ಇಬ್ರಿಯ 4 - गवली उनाई नियमआराम्बो जगान मु 1 इनिघल्जी जब कि परमेश्वर नी आलेटे वादा डाके होय कि आले दियागा आराम्बो जगान सेनेवा, मेटे आले उशार थंदळकु, तोटेनका एनोगो बाकी डाऊ कि आपे तालाटे तुनिका कोरो डी वादा गा जागान मुटे अनजान थंदळजू। 2 जैसा आलेनी यीशु मसीह गा बारेन अच्छा खाबोर आजुम्के, डेनोगोका इस्राएल गा कुरकू नी भी आराम्बो गा जगान मुगा खाबोर आजुम्के। पेनो दिकुनी एने लिंजेन विश्वास बान दडुका। एठा दिकुके एनेटे चोच्का फायदा बान दडुका। 3 इनिघल्जी आले कुरकू जो परमेश्वर गा मंडीके डी बातो लिंजेन विश्वास दडावा होय, आराम्बो जगान मुवा। पेनो दूसराकु गा बारेन, परमेश्वर नी मंडीके, “इंज्नी इंजा खीजो गेन कासोम जोवे, कि दिकु इंजा आराम्बो जगान मु बाने।” पेनो आले हाडाई होय, कि इनी आराम्बो जागा जो आए होय, डीच दुनिया गा आरु गा टेमो तैयारके डा। 4 चोयाकी याईय्या दिन गा बारेन परमेश्वर नी पवित्र ग्रंथ गेन इनी खिजा मंडीके होय, “परमेश्वर नी याईय्या दिन हेजा सेबाई कामयनौर के स्याटे आराम्बो डावे।” 5 एठा पवित्र ग्रंथ गेन डाबोलटे इनी ओल्के होय कि, “दिकु इंजा आराम्बो जगान मु बानेका।” 6 इस्राएल गा डी कुरकू के जब पेला बार अच्छा खाबोर के घाल्के मेना डा, दिकुनी विश्वास बान दडा गा वोजीटे आराम्बो जागान मुयू बाकी होना। पेनो अदा कुरकू गा घल्जी डी आराम्बो जगान सेने गा मौका आए भी होय। 7 इनिघल्जी परमेश्वर नी हेजा आराम्बो जगान मुगा घल्जी म्या एठा टेमो तय डाके, एठा डी टेमो “टाइंज” होय। एठा डीच घोनेच साल गा बदोन दाऊद गा चाभु टे इनी वचननौर गा एलान डाके, जो पेलाटेका मंडीके मेना डा, “टाइंज जब आपे परमेश्वर गा आवाज आजुमे, मेटे डीके आजुमटे इंकार बाकी दडा।” 8 एठा इस्राएल गा कुरकू गा बारेन, अगर यहोशू नी दिकुगा अगुवाई डाटे दिकुके डी आराम्बो गा जगान मुकेकु डा, जो परमेश्वर नी तैयार डाके डा, मेटे डाबोलटे इनी जरुरी बान डाऊ डा कि परमेश्वर आलेके डाबोलटे म्या अलग्गो टेमो गा बारेन घागलवा जब कुरकू के डेन मु डाएवाका। 9 परमेश्वर गा कुरकू गा घल्जी इनी आए भी संभव होय कि दिकु डीका खिजाटे आराम्बो डाकी होना जैसा परमेश्वर नी दुनिया गा आरु गा बादोन याईय्या दिन आराम्बो डाके डा। 10 चोयाकी परमेश्वर नी हेजा कामय सिस्या गा बादोन आराम्बो डाके। एठा इनी दिकु सेबाईकु गा घल्जी म्याका रोंगो होय, जो परमेश्वर गा मेरान आराम्बो दडा सेनेवा होय। डीच हेजा गा कामय स्याएन गा बादोन आराम्बो डाएवा। 11 इनिघल्जी आले डी आराम्बो जगान मुगा कोशिश डाए, एठा तुनिकाभी कोरो के डी कुरकू गा नकल बाकी दडा होना, दिकुनी परमेश्वर गा हुकूम ममानातिंज टे इंकार डाके। 12 चोयाकी परमेश्वर गा वचन जीटा, ताकतवर एठा तुनिकाभी धारी मिनी तलवार टे तेजो होय। डी जान एठा आत्मा गा, यानेकी ग्रंथनौर एठा मज्जा गा खोल टाएन आदिरुवा एठा आलेगा दिल गा भावनौर मतलब बिचारनौर के चिचानावा होय। 13 एठा दुनिया गा तुनिकाभी चीजो परमेश्वर टे उखुके बाऊ होय, पेनो जो चोच्काभी आलेनी आलेगा जीवन गा दौरान डाके होय, आलेके डीचके डी हर कामय गा हिसाब जिऊ होना। चोयाकी दियागा सम्मान सेबाई चीजोनौर खुल्लाके एठा ओटके होय। आलेगा महान खाटयाजक 14 यीशु जो स्वर्ग गेन ओले होय, डीच परमेश्वर गा कोण होय। डीच आले सेबाईकु गा महान खाटयाजक होय। इनिघल्जी हेजे आले डी विश्वास के आराके बिना मजबूत टे आरुका थंदळे देटे आलेनी सेबाईकु गा सम्मान मनातिंज्के डा। 15 इनी खाटयाजक, जो यीशु मसीह होय, आलेगा हर म्या कमजोरी के समझातिंजेवा होय। यानेकी शैतान नी जैसा आलेटे अंदजो साय्ये डा, डेनोगोका दियाटे भी अंदजो साय्ये डा, डाबोलटे डीचनी तुनिका पापो बान दडुका। 16 इनिघल्जी हेजे आबु बिना तुनिका हिगरा गा परमेश्वर गा सिंघासन गा मेरान सेंजू जो कृपा टे भेट्टिके मेना होय, मेटे परमेश्वर आलेके दया डाएवाका, एठा आलेगा जरुरीनौर गेन डीच आलेगा मदत डाएवा। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation