ಇಬ್ರಿಯ 6 - गवली उनाई नियमभटकातिंजू गा परिणाम 1 इनिघल्जी हेजे मसीह गा बुनियादी शिक्षानौर गा बातो के आराटे, परिपक्व शिक्षानौर गा बारेन बिचार डाए। नका आले गुजू गा कोनेन सा मिनी पापोमय कामयनौर टे मन बदलातिंजटे, परमेश्वर गेन विश्वास, बपतिस्मा सम्बन्धी शिक्षा, विश्वासी कुरकू लिंजेन टी धोटे आशीर्वाद जिऊ गा शिक्षा, गुजू गा डाबोलटे एठा हमेशा दण्डो जैसा शिक्षानौर गा पाईय्या डाबोलटे बाकी येंडा, बनकी दिकुगा मठान बिडे। 2 एठा बपतिस्मा एठा जेका लिंजेन टी धोटे आशीर्वाद जिऊ गा विधी, एठा गोएन मिठाच जाटे जीटाऊ, एठा हमेशा गा दण्डो गा शिक्षारुपो पाईय्या, डाबोलटे बाकी येंडा। 3 अगर परमेश्वर आलेके मौका जे, मेटे आले परिपक्व शिक्षा गा सेंग्गोन सम्मान बळातिंजुवा। 4 चोयाकी जो कुरकू इकुगा विश्वास के आरागेवा होय, दिकुके डाबोलटे मन बबादला गा स्थिती टाएन डाबोलटे बान सेगु सकता। दिकुनी म्या बार परमेश्वर गा सच्चाई के चिनाये डा एठा स्वर्ग टे वरदान घाटाएन डा, एठा दिकुनी अलग्गो कुरकू गा सेंग्गोन बेल्लाटे पवित्र आत्मा घाटाएन डा। 5 दिकुनी अनुभव डाके डा, कि परमेश्वर गा कोनेटे हेजे मिनी वचन अच्छा होय एठा दिकुनी डी टेमो गा शक्तीगा अनुभव डाके डा जो हेजे मिनी होय। 6 अगर डीच विश्वास टे भटकातिंजे टासो, मेटे दिकुके डाबोलटे मन बबादला गा कोरा लिंजेन सा असम्भव होय, चोयाकी दिकु खुद परमेश्वर गा कोण के डाबोलटे क्रूस लिंजेन पेळेजेच्बा होय एठा डीचके सेरोमेज्बा होय, डेगा वोजीटे अलग्गो कुरकू मसीह के नीचा डोगेवा होय। 7 जो कुरकू के अच्छा शिक्षा घाटाएन, दिकु डी ओटे गा खिजा होय डे लिंजेन बार-बार डा घामावा होय। अगर ओटे अच्छा होय, मेटे इनी खिटी मिठाच अच्छा आनाजो जेबा होय एठा एने लिंजेन परमेश्वर गा आशीर्वाद डाऊवा होय। 8 पेनो अगर डीच जानोम एठा मेंडाकू जानोम ओडेवा होय, मेटे डीच बेकार होय। डीच परमेश्वर गा द्वारा श्रापित डाऊवा एठा सिंगेल टे जुलेबा। 9 इंजा प्यारे डाईचो! लेकिन आले इनी रोंगो मंडी लक्के होय, फिरभी आलेन पक्का होय कि आपे कुरकू गा हाल एनेटे चोटोका अच्छा होय एठा आपे उध्दार गा कोरा लिंजेन सेन्द्रावा होय। 10 जैसा आपेनी अच्छा कामय डाके होय, एठा आए भी आपे परमेश्वर गा जीमू गेन परमेश्वर गा कुरकू गा घल्जी प्यार गा सेंग्गोन सेवा गा कामय दडा लक्के होय, इनिघल्जी परमेश्वर आपेके बान भुबल्ला। चोयाकी डीच धर्मी होय। 11-12 इनिघल्जी आपे आळसी बाकी आरु। आले घोनेच चाहतावा होय कि काळक्को मेहनत दडामिठाच गा खिजा आपेके आखरी टाएन आराम्बो एठा विश्वास गा सेंग्गोन मजबूत आसा दोडो लठ्ठाका इनी कामय के दडा चलुका दोडो होना, ताकी परमेश्वर गा वादा के हासिले, आपे आळसी बाकी आरु, बानकी डी कुरकू गा रोंगो डाए, जो आपना विश्वास एठा हिम्मत गा वाजा वादा गा उत्तराधिकारी डाऊवा होय। विश्वास लायको हुकूम 13 परमेश्वर नी जब अब्राहम टे करार डावे डा, मेटे डीचनी हेजा जीमू गा कासोम जोवे, चोयाकी दियाटे खाट जेका बाऊ डा, दियागा जीमू साटे डीच कासोम जोवे। 14 एठा डीचनी मंडीके, “इंज आपे लिंजेन आशीर्वाद बरसातिंजेवाका एठा आमगा खान्दान के बाळतिंजेवा।” 15 एठा इनी रितो टे अब्राहम घोनेच टेमो टाएन आराम्बो दोडो गा बादोन करार गा फल हासिलजे। 16 कुरकू इकुटे खाट गा जीमू रिमटे कासोम जोवे होय। दिकु तालाटे कासोम द्वारा कथन के साबित देवा होय एठा सेबाई हिंजमान स्यायुवा होय। 17 इनिका वोजीटे परमेश्वर नी भी म्या कासोम सावे। इनिजगा द्वारा डीच डी कुरकू के दिकुटे वादा डाके मेना डा सपा रुपोटे घागल चाहता डा, कि डीच डीके पुराएवा डेगा डीचनी वादा डाके डा। 18 मेटे डाबोलटे इनी बरी बातो होय डेगा वादा एठा दियागा कासोम जो चोलाकाभी बान बदलातिंजू एठा दिकुगा बारेन परमेश्वर चोलाकाभी लाबाळ बान मंडी साकता। इनिघल्जी आले जो परमेश्वर गा मेरान सुरक्षा घगाटा हेन होय, एठा जो आसा डीचनी आलेके जिले होय, डीके रोकातिंज्का डोकी। 19 आलेगा इनी आसा यीशु मसीह गेन आलेगा आत्मा के पक्का एठा मजबूत डाएवा होय। डीच आलेके परमेश्वर टे लेंक्कीन डाए बाने, बनकी इनी आलेके मंदिर गा परमपवित्र जगान परमेश्वर गा मेरान आदिरके होय। 20 यीशु आलेटे सम्मान एठा आलेगा घल्जी स्वर्ग गेन ओले होय। चोयाकी डीच मेलिकिसिदक गा खिजा हमेशा गा घल्जी खाटयाजक आरोएन मेना होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation