ಯಾಕೊಬ್ 2 - गवली उनाई नियमपक्षताप गा पापो 1 हे इंजा विश्वासी डाईचो, आपे आलेगा महिमा टे भेट्टिके प्रभु मसीह यीशु गेन विश्वास दडामिंकू कुरकू होय, इनिघल्जी आपे पक्षपात टे लेंक्की थंदळे। 2 मानतिंजे, कि म्या कोरो सोना गा मुंडी एठा अच्छा कपडे उरिके लठ्ठा आपेगा मण्डली गेन हेके एठा म्या गिरबो भी मेलो कपडे उरीटे हेके, 3 एठा आपे डी अच्छा कपडेमिठाच के एठाभी महत्व जीटे मंडे, “आम येटेन अच्छा जगान सुबाने,” एठा डी गिरबो टे मांडे, “अमा देटेन टेंगेने,” या “इंजा नंगा मेरान इटान सुबाने।” 4 मेटे आपे आपेगा आपेंका एठा बुरा मकसदनौर गा आधार लिंजेन निर्णय सा गा घल्जी भेद-भाव पैदा दडा घल्जी दोषी होय। 5 हे इंजा विश्वासी डाईचो आजुमे, परमेश्वर नी इनी दुनिया गेन गिरबो कुरकू के कलामजेकु होय, कि दिकु विश्वास गेन लकपाती आरुयु एठा दियागा राज्य गा हिसा आरुयु। 6 पेनो आपेनी डी गिरबो गा बेईज्जती डाके। आमेन हाडाई होय कि लकपति कुरकू का दिकु होय, जो आपे लिंजेन अत्यचार दडावा होय। दिकुका आपेके न्याय जगा गेन ओळटे साकोम्बा होय। 7 दिकु यीशु मसीह गा उत्तम जीमू गा खिलाफबेन दडावा होय, आपे डी समूह गा मंडीयुवा होय। 8 पवित्र ग्रंथ गा रोंगो राज्य गा नियम इनी, “आम आपना मेराकुटे आपना रोंगो प्यार डोए”, सच्चोका जब आपे डी नियम के पुराएवा होय, मेटे अच्छा दडावा होय। 9 पेनो अगर आपे अमा-इंजा दडावा होय टासो, मेटे पापो दडावा होय। एठा मूसा गा नियम आपेके गुनेगार ठहरातिंजकोम्बा होय। 10 चोयाकी जो जेकाभी मूसा गा नियम गा सेबाई पालन डाए, पेनो तुनिकाभी म्या नियम के ममानातिंजेन चूकाएन टासो, मेटे डीचके सेबाई बातोनौर गेन दोषी ठहरातिंजूबा। 11 चोयाकी कि जेनी इनी मंडीके, “आम आनोवा बाकी दडा”, डीच्कानी इनी भी मंडीके होय, “आम घोगेच बाकी” इनिघल्जी अगर आमनी आनोवा मेटे बान दडुका, पेनो घोच्केनेच, इनिका खिजा मूसा गा नियम गा आपेके गुन्हा ठहरातिंजके होय। 12 इनिघल्जी आपेगा बातो चितो एठा आपेगा स्वाभव डी कुरकू रोंगो होना, दिकुगा न्याय आजादी जिऊ मिनी नियम गा रोंगो डाऊवा। 13 जेनी दया बान दडुका, दियागा न्याय बिना दया गा होंगा। चोयाकी दया न्याय लिंजेन जीटाऊवा होय। विश्वास एठा कामय 14 हे इंजा विश्वासी डाईचो, अगर जेका मांडे कि इंजेन प्रभु यीशु गेन विश्वास होय, पेनो डेगा रोंगो आचरण बान दडा, मेटे दियाटे चोच फायदा? येनोगो विश्वास चोलाकाभी दियागा उध्दार बान डाए सकतावा होय। 15 अगर तुनिका विश्वासी डाई या बोकजाई के कपडेनौर गा जरुरत होय, एठा दिकुन हारेक दिन आटा गा कामी होय, 16 एठा आपे तलाटे जेका दियाटे मांडे, “प्रभु आपेके आशीर्वाद जे, चाटा-चाटा कपळे उरे एठा लजा भेट्टी जोमे एठा शांती थंदळे,” पेनो जो चीजोनौर कोम्बोर गा घल्जी जरुरी होय, अगर आपे दिकुके बाकी जिऊ, मेटे चोच फायदा डाऊवा? 17 अगर जेका गा परमेश्वर लिंजेन विश्वास कामय गा द्वारा ओट बाने, मेटे दियागा विश्वास गेन जीवन बाऊ होय। 18 अगर जेका मंडी सकतावा होय, “इंजेन विश्वास होय, एठा आम कामय दडावा मेना।” पेनो इंज मंडीवा मेना, आम अमागा विश्वास इंज्के कामय गा बिना टीपे। एठा इंज इंजागा विश्वास इंजा अच्छा कामय गा द्वारा आमके टिपेवा। 19 पक्का का आमेन विश्वास होय कि म्याका परमेश्वर होय, इनी आम सही एठा अच्छा दडावा होय। इनी मेटे भूतोकु भी विश्वास दोडोवा, एठा कपातिंजुवा होय। 20 पेनो हे बेवकुफ कोरो चोच आम इनी भी बान हाडाई, कि अच्छा कामय बिना विश्वास वोया होय? 21 पक्का का आलेगा जुनाकु अब्राहम नी हेजा कोणटे इसहाक के वेदी लिंजेन पेळेचकेनेच, मेटे डीच हेजा कामयनौर टे धर्मी आरोएन। 22 आमनी डोके कि विश्वासनी दियागा कामयनौर गा सेंग्गोन बेल्लाटे आसर डाके होय एठा कामयनौर टे विश्वास पक्काएन। 23 एठा पवित्र ग्रंथ गा इनी वचन सच्चो ठहरातिंजे, “अब्राहम नी परमेश्वर गा लिंजेन विश्वास डाके, एठा इनी दिया घल्जी धार्मिकता उम्नाएन,” एठा डीच परमेश्वर गा सोप्ती मंडीके। 24 आपेनी डोके, कि कोरोकु बस विश्वास टेका बाने, पेनो दियागा अच्छा कामयनौर गा द्वारा धर्मी ठहरातिंजे होय। 25 डेनोगोका राहाब वेश्या नी भी जब डीचनी खाबोर जिऊ मिंकूके भी हेजा उरान जगा जीके, एठा दूसरा कोरा टे बिडाकेकु, मेटे दियागा इनी कामय गा द्वारा डीच धर्मी ठहरातिंज्के। 26 जैसा कोम्बोर आत्मा गा बिना गोएन मेना होय, डेनोगोका विश्वास भी कामय बिना गोएन मेना होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation