लूका 18 - गवली उनाई नियमविधवा जापाए एठा अधर्मी न्याय दडामिठाच 1 यीशु नी हेजा चेलाकू टे इनी समझातिंजू गा मकसद टे येटेन उदाहरण गा द्वारा घालटे मंडीके, कि आबुन हमेशा प्रार्थना दडा होना एठा हिम्मत बाकी आरा होना। 2 “तुनिका पुरान म्या फैसला दडामिठाच थंदळ डा, जो परमेश्वर टे बान हिगरा डा, एठा न तुनिका कोरो गा परवाह दडा डा। 3 डीका पुरान म्या विधवा भी थंदळ डा, जो दियागा मेरान हेजे-हेजे टे बिनती दडा डा, कि इंजा न्याय डा टे इंज्के दुश्मान टे बचातिंजकोम। 4 डीचनी घोनेच दिन टाएन बान आजुमडूका पेनो आखरीन नी मनेन बिचार टे मंडीके, ‘एने लिंजेन भी कि इंज परमेश्वर टे बान हिगरा एठा न कुरकू गा चिन्ता दडावा। 5 फिरभी इनी विधवा इंज्के परीशान कोम्बा होय, इनिघल्जी इंज दियागा न्याय डायेबा। तोटेनका येनोगो बाकी डाऊ कि घिळी-घिळी हेजेवा आखरीन इंज्के लोकोम कोम्बा।’” 6 प्रभु यीशु नी मंडीके, “सोचातिंजे कि डी अधर्मी फैसला दडामिठाच नी चोच मंडीके। 7 परमेश्वर हेजे गा कालाम्के कुरकू गा घल्जी जो दिन रातो दियागा सम्मान जम्बा होय न्याय डाएवा, देटेन दिकु मदत दडा घल्जी टेमो बान दडा। 8 इंज आपेटे मंडीवा कि, देटेन तुरुटो दिकुगा फैसला डाएवा। फिरभी जब इंज कोरो गा कोण पृथ्वी लिंजेन हिराबा मेटे इंजेन अचम्बो डाऊवाकी चोच इंज पृथ्वी लिंजेन तुनिका विश्वासी कोरो टे मिलातिंजुवा जो इंजा लिंजेन विश्वास दोडोवा होय।” जे धर्मी ठहरातिंजूबा? 9 यीशु नी डी कुरकू टे जो इकु बारेन सोचातिंज डा, कि दिकु धर्मी होय एठा दूसराकु के बेकार मेंबा डा, दिकुटे इनी उदाहरण मंडीके 10 “बरी कुरकिंज यरूशलेम गा मंदिर गेन प्रार्थना दडा गा घल्जी ओले, म्याखोम फरीसि कोरो डा एठा दूसरा टेक्सा सा मिठाच। 11 फरीसि कुरकू टेंगेनटे हेजा मनेन इनी प्रार्थना दडा लज्जे, ‘हे परमेश्वर, इंज अमा धन्यावाद डायेवाकी, इंज दूसरा कोरोकु रोंगो बुराई दडामिठाच, अन्यायी एठा आनोवा बाने एठा न इनी टेक्सा सा मिंकू रोंगो मेना। 12 इंज हफ्तान बरी बार उपासो दोडोवा मेना, इंज इंजागा सेबाई कामय गा गेल भागो आमके जेबा मेना।’ 13 पेनो टेक्सा सा मिठाच लेंक्कीन टेगेन टे स्वर्ग गा कोने डो भी दोडुका बनकी कासु गा सेंग्गोन हेजा छाती मुंडा-मुंडाटे मंडीके, हे परमेश्वर इंज म्या पापी मेना, इंजा लिंजेन दया डाए एठा इंज्के मापोकेमी। 14 इंज आपेटे मंडीवा कि, देटेन फरीसि कोरो बाने पेनो टेक्सा सा मिठाच धर्मी ठहरातिंज्के एठा हेजा उरान सेनेवा। चोयाकी जो जेकाभी हेज खुद गा खाट मेंबा, देटेन सानेवा, एठा जो हेज खुदके सानेवा, देटेन खाडेवा।” परमेश्वर गा राज्य चफनीकू रोंगो 15 डाबोलटे कुरकू इकुगा चफनीकुके यीशु गा मेरान साकु लज्जे, कि देटेन दिकु लिंजेन टी डोके, एठा चेलाकूनी धोटे दिकुके कल्लाकेकु। 16 यीशु नी चफनीकू के मेरान हाकोटे मंडीके, “चफनीकू के इंजा मेरान हेजडाए, एठा दिकुके ममाना बाकी, डीका कुरकू जो चफनीकू रोंगो भरोसा गा लायको एठा नम्र होय परमेश्वर गा राज्यन थंदळवा। 17 इंज आपेटे साच्चो मंडीवा कि जो जेकाभी सानी रोंगो आरुटे परमेश्वर गा राज्यके मनेनेज बाने देटेन डेन चोलाका मु बाने।” म्या लाकपति गा यीशु टे प्रश्न 18 तुनिका मुख्यानी डीचके कोम्बाराके, “हे कास गुरु हमेशा गा जीवन गा अधिकारी आरु गा घांजी इंज चोच डाए?” 19 यीशु नी डीचके जवाब जीके, “अमागा मंडी गा कारण चोच होय कि इंज कास होय? बस परमेश्वर का आए टेमोन कास होय। 20 आम हुकूमकेनी हाडाई होय, आनोवा बाकी दडा, घोगेच बाकी, चुचीरी बाकी, लाबाळ गवाही बाकी जिऊ, आलगोय ना बाटे एठा आपना आंटे गा आदर दडा होना।” 21 डीचनी मंडीके, इंज्नी मेटे इंकू सेबाईकु के सानी टेका मनातींज टे हेन होय। 22 येटेन आजुमे, यीशु नी दियाटे मंडीके, आमेन आए भी म्या बातो गा कमी होय, अमा सेबाईका किजीटे गिरबोकु के खाटिंजकी, एठा आमेन स्वर्गेन डामा घाटाऊवा, एठा हेजे डो इंजा टाऊटे हेजे, 23 देटेन इनी आजुमटे भेबाव नराजोएन, चोयाकी देटेन खाट लकपाती डा। 24 यीशु नी डीचके ध्यान धोटे कि डीच चोटो दुखेन होय एठा मंडीके, लकपाती कोरो गा परमेश्वर गा राज्यन मुगा टोनोगो मुश्किल होय! 25 परमेश्वर गा राज्यन “लकपाती कोरो गा मु मुश्किल होय, देटोका ऊँटो गा सुई गा पोपा टे ओट असान होय।” मतलब यीशु लकपाती कोरो गा बारेन मंडीके होय। 26 एठा आजोम मिंकुनी मंडीके, “मेटे डाबोलटे जेगा उध्दार डाऊवा होय?” 27 डीचनी मंडीके, “जो कुरकू टे येटेन बान डाऊ, देटेन परमेश्वर सेबाईका डाएवा।” 28 पतरस नी मंडीके, “डोगे आलेनी उरा-दारोम आराटे अमा टाऊटे हेन होय।” 29 यीशु नी चेलाकू टे मंडीके, “इंज आपेके सच्चो मंडीवा कि, येनोगो जेका बाऊ जो कोरोनी परमेश्वर गा राज्य गा घल्जी उरा, या जापाए, या डाईकु के, या आंटे-बाटे, या चफनीकू के आराकेकु। 30 एठा इनी टेमो चोटोका गुण येठाभी बान घाटाऊ, एठा परलोक गेन हमेशा गा जीवन।” डाबोलटे हेजे गा भविष्यवाणी 31 डाबोलटे यीशु नी बारह चेलाकूके सेंग्गोन साटे दिकुके मंडीके, “डोगे आले यरूशलेम शहर गेन सेनेवा होय, एठा चोटो बातो कोरो गा कोण गा घल्जी परमेश्वर गा कोनेटे मंडीमिठाच गा द्वारा ओल्के मेना होय, डी सेबाई पूराऊवा। 32 एठा इंज्के अलग्गो जाटोकु गा टीन जेच्बा। एठा दिकु दियागा मजाक उळातिंजेबा, दिया लिंजेन उलीच बेजेवा।” 33 एठा डीचके बाल्खा मुंडाटे, एठा गोजेच्बा, एठा देटेन आफाई दिन बादोन जीटायेन। 34 एठा दिकुनी इनी बातो तलाटे तुनिका बातो बान समजातिंजडुका, एठा येटेन बातो दिकुटे उखुके मेना, एठा जो मंडीके डा, देटेन दिकुगा समाझोन बान हेजडुका। अंधळा भिखारी के मेट 35 जब देटेन यरीहो शहर गा मेरान पोचातींजे, मेटे म्या बरतिमाई जीमू गा अंधळा भिखरी कोरा धुरान सुबंके डा डो भिको आसी लक्के डा। 36 एठा देटेन गर्दी गा सेंदरा गा आवाज आजुमटे कोकाम्बारा लज्जे, “येटेन चोच डाऊ लक्के होय?” 37 दिकुनी डीचके घाल्के, “यीशु नासरी चेल्के होय।” 38 मेटे डीचनी हाकोटे मंडीके, “हे यीशु, राजा दाऊद गा कोणटे इंजा लिंजेन दया डाए!” 39 जो सम्मा-सम्मा चेलके डा, दिकु डीचके काल्ला लज्जे कि कायोम थंदळे, पेनो देटेन एठाभी चिल्लातिंजू लज्जे, “हे दाऊद गा कोणटे इंजा लिंजेन दया डाए!” 40 मेटे यीशु नी टेगेन टे हुकूम जीके कि डीचके इंजा मेरान सेगेच, एठा जब देटेन मेरान हेन, मेटे यीशु नी दियाटे इनी कोम्बराके, 41 एने लिंजेन यीशु नी डीचके मंडीके, आम चोच चाहतावा होय, “इंज अमा घल्जी डाए?” अंधळा नी दियाटे मंडीके, “हे गुरु, येटेन कि इंज डो-डो लज्जू।” 42 यीशु नी दियाटे मंडीके, “दोडो लज्जू, अमा विश्वासनी आमके सजाकेमी होय।” 43 एठा देटेन तुरुटो दोडो लज्जे, एठा परमेश्वर गा जीमू रिमटेका, दियागा टाऊटे ओले, एठा सेबाई कुरकू नी धोटे परमेश्वर गा स्तुति डाके। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation