलवार एठा लठ्ठा घल्जी डायेन डो ओटके होय? 53 मेटे इंज यरूशलेम गा मंदिर गेन हार दिन आपेगा सेंग्गोन डा, मेटे आपेनी इंजा लिंजेन टी बान येण्डाऊ; पेनो येटेन आपेगा गेल्ला होय, एठा अंधरा गा अधिकार होय, पतरस बान मेन्बा 54 एठा डीचके पळातिंजटे सेगे, एठा पतरस लेंक्कीटे टेका दिकु टाऊ-टाऊटे खाटयाजक गा उरा गा दरोम टाएन ओले। 55 मेटे एठा सैनिककु गा सेंग्गोन सुबानटे सिंगेलेन सेको लज्जे मेटे। पतरस भी दिकु तलान सुबांजे। 56 म्या भग्नि डीचके सिंगेल गा उजाला गेन सुबान धोटे एठा दियागा कोनेन ताकातींज टे मंडी लज्जे, “इनिज्भी मेटे दियागा सेंग्गोन डा।” 57 पेनो डीचनी इनी मंडीटे बान मेन्के, “हे तराई, इंज डीचके बान हाडाई डा।” 58 थोळा टेमो बादोन तुनिका दुसरानी डीचके धोटे मंडीके, “आम भी मेटे दिकु म्याखोम तलाटे होय।” पतरस नी मंडीके, “हे डाई इंज बाने मेना।” 59 जेका घंटाभोर गा बादोन म्या एठा कोरो खाटटे का मंडीके लज्जे, “जरुर टेका इनिज्भी मेटे दियागा सेंग्गोन डा। चोयाकी येटेन गलील जिल्हान थंदळ मिंकू होय।” 60 पतरस नी मंडीके, “हे डाई, इंज बान हाडाई कि आम चोच मेन्बा होय?” देटेन मंडीका लक्के डा कि तुरुटो कोम्बा रांके। 61 मेटे प्रभु नी इखाट टे पतरस कोने डोके, एठा मेटे पतरस के यीशु गा मंडीके मिनी बातो के सोचातिंजटे खट्टेका जाम लज्जे। यादो हेन, “कोम्बारा गा सुटू, आम आफाई बार इंजा इंकार डाएवा।” 62 एठा देटेन बल्लान ओठ्टे हुकुट-हुकुट जाम लज्जे, यीशु गा उपासो 63 जो कोरो यीशु के उठाकेनेच डा, डीच दियागा माजाक उळातिन्ज टे मुंडायेच लज्जे! 64 एठा दियागा मेटके उगुरटे, डीचके मुंडाटे कोम्बाराके, कि आलेके भविष्यवाणी डाटे घाले, आमके जे घोच्केमी। 65 एठा दिकुनी घोनेच्का येठाभी बुरा गा बातो दियागा खिलाफबेन मंडीके। जुनाकु एठा खाटसभा गा सम्मान यीशु 66 मेटे दिन ओटजे मेटे कुरकू गा यहूदी जुना सनाकु। एठा मुख्यायाजक कुनी एठा मूसा गा नियम इथूमिठाच म्याखठ्ठायेन, एठा डीचके खाटसभा गेन सालेनेच डो कोम्बराके? 67 “चोच अमा डी चोखरा परमेश्वर गा कोंटे मसीह होय दियागा आले आराधना दडावा होय?” अगर इंज आपेके मंडीकी खिजाऊ बाकी, 68 एठा “अगर इंज प्रश्न कोम्बाराए, मेटे आपे इंज्के चोलाकाभी जवाब बान जिऊ। 69 पेनो नका टे कोरो गा कोण, जो इंज मेना सर्वाशक्तीमान परमेश्वर गा डाखुरी कोनेन सुबानका थंदळवा।” 70 येने लिंजेन सेबाईकु मंडीके, मेटे चोच अमा डी चोखरा परमेश्वर गा कोणटे मसीह होय, दिच्नी दिकुके मंडीके, आपेनी आपेगा का मंडीवा, चोयाकी इंज होय, 71 मेटे दिकुनी मंडीके, नका आलेन एठा तुनिका गवाही गा जरुरत बाऊ होय। चोयाकी आलेनी हेज्का चाभु टे आजुम्जे होय, |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation