ಯೊಹಾನ್ 15 - गवली उनाई नियमसाच्ची अंगूर गा ईली 1 “साच्ची अंगूर गा ईली इंज मेना, एठा इंजा बाटे खिटी कामय कोरो होय। 2 हरेक डंगोल जो इंजाटे जुळातिंजके होय एठा बान जाऊ, डीके डीच म्हागेवा होय एठा जो डंगोल जाऊवा होय डीके देटेन छटातिंजेवा होय, ताकी एठा जाऊजू। 3 डी वचन गा द्वारा, जो इंज्नी आपेटे मंडीके होय, आम छटातिंजे होय। 4 आपे इंजा गेन पक्का थंदळे एठा इंज आपे गेन पक्का थंदळवा। जैसा डंगोल अगर अंगूर गा ईलीन पक्का बान थंदळ मेटे हेज खुद टे बान जाऊ, डीका रोंगो टे आपे चोचकाभी अच्छा बान दडा अगर आपे इंजा गेन पक्का बान थंदळ। 5 इंज अंगूर गा ईली मेना: आपे डंगोलनौर होय। जो इंजा गेन पक्का थंदळ, एठा इंज दियेन पक्का थंदळजू, मेटे देटेन घोनेच जाऊवा होय। इंजा अलाग्गोऊ टासो आपे चोचकाभी बान दडा। 6 अगर जेका इंजा गेन पक्का बान थंदळ, मेटे डीके म्हाटे टेप्पाएवा होय। जब इनी डंगोल लोखोळजुवा होय मेटे डीके जमाटे जुलेबा होय। 7 अगर आपे इंजा गेन पक्का थंदळे एठा इंजा शिक्षा आपे गेन पक्का थंदळवा, जो चोच्का आपे बाटे आसेवा, देटेन आपे घल्जी डाएवा। 8 इंजा बाटे गा महिमा येनेटे डाऊवा होय कि आपे घोनेच जाऊगे मेटे का आपे इंजा चेलाकू ठहरातिंजूबा। 9 जैसा बाटे नी इंजाटे प्यार डोके, डेनेगोका इंजभी आपेटे प्यार डोके इंजा प्यार गेन पक्का थंदळे। 10 अगर आपे इंजागा हुकूम गा पालन डाएवा, मेटे इंजा प्यार गेन पक्का थंदळवा जैसा इंज्नी इंजा बाटे गा हुकूम गा पालन डाके होय, एठा दियागा प्यार गेन पक्का थंदळवा मेना। 11 इंज्नी इनी बातो आपेटे इनिघल्जी मंडीके होय, ताकी आपेन भी डीका खुशी डायु जो इंजेन होय एठा आपेगा खुशी बळातिंजूका।” चेलाकू गा म्या दूसरा टे रिश्ता 12 “इंजा हुकूम इनी होय कि जैसा इंज्नी आपेटे प्यार डोके डेनेगोका आपे भी इनिज दियाटे प्यार डोए। 13 जेका गा मेरान इनी गघाल घल्जी कि देटेन हेजा सोपतीकुटे प्यार दडावा होय, येनेटे खाट एठा तुनिका तारीखा बाऊ होय कि देटेन दिकुके बबाचातिंज गा घल्जी हेजा जान टाएन जेबा। 14 जो चोचकाभी इंज आपेके हुकूम जेबा मेना, अगर डीके डाए, मेटे आपे इंजा सोपतीकु होय। 15 नका टे इंज आपेके भाग्य बान मेन, चोयाकी भाग्य बान हाडाई, कि दियागा स्वामी चोच दडावा होय: पेनो इंज्नी आपेके सोपती मेन्के होय, चोयाकी इंज्नी जो बातो इंजा बाटे टे आजुम्के, डी सेबाई आपेके घाल्के। 16 आपेनी इंज्के बान कलामडुका पेनो इंज्नी आपेके कलाम्केमी होय एठा ठहरातिंज्केमी होय ताकी आपे सेने डो फल सेगे। एठा आपेगा फल पक्का थंदळकु, चोयाकी आपे इंजा चेलाकू होय, आपे बाटे टे जो चोचकाभी आसेवा देटेन आपेके जेबा। 17 इनी बातो गा हुकूम इंज आपेके इनिघल्जी जेबा मेना ताकी आपे इनिज दियाटे प्यार डोए।” दुनिया टे ताखलिफ 18 “अगर दुनिया गा कुरकू आपेटे दुश्मान दोडोवा होय, मेटे आपेन मालूम होय, कि दिकुनी अमाटे पेला इंजाटे दुश्मानी डोके। 19 अगर आपे इनी दुनिया कुरकू रोंगो धारे मेटे दुनिया गा कुरकू आपेटे प्यार दोडोवा, पेनो इनी वाजाटे कि दुनिया कुरकू टे रिश्ता बान दोडो चोयाकी इंज्नी आपेके दुनिया टे कलमकेमी होय। इनिघल्जी दुनिया आपेटे दुश्मानी दोडोवा होय। 20 इनी यादो डोए कि जो इंज्नी आमनी आपेके घल्के होय, भाग्य हेजा स्वामी खाट बान आरु। अगर दिकुनी इंज्के सतातिंज्केमी, मेटे आपेके सतातिंज्कोंम्बा। अगर दिकुनी इंजा शिक्षा गा पालन डाके, मेटे आपेगा भी शिक्षा गा पालन डाएवा। 21 पेनो येटेन सेबाईका इंजा जीमू वोजीटे आपेगा सेंग्गोन डाएवा चोयाकी आपे इंजा चेलाकू होय। चोयाकी दिकु इंजा कुकूल मिठाच के बान हाडाई। 22 अगर इंज बान हेजे डो एठा दिकुटे बातो बान डा, मेटे दिकु पापी बान ठहरातिंजू पेनो नका दिकुके दिकुगा पापो घल्जी तुनिका बहना बाऊ डा। 23 जो इंजाटे दुश्मानी होय, देटेन इंजा बाटे टे भी दुश्मानी दोडोवा होय। 24 अगर इंज दिकुन डी अचम्बो कामय बान दडा, जो एठा जेकानी बान दडुका मेटे दिकु पापो बान ठहरातिंजू, नका मेटे दिकुनी जो इंज्नी चमत्कार गा कामय डाके होय डोगे, फिरभी दिकुनी इंजा एठा परमेश्वर इंजा बाटे टे दुश्मानी डाके। 25 येटेन डी वचन के पुराएवा होय, जो पवित्र ग्रंथ गेन ओल्के होय। देटेन मंडीवा होय, दिकुनी बिना वाजा इंजाटे खीजो डाव। 26 इंज बाटे कोंटे आपेगा घल्जी म्या मदत मिठाच के कुलेच्बा। डी आत्मा जो बाटे गा कोंटे हेजेवा एठा जो सच्चो होय डीके ओडेवा होय। जब डीच हेजेवा, मेटे देटेन आपेके इंजा घालेवा। 27 एठा आपे दुनिया गा कुरकू के इंजा बारेन घालेवा, चोयाकी आपे पेलाटेका इंजा सेंग्गोन थंदळके होय।” |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation