ಯೊಹಾನ್ 14 - गवली उनाई नियमयीशु गा हेजा चेलाकूके सांत्वना जिऊ 1 “आपे परेशानु बाकी, आपे परमेश्वर लिंजेन विश्वास डोएबा होय, इंजा लिंजेन भी विश्वास डोए। 2 इंजा बाटे गा उरान घोनेचका थंदळ जगा होय, अगर बान धारे मेटे इंज आपेटे मंडे डा। इंज आपे घल्जी जगा तैयारी दडा चेल्के मेना। 3 इंजा सेने एठा आपे घल्जी जगा तैयारी दडा गा बादोन, इंज हेजेवा आपेके इंजा सेंग्गोन थंदळ साकोम्बा ताकी तोटेन इंज थंदळवा देटेन भी आपे थंदळे। कोरा सच्चाई एठा जीवन 4 डिंगन इंज चेल्के मेना, आपे डेगा कोरा हाडाई होय।” 5 थोमा दियाटे मंडीके, “हे प्रभु, आले बान हाडाई कि आम तुंगान सेनेवा होय, मेटे कोरा चोफर टे चिनाए?” 6 यीशु नी दियाटे मंडीके, “कोरा एठा सत्य एठा जीवन इंज का मेना। बिना इंजा द्वारा जेका बाटे परमेश्वर मेरान बान आदिरु। 7 अगर आपे इंज्के हाडाई धारे, मेटे इंजा बाटे के भी हाडाई, एठा नका आपे डीचके हाडाई होय, एठा डीचके डोकेनेच भी होय।” 8 फिलिप्पुस नी दियाटे मंडीके, “हे प्रभु, बाटे के आलेके घालेच, आले भेट्टीयु होना।” 9 यीशु नी दिकुटे मंडीके, “हे फिलिप्पुस, इंज येटो दिन टे आपे सेंग्गोन मेना एठा चोच आपे इंज्के बान हाडाई? जो कोरोनी इंज्के डोकेमी डीचनी इंजा बाटे परमेश्वर के डोकेनेच होय: आम चोया मंडीवा होय कि बाटे के आलेके घाले? 10 इंज बाटेन परमेश्वर होय एठा इंज बाटेन परमेश्वर होय। चोच आम इनी बातो लिंजेन विश्वास बान दोडो? इनी बातो जो इंज अमाटे मंडीवा मेना इंज कोंटे बान मंडी, पेनो इंजा बाटे परमेश्वर इंजा तलान थंदळ टे डीका दडावा होय जो चाहतावा होय। 11 इंजा विश्वास डाए कि इंज बाटे गेन मेना, एठा बाटे इंजा गेन होय। बानकी जो अचम्बो कामय इंज्नी डाके होय, डेगा वोजीटे इंजा विश्वास डाए।” यीशु गा जीमू टे प्रार्थना 12 इंज आपेटे सच्चो-सच्चो मंडीवा मेना, जो इंजा विश्वास दोडोवा होय, इनी कामय जो इंज दडावा होय देटेन भी डाएवा, एनेटेभी खापेट कामय डाएवा, चोयाकी इंज बाटे गा मेरान सेनेवा मेना। 13 जो चोचकाभी आपे इंजा जीमू टे आसेवा, डीका इंज डाएवा, ताकी कोण गा द्वारा बाटे गा महिमा डायु। 14 अगर आपे इंजा जीमू टे चोचकाभी आसेवा, मेटे इंज डीके डाएवा। पवित्र आत्मा गा हुकूम 15 “अगर आपे इंजाटे प्यार डोएबा होय, मेटे इंजा हुकूम गा पालन डाएवा। 16 बाटे टे बिनती डाएवा, एठा देटेन आपेके म्या एठा मदत मिठाच जेच्बा, कि देटेन हमेशा आपेगा सेंग्गोन थंदळकु। 17 मतलब देटेन डी पवित्र आत्मा होय, जो परमेश्वर गा बारेन सत्य के ओडेवा होय, डीचके दुनिया गा कुरकू मनेन नेज बाने, चोयाकी देटेन न डीचके दोडोवा होय एठा न डीचके हाडाई होय: आपे डीचके हाडाई होय चोयाकी देटेन आपेगा सेंग्गोन थंदळवा होय एठा देटेन आपे तलान थंदळवा होय।” 18 “इंज आपेके अनाथ बान आरा, इंज आपेगा मेरान हेजेवा। 19 थोळाका टेमो गेन दुनिया गा कुरकू इंज्के बान दोडो, आपे इंज्के डोकोम्बा चोयाकी इंज डाबोलटे जीटाऊवा एठा इनिघल्जी आपे भी जीटाका थंदळवा। 20 जब इंज डाबोलटे जीटाका हिराबा, मेटे आपे चिनाएवा कि इंज इंजा बाटे तलान मेना एठा आपे इंजा तलान एठा इंज आपे तलान 21 जो इंजा हुकूम हाडाई होय एठा डेगा पालन दडावा होय, डीचका इंजाटे प्यार दोडोवा होय एठा जो इंजा प्यार दोडोवा होय, दियाटे इंजा बाटे प्यार डोएबा, एठा इंज दियाटे प्यार डोएबा एठा इंज खुदके दिया लिंजेन ओडेवा।” 22 चेलाकू तलाटे म्या दियागा जीमू यहूदा डा। लेकिन देटेन यहूदा इस्करियोती बान डा। यहूदा नी यीशु टे कोम्बाराके, “हे प्रभु, चोया आम खुदके आले लिंजेन ओट दडा चाहतावा होय एठा दुनिया गा कुरकू लिंजेन बाने?” 23 यीशु नी डीचके जवाब जीके, “इंज खुदके येनेगो कुरकू लिंजेन ओटबा मेना, जो इंजाटे प्यार दडावा एठा जो इंजा शिक्षा गा पालन दडावा होय। एठा इंजा बाटे दियाटे प्यार डोएबा, आबु दियागा मेरान हेजेवा, एठा आबु दियागा सेंग्गोन थंदळवा।” 24 जो इंजाटे प्यार बान दडा, देटेन इंजा हुकूम गा पालन बान दडा, एठा जो वचन आपे आजोम्बा होय देटेन इंजा बाने पेनो बाटे गा होय, डीचनी इंज्के कुल्लेमी होय। 25 “इनी बातो इंज्नी आपेगा सेंग्गोन थंदळ टेका आपेटे मंडीके होय। 26 पेनो मदत मिठाच मतलब पवित्र आत्मा डीचके बाटे नी इंजा हाक गा सेंग्गोन कुलेच्बा, पवित्र आत्मा आपेके सेबाई बातो इथूकोम्बा एठा जो चोचकाभी इंज्नी आपेटे मंडीके होय, पवित्र आत्मा सेबाईका आपेके यादो जेबा।” यीशु गा शान्ति गा उपहार 27 इंज आपेके शांती जेबा मेना। खुद गा शांती इंज आपेके जिऊवा मेना। जैसा दुनिया जिऊवा होय, डेनोगो इंज आपेके बान जिऊ। आपेगा मन परेशानु बाकी एठा हिगरा बाकी। 28 आपेनी आजुम्के होय, कि इंज्नी आपेटे मंडीके, इंज सेने लक्के मेना एठा आपे मेरान डाबोलटे हिराबा, अगर आपे इंजा प्यार दडावा, मेटे इनी बातो टे खुशीव डा, कि इंज बाटे मेरान सेने लक्के मेना। चोयाकी बाटे इंजाटे खाट होय। 29 इंज नका इनी सेबाई बातो गा डाऊटे पेला मंडीके होय, कि जब देटेन डाएन, मेटे आपे इंजा विश्वास डाए। 30 इंजा मेरान आपेटे बातो घल्जी जदा टेमो बाऊ, चोयाकी इनी दुनिया गा खाट कोरो हेजेवा होय एठा इंजा लिंजेन दियागा चोचका हाक बाऊ होय। 31 इंज डेनेगोका दडावा मेना जैसा बाटे नी इंज्के हुकूम जिले ताकी दुनिया गा कुरकून पता घैय्यु कि इंज बाटे टे प्यार दडावा मेना। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation