ಇಬ್ರಿಯ 8 - गवली उनाई नियमस्वर्गीय खाटयाजक 1 नका जो बातो आले मंडी लक्के होय, डी सेबाई टे खाट बातो इनी होय, आलेगा म्या येनोगो खाटयाजक होय, जो स्वर्ग गेन सेबाई टे महान परमेश्वर गा सिंघासन गा डाखुरी कोनेन सुबांके होय। 2 एठा आलेगा खाटयाजक महा चोखरा जगान सेवा दडावा होय, जो सच्चो पेळा जगा स्वर्ग गेन होय एठा डीच कोरोकु द्वारा बाने बनकी परमेश्वर द्वारा आरुके मेना होय। 3 चोयाकी हर म्या खाटयाजक भार एठा बलिदान पेपेळेच गा घल्जी कलामकेनेच होय, इनिघल्जी इनी जरुरी होय कि आलेगा खाटयाजक गा मेरान पेपेळेच गा घल्जी चोच्का होना। 4 अगर यीशु पृथ्वी लिंजेन थंदळवा, मेटे डी यहूदी याजक भी बान थंदळ, चोयाकी दुनिया गेन मूसा गा नियम गा रोंगो भेंट पेपेळेचमिठाच याजक मेटे होय। 5 दिकु म्या येनोगो आराधना जगा गेन आराधना दडावा होय, जो स्वर्ग गा टाकूगा रुपो एठा साइलीका होय। इनिका वाजा होय कि जब मूसा डेरा आरुमिठाच डा, मेटे डीचके परमेश्वर गा कोनेटे इनी हुकूम घाटाएन, “डोगे, जो नमूना आपेके टुक्की लिंजेन टिपीके मेना, डेगा रोंगो आपे सेबाईका आरुकी।” 6 पेनो मसीह यीशु के जो सेवा घाटाएन डा डीच डी याजककु गा सेवा टे भी उत्तम डा। चोयाकी डीच जो उनाई करार गा तालाबिचो होय, डी वादा टे अच्छा होय एठा उत्तम चीजोनौर गा वादानौर लिंजेन आधरित होय। परमेश्वर गा द्वारा जीकेमिनी पेला करार 7 अगर परमेश्वर गा द्वारा जीकेमिनी पेला करार, पुराका डाके धारे, मेटे दियागा जगान परमेश्वर गा द्वारा जीकेमिनी उनाई करार गा जरुरत का बान डाऊ। 8 परमेश्वर डी कुरकू लिंजेन आनोवा तोटाका लठ्ठाका मंडीवा होय, डी दिन हेजे लक्के होय, जब इंज इस्राएल गा उरा गा घल्जी एठा यहूदा गा उरा गा घल्जी परमेश्वर गा द्वारा जीकेमिनी उनाई करार सुबनेच्बा। 9 इनी डी परमेश्वर गा द्वारा जीकेमिनी पेला करार गा खिजा बान डाऊ, डीके इंज्नी दिकुगा जुना सनाकु गा घल्जी डी टेमो ठहरातिंजेवा डा, जब इंज्नी दिकुके मिस्र देशो टे ओट गा घल्जी दिकुगा टीन जिकेकु डा। प्रभु इनी मंडीवा होय, दिकु इंजा करार गा सेंग्गोन विश्वास लायको बान थंदळकु, इनिघल्जी इंजभी दिकुगा अंदजो बान साडुका। 10 प्रभु इनी मंडीवा होय कि जो उनाई करार इंज हेजे मिनी दिननौर गेन इस्राएली कुरकू गा सेंग्गोन टोलेवा, डी इनी होय कि, इंज इंजागा नियम दिकुगा मन गेन येंडाएवा, इंज दिकुके दिलेन ओलेवा। इंज दिकुगा परमेश्वर आरुवा एठा दिकु इंजा प्रजा आरुवा। 11 येनेगा जरुरत बान थंदळ कि देशो मिंकू इनिज-डीचके शिक्षा जे यानेकी डाईचो-बोकाजाईचो इनिज-दियाटे मंडे, प्रभु गा ज्ञान हासिले, चोयाकी सानी एठा खाट, सेबाईकु गा सेबाईकु इंज्के हाडाईकोम्बा। 12 “इंज दिकुगा अपराध मापो कीवा एठा दिकुगा पापो के यादो बान दोडो।” 13 परमेश्वर इनी वादा के “हेजा द्वारा जीकेमिनी उनाई करार” मंडीटे हाकोवा होय। इनिघल्जी परमेश्वर ने आपना द्वारा जीकेमिनी पेला वादा के रद्दके मेना होय, जो जुनाएन मेना होय। डी स्यागुन होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation