लूका 21 - गवली उनाई नियम

कंगाल विधवा जापाए गा सच्चो दान

¹ एठा डीचनी मेट टे धोटे लकपाती कु के आपना-आपना दान भंडार गेन येण्दाटे डोकेकु,

² एठा डीचनी म्या गिरबो विधवा के भी डेन बरी तम्बा चिक्खा (सेबाई टे कामती भाव) येण्दाटे डोकेनेच,

³ मेटे यीशु नी मंडीके, “इंज आपेटे सच्चो मंडीवाकी इनी गिरबो विधवानी सेबाईकु टे खाट येंडाके होय?

⁴ चोयाकी दिकु सेबाईकु नी इकु खाट मेंटो दानेन चोच्का येंडाके होय, पेनो इनिज एटे टाएन कि डीच भी जो दियेन जीटा थंदळ गा घाल्जी होना डा।”

युग गा अन्त गा लक्षण

⁵ मेटे चोटो कुरकू यरूशलेम गा मंदिर गा बारेन मंडी लक्के डा, कि देटेन हे गुरु डोगे चोच अच्छाका खाट उरा होय! डीच तुनी खापेट घोटा टे आरुके होय, मेटे डीचनी मंडीके,

⁶ “डी दिन हेजेवा, डेंनी इनी सेबाई बातो जो दोडो लक्के होय। लेकिन इंज आमके घालेवा। दुश्मनकु म्या भी घोटा इकु जगान बान आरा। दिकु सेबाई नशोऊबा।”

⁷ दिकुनी दियाटे कोम्बारायेवा, हे गुरु, येटेन सेबाई चोला डाऊवा? एठा इनी बातो मेटे पुराऊ गेन हेजेवा, मेटे डी टेमो गा तुनी चिन्हा होंगा?

⁸ डीचनी मंडीके, ध्यान टे थांदळे कि जेका आपेके धोका बाकी जिऊ, कि भुल्लाऊ बाकी घोनेच कुरकू इंजगा जीमू गा उपयोग डाएवा। दिकु मंडीवा, इंज मसीह होय, एठा येटेन भी टेमो मेरान हेन

⁹ एठा मेटे आपे लाडाई, एठा लाडाई गा चर्चा आजुमे, मेटे बाकी हिगरा। चोयाकी एनेगा डाऊ जरुरी होय। लेकिन इनी दुनिया गा अन्त बाऊ होय।

¹⁰ मेटे दिच्नी दिकुके मांदिके, कि सेबाई जाटो गा कुरकू, देशो एठा राज्य म्या दूसरा गा खिलाफबेन लाडाई गें सेनेवा।

¹¹ एठा हार कोनेन भूकंपा डाऊवा एठा काळकी हेजेवा।, एठा बदळा गेन भायनाक बातो एठा खापेट-खापेट चिन्हा ओटबा होंगा,

¹² पेनो इनी बातो टे पेला दिकु इंजा जीमू गा कारान आपेके उठाकोम्बा, एठा सतातिंजकोम्बा, एठा आराधना जगा गेन, एठा जेलेन येण्दाकोम्बा, एठा राजाकु गा एठा हाकमिंकू गा सम्मान साकोम्बा,

¹³ पेनो येटेन आपेगा घांजी गवाही जिऊ गा मौका हेजेवा,

¹⁴ इनिघल्जी आपना-आपना मेन गेन मंडीकी कि आले पेला टे जवाब जिऊ गा चिंता बाकी?

¹⁵ चोयाकी इंज आपेके येनोगो मंडी एठा दिमाग जेबा, कि आपेगा सेबाई दुश्मानकु सम्मान या खीजो बाकी?

¹⁶ एठा जो इंज लिंजेन विश्वास दोडोवा होय घोच्कुबा। बाटे हेजा गा कोणकु गेल्ला एनोगो डाएवा एठा चफनीकू आपना आंटे-बाटे खिलाफबेन सेनेवा एठा दिकुके घोच्कुबा।

¹⁷ चोयाकी आपे इंज लिंजेन विश्वास दोडोवा होय। इनी कारण टे सेबाई कुरकू अमाटे दुश्मनी डोएबा।

¹⁸ पेनो आपेगा चोचकाभी हानि बान डाऊ।

¹⁹ आपना आराम्बोटे आपे आपेगा का जीवन के बाचातींजेवा!

यरूशलेम गा नशो

²⁰ मेटे आपे यरूशलेम शहर गा सेना टे बोचोके मिंकू डूगुवा, मेटे चिनायाकी दियागा उजाळातिंजू मेरान होय।

²¹ मेटे जो डाबोलटे यहूदिया जिल्हा गा कुरकू के उखु घाल्जी टुक्की कोनेन सळुप होना एठा जो यारुश्लेम गा तालन दिकु बल्लान ओठ्बा मेना; एठा जो गावा गेन डेन बान सेने,

²² चोयाकी इनी डी टेमो होय, जब परमेश्वर येनेगा सेबाई कुरकू के दण्डो जेबा। मेटे पवित्र ग्रंथ ओल्के सेबाई बातो पूराऊवा।

²³ इनी डी जपाएकु घाल्जी म्या भयनाक टेमो हेजेवा जो लाजके होय एठा दिकु घाल्जी जो चफनीकुके दिडोम आनु लक्के! चोयाकी दिकु घाल्जी सळुप ठायका मुश्किल होय। चोयाकी देशोन नी खाट गफान एठा इनी कुरकू लिंजेन मुश्किल हेजेवा,

²⁴ दिकु तलवार गा धार टे घोच्कुबा, एठा अदा कुरकू दूसरा देशो गेन बंदी आरुटे इडीकुवा एठा यरूशलेम शहर अलग्गो जाटो गा कुरकू द्वारा डी टेमो टाएन रेसेडूबा। जब अलग्गो जाटोकु गा टेमो पुराऊ बाने।

यीशु गा डबोलटे हेजे गा संकेत

²⁵ एठा सूर्य एठा चंद्र एठा इफिल्कू गेन चिन्हा डूगुवा मेना, एठा पृथ्वी लिंजेन, सेबाई जाटो गा कुरकू गा मुश्किल होंगा, चोयाकी दिकु समुद्रा गा बारसतिन्जुवा एठा लापा गा आवाज घबरातिन्जू वा,

²⁶ एठा हिगरा गा कारान एठा दुनिया लिंजेन हेजे मिनी घाटना के बांददो दोडो कुरकू गा जान गेन जान एठा बदळा टे इफुलकु बोचोवा, एठा बदळान शक्तीनौर ओखेंजेबा।

²⁷ मेटे दिकु कोरो गा कोण के शक्ती एठा खाट महिमा गा सेंग्गोन बदळा लिंजेन हेजे टे दोडोवा।

²⁸ जब इनी बातो डाऊ लज्जे, मेटे सीधा टे अमा कापार माठान टूले, चोयाकी परमेश्वर आपेके जल्दी आराकोम्बा।

परमेश्वर गा राज्य मेरान होय

²⁹ डीचनी दिकुके मंडीके, म्या उदाहरण भी मंडीके, अंजीर गा सिंजाटे एठा सेबाई सिंजाके डोगे।

³⁰ जोभी दिकुगा कोम्बो ओठ्बा होय, मेटे आपे धोटे आपे चिनाएवा कि डा गा मोसोम मेरान होय।

³¹ डीका रोंगो जब अमा डी चीजो के डाऊटे डोगे। मेटे आपेन मालूम होनाकी इनी दुनिया गा अंत बिल्कुल हेन होय। कि परमेश्वर गा राज्य मेरान होय।

³² इंज आपेटे सच्चो मंडीवा होय इनी पीढी अदा कुरकू मेटे भी जीटाका थंदळवा जब इनी सेबाई घटना डाऊवा।

³³ बदळा एठा पृथ्वी नशोऊबा डी हमेशा गा घाल्जी बान थंदळ लेकिन इंज्नी जो मंडीके इनी हमेशा घाल्जी थंदळवा।

हमेशा तैयार थंदळे

³⁴ “इनिघल्जी ध्यान टे थंदळे, येनोगो बाकी डाऊ, कि आपेगा मन लपरवह एठा होशोन बान थंदळ, एठा इनी जीवन गा चिन्ता टे ढीला थंदळजू। अगर आपे येनेगो दडा टासो मेटे डी दिन आपे लिंजेन फंदा गा रोंगो अचानक हेजेवा होय।

³⁵ चोयाकी इनी म्या फंदा रोंगो, पृथ्वी गेन थंदळ मिंकू सेबाई कुरकू लिंजेन हेजेवा।

³⁶ इनिघल्जी जाट्टो थंदळे एठा हार टेमोन प्रार्थना दडा लक्कू कि आपे इनी सेबाई हेजेमिंकू घाटना टे बचातींजकु एठा कोरो गा कोण मेना इंजा सम्मान टेंगेन गा लायको आरोए।”

³⁷ देटेन दिनेन यरूशलेम गा मंदिर गेन शिक्षा जिऊ डा, एठा रातो शहर टे बल्लान सेने डा डो जैतून जीमू टुक्की लिंजेन थंदळ डा।

³⁸ एठा फेजेर गा सेबाई कुरकू दियागा शिक्षा आजोम घल्जी यरूशलेम गा मंदिर गेन दियागा मेरान हेजेवा मेना डा।