ಯೊಹಾನ್ 8 - गवली उनाई नियमआनोवा दडामिठाच के मपो 1 यीशु जैतून टुक्की लिंजेन ओले। 2 डाबोलटे गफान फेजेर यीशु देटेन यरूशलेम गा मंदिर गा दरोमेन ओले एठा सेबाई कुरकू दिया मेरान हेन। डीच देटेन सुबानजे एठा दिकुके शिक्षा जिऊ लज्जे। 3 जब डीच मंडीका लक्के डा मूसा गा नियम इथूमिठाच एठा फरीसि कुरकू नी जापाए के जो आनोवा दडा गेन उठायेन डा, दिकुनी डीचके सालेनेच डो गर्दी गा सम्मान टेंगेनकेनेच। 4 यीशु टे मंडीके, “हे गुरु, इनी जापाए आनोवा दडा टे उठाएन होय। 5 मूसा गा नियम गेन हुकूम जिले होय कि येनेगो कोरो घोगेच घल्जी डीचके घोटा टे लेचाएच, मेटे आम नका चोच मेंबा होय कि आलेन चोच दडा होना?” 6 दिकुनी यीशु के चिचाना घल्जी इनी बातो मंडीके ताकी दिया लिंजेन आनोवा तोटाका घल्जी तुनिका मौका घटायु लेकिन यीशु बस होम्बाटे एठा हेजा बोटो टे ओटेन ओल लज्जे। 7 जब दिकु दियाटे कोकाम्बरा लज्जे मेटे सिधाटे दिकुटे मंडीके, “आपे तलाटे जेकाभी चोलाकाभी पापो बान दडुका होय, डीचका पेला डीचके घोटा टे लेचाएच।” 8 एठा डाबोलटे होम्बाटे ओटेन बोटो टे ओल लज्जे। 9 पेनो दिकु इनी अजोम्टे खापेट कुटे साटे सानी टाएन इनी हाडाई टे भी कि दिकु सेबाईकु पापी डा म्या-म्याखोमटे ओले एठा यीशु डी जापाए सेंग्गोन जो आए भी देटेनका टेंगेनके डा एकलाका थंदळजे। 10 यीशु नी टेंगेनजेडो दियाटे मंडीके, “हे तराई, दिकु तुंगान ओले? चोच जेकानी आमके दण्डो गा हुकूम बान जिडुका?” 11 जापाएनी मंडीके, “हे प्रभु, जेकाभी बाने।” यीशु नी मंडीके, “इंजभी अमा लिंजेन दण्डो गा हुकूम बान जिऊ, आए उरान सेंजू एठा सम्मान पापोन जीवन बाकी बिबातातिंज।” यीशु दुनिया गा उजाला 12 मेटे यीशु नी डाबोलटे कुरकू टे मंडीके, “दुनिया गा उजाला इंज मेना, जो इंजा टाऊटे हेजेवा देटेन अंधरान बान सेंद्रा, पेनो डी उजालाके घटाएवा जो हमेशा गा जीवन जिऊवा होय।” 13 फरीसि कुरकू नी दियाटे मंडीके, “आम आमगा गवाही खुद जेबा होय, अमा सच्चो बाऊ होय चोयाकी आम सिर्फ अमागा तरीफ दडावा होय।” 14 यीशु नी दिकुके जवाब जीके, “अगर इंज इंजगा गवाही खुद जिऊ मेना तोभी इंजा गवाही सच्चो होय, चोयाकी इंजेन मालूम मेना कि इंज तुंगाटे हेन मेना एठा तुंगान सेनेवा मेना। 15 आपे कोरोकु रोंगो न्याय दडावा, पेनो इंज जेका गा न्याय बान दडा। 16 एठा अगर इंज न्याय भी डाए मेटे इंजा न्याय सच्चो होय, चोयाकी इंज एकला बाने, पेनो इंजा बाटे, डीचनी इंज्के कुल्लेमी होय इंजा सेंग्गोन होय। 17 मूसा गा नियम गेन इनी भी ओलके होय, कि बरी कुरकिंज गा गवाही बेल्लाटे सच्चो ठहरातिंजूबा होय। 18 म्याखोम इंज खुद इंजागा गवाही जेबा मेना एठा दूसरा बाटे परमेश्वर इंजा गवाही जेबा होय डीचनी इंज्के कुल्लेमी होय।” 19 दिकुनी दियाटे मंडीके, “अमा बाटे तुंगानके होय?” यीशु नी जवाब जीके, “न आपे इंज्के हाडाई, एठा न इंजा बाटे के। अगर इंज्के हाडाई टासो इंजा बाटे के भी हाडाई।” 20 इनी बातो डीचनी यरूशलेम गा मंदिर गा दरोमेन शिक्षा जिऊ लठ्ठाका भण्डार उरान मंडीके एठा जेकभी डीचके बान उठाडुका चोयाकी दिया गुजू गा साही टेमो आए हेजडुका डा। हेजा बारेन यीशु गा कथन 21 यीशु नी डाबोलटे दिकुटे मंडीके, “इंजेन सेनेवा मेना, एठा आपे इंज्के घागटावा एठा पापो दडा टे गुजूवा, तोटेन इंज सेनेवा, देटेन आपे बान सेने।” 22 एने लिंजेन यहूदी कुरकू अगुवाकु नी मंडीके, “चोच देटेन हेज खुदके घोजेचबा, जो मंडीवा होय, ‘तोटेन इंज सेनेवा देटेन आपे बान हेजु?’” 23 यीशु नी दिकुटे मंडीके, “आपे येटेन इनी दुनियान डाएन डा, लेकिन इंज स्वर्ग टे हेन मेना, आपे दुनिया गा होय एठा इंज दुनिया गा बाने। 24 इनिघल्जी इंज्नी आपेटे मंडीके आपे लगतार पापो दडा टे गुजूवा। चोयाकी अगर आपे इंजा लिंजेन विश्वास बान दडा कि ‘इंज डीचका मेना,’ मेटे आपेगा पापो मापोऊ बाने।” 25 यहूदी अधिकारीकु नी दियाटे कोम्बाराके, “आम जे होय?” यीशु नी दिकुटे कोम्बाराके, “जब टे इंज शिक्षा जिऊ सुरुके होय इंज आपेके घालटेका हेजे लक्के मेना। 26 आपेगा बारेन एठा आपेके दोषी ठहरातिंजू घल्जी इंजेन घोनेच मंडी टाकु होय। पेनो इंजा कुकूल मिठाच सच्चो होय, जो इंज्नी दियाटे अजोम्के होय, डीका दुनिया गा कुरकू मंडीवा मेना।” 27 दिकुन बान समझातिंजू आलेटे देटेन बाटे बारेन मंडीवा होय। 28 मेटे यीशु नी दिकुटे मंडीके, “जब आपे इंज्के कोरो गा कोण क्रूस लिंजेन पेळेजेचबा, मेटे चिनाएवा कि ‘इंज डीचका मेना,’ एठा इंज इंजा खुद गा इच्छाटे चोचकाभी बान दडा, पेनो जैसा इंजा बाटे परमेश्वर नी इंज्के इथूकेमी डेनेगोका इनी बातो इंज मंडीवा मेना। 29 इंजा कुकूल मिठाच इंजा सेंग्गोन होय। एठा डीचनी इंज्के एकला बान आराडुका, चोयाकी इंज हमेशा डीका कामय दडावा मेना, देटे देटेन खुशोऊवा होय।” 30 घोनेच्का कुरकू नी दिकुनी यीशु के इनी बातो मंडीटे अजोम्के, दिया लिंजेन विश्वास डाके। सच्चाई आमके स्वतंत्र डाएवा 31 मेटे यीशु नी डी यहूदी कुरकू टे दिकुनी दिया लिंजेन विश्वास डोके डा मंडीके, “अगर आपे इंजा वचन गा पालन डाएवा मेटे आपे सच्चोका इंजा चेला ठहरातिंजूबा। 32 आपे सच्चाई के चिनाएवा एठा सच्चाई आपेके स्वतंत्र डायेबा।” 33 दिकुनी डीचके जवाब जीके, “आलेनी अब्राहम गा पीढी टे होय एठा चोलाका जेका गा भग्या बान आरुडुका, डाबोलटे आम चोया मेंबा कि आले स्वतंत्र डाऊवा?” 34 यीशु नी दिकुके जवाब जीके, “इंज आपेटे सच्चो-सच्चो मंडीवा कि जो जेकाभी पापो दडावा होय, देटेन पापो गा ध्यानेन होय। 35 भग्या हमेशा उरान बान थंदळ, कोण हमेशा उरान थंदळवा होय। 36 इनिघल्जी अगर परमेश्वर गा कोणटे आपेके स्वतंत्र डाएवा, मेटे सच्चोनका आपेगा स्वतंत्र डाऊवा। 37 इंजेन मलूम होय कि आपे अब्राहम गा पीढी टे मेना फिरभी आपे इंजा शिक्षा मनेन ने बाने, इनिघल्जी आपे इंज्के घोगेच गा कोशिश लक्के। 38 इंज डी बातो के घाले लक्के मेना डीचके इंज्नी डोके, जब इंज इंजागा बाटे गा सेंग्गोन डा। आपे डीका दडावा मेना जो आपेनी आपेगा बाटे टे अजोम्के होय।” 39 दिकुनी डीचके जवाब जीके, “आलेगा जुना सना नी अब्राहम होय।” यीशु नी दिकुटे मंडीके, “अगर आपे अब्राहम कोणकुटे धारे मेटे अब्राहम रोंगो कामय दडा डा। 40 पेनो नका आपे इंज्के घोगेच चाहतावा होय, डीचनी आपेके डी सच्चो वचन घाल्के जो परमेश्वर टे आजुम्के, येनेगो मेटे अब्राहम नी बान दडुका।” 41 आपे आपेगा बाटे रोंगो कामय दडावा। दिकुनी दियाटे मंडीके, “आले आनोवा टे बान दडुका आलेगा सिर्फ म्याका बाटे होय देटेन परमेश्वर होय।” 42 यीशु नी दिकुटे मंडीके, “अगर परमेश्वर आपेगा धारे मेटे आपे इंजाटे प्यार डोए डा, चोयाकी इंज परमेश्वर गा कोनेटे हेन मेना इंज खुद गा इच्छाटे बान हेजडुका पेनो परमेश्वर नी इंज्के कुल्लेमी। 43 आपे इंजा बातो इनिघल्जी बान सामझातिंकू, चोयाकी आपेन नी इंजा वचन ममानातिंज टे बान मेंबा। 44 आम अमा बाटे शैतान टे होय एठा आपेगा बाटे गा इच्छाके पुपरा चाहतावा। देटेन मेटे पेलाटेका घोगेच कोरो होय, एठा डीच सच्चाई लिंजेन मजबूत बान थंदळ, चोयाकी दियागा सच्चाई टे चोच्का लेना-देना बाऊ होय। जब डीच लबाळ मंडीवा, मेटे हेजा गा स्वभाव गा रोंगो मंडीवा होय। चोयाकी डीच लबाळ होय यानेकी लबाळ गा बाटे होय। 45 इंज सच्चो मंडीवा मेना इनिघल्जी आपे इंजा लिंजेन विश्वास बान दडा। 46 आपे तलाटे जे इंजा लिंजेन पापो दडा गा आनोवा तोटाकावा होय? अगर इंज सच्चो मंडी टासो, मेटे आपे इंजा विश्वास चोया बान दडा? 47 जो जेकाभी परमेश्वर टे संबंध दोडोवा होय, देटेन परमेश्वर गा बातो आजोम्बा होय। आपे इनिघल्जी बान आजोम चोयाकी आपे परमेश्वर टे बान होय।” यीशु एठा अब्राहम 48 इनी अजोम्टे यहूदी कुरकू नी दियाटे मंडीके, “आले इनी मंडीन सही डा कि आम म्या सामरी कोरो होय एठा आमेन म्या भूतो होय।” 49 यीशु नी जवाब जीके, “इंजेन नी भूतो बाऊ, पेनो इंज इंजागा बाटे परमेश्वर गा सम्मन दडावा मेना, एठा आपे इंजा अपमान दडावा। 50 इंज इंजा घल्जी सम्मन बान चाहतावा लेकिन म्याखोम होय जो चाहतावा होय कि इंजा सम्मन डा कि होना एठा देटेन डीचका होय जो न्याय भी दडावा। 51 इंज आपेटे सच्चो-सच्चो मंडीवा मेना कि अगर तुनिका कोरो इंजा वचन गा पालन डाएवा, मेटे देटेन चोलाकाभी बान गुजू।” 52 यहूदी कुरकू नी दियाटे मंडीके, “नका आले चिनाये कि आमेन भूतो होय। अब्राहम गोएन एठा परमेश्वर गा कोनेटे मंडीमिठाच भी गोएन होय एठा आम मेंबा होय, ‘अगर जेका इंजा वचन गा पालन डाएवा मेटे देटेन चोलाकाभी बान गुजू।’ 53 आलेगा बाटे अब्राहम मेटे गोएन, चोच आम दियाटे खाट होय? एठा परमेश्वर गा कोनेटे मंडीमिठाच भी गोएन, आम खुदके चोच सामझातिंजेवा होय?” 54 यीशु नी जवाब जीके, “अगर इंज खुद इंजागा तरीफ डाए, मेटे इंजा महिमा चोचकाभी बाऊ, पेनो जो इंज्के सम्मन जेबा होय डीच इंजागा बाटे होय, डीचके आपे परमेश्वर मंडीवा होय। 55 आपेनी मेटे डीचके बान हाडाई डुका, पेनो इंज डीचके हाडाई मेना एठा अगर मंडे कि इंज डीचके बान हाडाई, मेटे इंज आपेगा रोंगो लबाळ ठहरातिंजूबा। पेनो इंज डीचके हाडाई मेना एठा दियागा हुकूम मनातिंजेवा मेना। 56 आपेगा जुना सना अब्राहम इंज्के दोडो गा आसा गेन भेबाव खुशोके डा, एठा डीचनी डोके एठा खुशी मनातिंज्बे।” 57 यहूदी कुरकू नी दियाटे मंडीके, “आए टाएन मेटे आम पचास साल गा बाने, फिरभी आमनी मंडीवा होय कि अब्राहम नी आमके डोकेनेच होय?” 58 यीशु नी दिकुके मंडीके, “इंज आपेटे सच्चो-सच्चो मंडीवा मेना, कि अब्राहम गा जनम टे पेला ‘इंज मेना।’” 59 एने लिंजेन कुरकू नी यीशु के मुमंडा घल्जी घोटा टुलजे पेनो यीशु कायोम टेका यरूशलेम गा मंदिर टे ओटजे। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation