ಯಾಕೊಬ್ 5 - गवली उनाई नियमडामा कोरोकु के सलाह 1 नका आपे जो लकपति होय, आजोमे, आपे कुरकू के जाम एठा चिल्लातिंजे होना, चोयाकी तखलिफनौर आपे लिंजेन हेजे मिनी होय। 2 आपेगा डामा नाशोयेन होय एठा आपेगा कपळेनौर गेन किळाकु घैय्ये। 3 आपेगा सोना-चाँदी गेन जंगो घैय्ये मेना होय। एठा डी जंग आपेगा खिलाफ गवाही जेबा, एठा सिंगेल गा रोंगो आपेगा नाशो डाएवा। फिरभी आपेनी इनी आखरी दिननौर गेन डामा जामाके होय। 4 आजुमे, जो मुंजीरीकु नी आपेगा खिटीन कामय डावे, दिकुगा मुंजीरी जो आमनी दिकुके बान जिडुका, डी मुंजीरीकु गा जाम गा आवाज आजुमे। सेनाकु गा प्रभु नी डी मुंजीरीकु गा जाम गा आवाज आजुम्के होय, दिकुनी अमागा आनाजो हिरके होय। 5 आपे कुरकू नी पृथ्वी लिंजेन सुख एठा भोगविलास गा जीवन बितातिंज्के होय। आपेनी बस आपेगा सुख गा घल्जी जीवन बितातिंज्के होय एठा इनी रोंगो टे, इनिघल्जी आपेनी खुदके परमेश्वर गा द्वारा न्याय दडा गा घल्जी तैयार डाके होय। 6 आपेगा चोच्काभी विरोध बान दडुका, मेटे भी धर्मी के दोषी ठहरातिंजटे घोच्केकु होय। आराम्बोटे दोडो 7 इनिघल्जी हे इंजा विश्वासी डाईचो, प्रभु गा डाबोलटे हेजे टाएन आराम्बो उठाये, जैसा कि खिटी बिबीट कोरो हेजा खिटी गा घोनेच डामा फल गा आसा दोडो टाएन सुटू गा एठा आखरी डा घामा डाऊ टाएन आराम्बो दोडोवा होय। 8 डीका रोंगो टे आपे भी आराम्बो डोए, एठा हिम्मत बाकी हरातिंज, चोयाकी प्रभु जल्दीका हेजेमिठाच होय। 9 हे इंजा विश्वासी डाईचो, इनिज-दिया लिंजेन आनोवा बाकी तोटाका, ताकी आम गुनेगार बाकी ठहरातिंजू, चोयाकी फैसला दडामिठाच हेजे गा घल्जी तैयारके होय। 10 हे इंजा विश्वासी डाईचो, दिकु परमेश्वर गा कोनेटे मंडीमिंकू नी प्रभु गा जीमू टे बातो डावे, दिकुके कासु तुटूल गा एठा आराम्बोटे दोडो गा म्या नमूना सामझातिंजे। 11 आले आराम्बो दोडो मिठाच के धन्य मंडीवा होय। आपेनी अय्युब गा आराम्बो गा बारेन मेटे आजुम्के होय, एठा प्रभु कोनेटे जो दियागा ईनाम डायेन डीकेभी चिनाए होय, देटे प्रभु गा अत्यनत कारुना एठा दया ओटबा होय। 12 पेनो हे इंजा विश्वासी डाईचो, सेबाई टे कास बातो इनी होय, कि कासोम बाकी जोम। न स्वर्ग गा न पृथ्वी गा, न तुनिका एठा चीजो गा, पेनो आपेगा बातो चितो हां गा हां, एठा बाने गा बाने होना, ताकी आपे दण्डो गा लायको बाकी ठहरातिंजू। विश्वास टे भेट्टिके प्रार्थना गा शक्ती 13 अगर आपेन नी जेका मुसीबात बादेन टासो मेटे डीच प्रार्थना डाए, अगर खुशीके होय, मेटे डीच स्तुति गा भाजन सिरिंजे। 14 अगर आपेन नी जेका बिमार होय, मेटे मसीह गा मंडली गा जुनाकु के हाकोकेकु, एठा दिकु प्रभु गा जीमू टे दिया लिंजेन जैतून सुनूम येंडाटे दियागा घल्जी प्रार्थना डाए। 15 एठा विश्वास गा प्रार्थना गा द्वारा बिमारी बचातिंजूवा एठा प्रभु डीचके साजाएच्बा। अगर डीचनी पापो भी डाके होय, मेटे परमेश्वर डीचके मापोएच्बा। 16 इनिघल्जी आपे आपेन का गेन इनिज-दियागा सम्मान आपना-आपना पापो के काबुल डाए। एठा इनिज-दियागा घल्जी प्रार्थना डाए, देटे साजायु। धर्मी कोरो गा प्रार्थना टे आसर टे घोनेच चोचका डाऊवा होय। 17 परमेश्वर गा कोनेटे मंडीमिठाच एलिय्याह भी मेटे आलेगा रोंगो कासु-सुख भोगो कोरो डा। डीचनी सच्चाई टे प्रार्थना डावे, कि डा बाकी बोचो, एठा साळे आफाई साल टाएन ओटे लिंजेन डा बान घामाडूका। 18 डाबोलटे डीचनी प्रार्थना डाके, मेटे बदळा टे डा घामाएन, एठा ओटेन सिंज पेडायेन। 19 हे इंजा विश्वासी डाईचो, अगर आपे कुरकू तालाटे जेका सच्चो गा कोरा टे भटकातिंजे एठा जेका दूसरा डीचके डाबोलटे सालेच, 20 मेटे आपे इनी चिनाया, कि जो तुनिका पापी के बुरा कोरा टे डाबोलटे सेगेच्बा होय डीच दियागा आत्मा के गुजूटे बचातिंजेवा होय एठा दियागा घोनेचका पापो उगुरेवा होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation