लूका 17 - गवली उनाई नियमसुटूका गघाल 1 डाबोलटे डीचनी हेजा चेलाकू टे मंडीके, “येटेन पक्का होय कि डी बातो जो पापो गा वाजा होय, देटेन हेजेवा पेनो धिक्कार होय, डी कोरो लिंजेन डेगा वोजीटे अंदाजो डाऊवा होय। 2 जो इनी सानिकु तलाटे तुनिका म्याखोम के दियागा विश्वासेन खेडा जोम गा वाजा आरुवा होय। भलाका डीच इनी सनी रोंगो जेका टासो, इनी दियागा घल्जी अच्छा होय, कि दियागा गर्दनेन म्या खाट घोटा टोल्के टासो, एठा डीचके नामुजू घाल्जी समुद्रान टेप्पाकेच। 3 ध्यान टे थंदळे, कि आपे चोच दडावा मेना, अगर अमा डाई अपराध दडा मेटे डीचके कल्लाएच एठा अगर पस्ताव जे टासो डीचके मापोकेच। 4 अगर दिनभोर गेन देटेन सात बार अमा अपराध डाए एठा सात बार हेजेवा डो अमाटे मांडे, ‘इंजेन येनेगा पस्ताव होय,’ मेटे डीचके मापोकेच।” आपेगा विश्वास चोटो खाट होय? 5 मेटे कलामके मिंकू चेलाकूनी प्रभु यीशु टे मंडीके, “आलेगा विश्वास मजबूत आरोए।” 6 प्रभु नी मंडीके, कि अगर आपे तुनिका राई गा दाना गा बारोबर भी विश्वास डोके, मेटे आपे इनी शहतुत गा सिंज टे मंडीके, कि जाळीटे उखळातिंजू समुद्रान सेंजू, मेटे देटेन आपेगा मनातिंजेवा। कास सेवक 7 “अगर आमगा नौकर खिटी जोटे टे या मेंडाकू देखभाल दोडो टे उरा हेन मेटे आम चोच मेंबा, ‘तुरुटो हेजे एठा आटाजोम घल्जी सुबने?’ 8 बाने, बनकी आम मंडेबा, कि इंजा आटा गा तैयारी डाए एठा जब टाएन इंज जोजोम-काखाफ लक्के मेना, तब टाएन इंजा सेवा दडा घल्जी तैयार थंदळे, येनेगा बादोन आम जोम-कापजोम। 9 आम आमगा नौकर के देटेन कामय दडा घल्जी धन्यवाद बान दडा, जो आमनी डीचके दडा घल्जी मंडीके डा। 10 डीका रोंगो टे जब आमनी देटेन सेबाईका डाके जो आमके दडा घल्जी मंडीके मेना डा, मेटे आमेन इनी मंडी होना, ‘आले सादा भाग्यकु होय जो आलेन दडा होना डा डीका डाके होय।’” म्या कोळया धन्यवाद 11 जब यीशु एठा दियागा चेलाकू डी कोरान चेल्के डा जो सामरीया जिल्हा एठा गलील जिल्हा गा तलाटे सेने टे यरूशलेम शहर गा कोनेन सेने डा। 12 एठा तुनिका गाँवेन मु टेमो दियेन गेल कोळ्याकु घटायेन। 13 दिकुनी लेंक्कीन टेगेन टे, खाट्टेका मंडीके, “हे यीशु, हे स्वामी, आले लिंजेन दया डाए!” 14 यीशु नी दिकुके धोटे मंडीके, “सेने एठा आपना खुद यहूदी याजक के घाले। जब दिकु चेल्केका डा मेटे दिकु सजाएन। 15 मेटे म्याखोम इनी धोटे कि इंज सजाएन मेना, खाट्टेका परमेश्वर गा आराधना दडा लठ्ठाका यीशु गा मेरान डाबोलटे हिराके। 16 एठा यीशु गा नंगा सुबान साब लज्जे दियागा धन्यवाद दडा लज्जे देटेन सामरी कोरो डा। 17 येने लिंजेन यीशु नी मंडीके, चोच गेल कोरोकु बान सजाडुका मेटे डाबोलटे डी अराईकु टूंगानकु होय? 18 चोच इनी अलग्गो जाटो कोरो आराटे दूसरा जेका बान ओटडुका, जो परमेश्वर गा जीमू रिमेवा?” 19 मेटे यीशु नी दियाटे मंडीके, “बिडे डो सेंजू, अमा विश्वासनी आमके सजाकेमी होय।” परमेश्वर गा राज्य गा ओट 20 मेटे फरीसि कुरकू दियाटे कोम्बराके, कि परमेश्वर गा राज्य चोला हेजेवा? मेटे यीशु नी दिकुके जवाब जीके, “कि परमेश्वर गा राज्य इनी रोंगो टे हेजे लक्के होय, कि आपे आपेगा मेट टे बान दोडो साकता। 21 कुरकू इनी बान मंडी, कि डोगे, येटेन एठा देटेन होय। चोयाकी परमेश्वर गा राज्य आपेगा तलान होय।” 22 डीचनी चेलाकू टे मंडीके, “डी दिन हेजेवा, डेननी आपे इंज कोरो गा कोण गा दिन टे म्या दिन डोगेवा लेकिन बान डूगु।” 23 कुरकू आपेटे मंडेबा, “डोगे, देटेन होय, या येटेन होय! पेनो आपे सेने बाकी एठा न दिकुगा टाऊटे सेंजू।” 24 चोयाकी जैसा बिजली बदळा गा म्या कोनेटे गुंग टे बदळा गा दूसरा कोने टाएन चामकातिंजूवा, डेनोगोका कोरो गा कोण गा दिन भी येनेगो डाऊवा। 25 पेनो पेला जरुरी होय, देटेन भयानक रुपोटे कासु टूलबे एठा इनी पीढी गा कुरकू डीचके खराबो मेन्बा। 26 जैसा आलेगा जुना सनाकु नूह गा दिनेन डायेन डा, कि कुरकू तिवार ममानातिंजबा, लेन-डेन दडावा खिटी बिबीटवा एठा उरा आरु डा। 27 जो दिन टाएन नूह डोंगा लिंजेन बान पेडेचडुका, डी दिन टाएन कुरकू जोजोम-कखाफ डा, एठा दिकुन नी ब्याहनौर डाऊ डा, मेटे डा हेन डो दिकु सेबाईकु के नशोकेकु। 28 डीका रोंगो टे आलेगा जुना सनाकु लूत जो सदोम शहर गेन थंदळ डा दियागा दिनेन जैसा डायेन डा, कि कुरकू तिवार ममानातिंजबा, लेन-डेन दडावा खिटी बिबीटवा एठा उरा आरु डा। 29 पेनो जो दिन लूत सदोम शहर टे ओटजे, डी दिन सिंगेल एठा जुलू चीजो बदळा टे बोचोके एठा सेबाई कुरकू के जो शहर गेन डा नशोकेकु। 30 कोरो गा कोण गा डाबोलटे हेजे गा दिन टाएन भी येनोगोका डाऊवा। 31 “डी दिन जो पदळी लिंजेन टासो। एठा डेगा रोंगो उरान टासो, देटेन डीचके सा बान आगुरू। एठा डेनोगोका जो खिटीन टासो देटेन टाउन बान हिरा। 32 लूत गा जापाए गा सेंग्गोन चोच डाएन। 33 जो जेकाभी हेजा जीवन बचातिंजेवा देटेन डीके आडेवा, एठा जो जेकाभी डीके आडेवा देटेन डीके बचातिंजेवा। 34 इंज आपेटे मंडीवा कि, डी रातो बरी कोरो किंज म्या पारकोमेन थंदळवा, म्याखोम सेगेच्बा, एठा दूसराके आरागेच्बा। 35 बरी जापाए किंज म्या सेंग्गोन जाटीवा मेना, म्याखोम के सेगेच्बा, एठा दूसराकु आरागेच्बा। 36 (बरी कुरकिंज खिटीन थंदळवा म्याखोम के सेगेच्बा एठा दूसराकु आरागेच्बा।)” 37 येटेन आजुमे दिकुनी दियाटे कोम्बाराके, “हे प्रभु येटेन तोटेन डाऊवा?” डीचनी दिकुटे मंडीके, “तोटेन म्हाळा होय, देटेन सिकरयाकू जमाऊबा मेना।” |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation