ಇಬ್ರಿಯ 12 - गवली उनाई नियमपरमेश्वर आलेगा बाटे होय 1 इनिघल्जी जब विश्वास गा गवाही जिऊमिंकू कुरकू एटो खाट संख्या गेन आलेगा उफुन भी कोनेन होय, मेटे आले हर रेंगो गा आळी-आळचोन लक्कीन डाटे, एठा डी पापोनौर के आराटे जो लक्ष्य टे जल्दीका आलेगा ध्यान के आतेरेवा होय, एठा यीशु लिंजेन आबुगा ध्यान येंडाटे हिम्मत गा सेंग्गोन डी साळूप गेन सम्मान बाळतिंजू लक्के, डेन आलेन सळुप गा घल्जी परमेश्वर आलेगा घल्जी योजन आरुवा होय। 2 मेटे हेजे आबु यीशु लिंजेन आबुगा नजर येंडाका डोकीवा, दिया लिंजेन आलेगा विश्वास पेलाटेका आखरी टाएन भोरोसा दडावा होय। डीचनी क्रूस गा वोजीटे हार बान मनातिंजडुका! येनेगा विपरीत, डी खुशी गा वोजीटे जो दियागा इंतजार दडा लक्के डा, डीचनी क्रूस लिंजेन गुजू गा अपमान के सेहेनजे, एठा परमेश्वर गा सिंघासन गा जेवना कोनेन सुबानजे। परमेश्वर द्वारा सुधरातिंजू गा सजा 3 कही एनोगो बाकी डाऊ कि आपे कुरकू निराशो डाटे हिम्मत हारातिंजू, इनिघल्जी आपे यीशु गा बारेन यादो डाए चाले, डीचनी पापीकु गा एटो घोर खिलाफ सहेनके। 4 चोयाकी नका टाएन आपेके पापो टे संघर्ष दडा गेन डी बातो के बान आजुमडूका कि आपेके कुरकू गा द्वारा घोच्केमी मेना होय। 5 चोच आपे कुरकू पवित्र ग्रंथ गा इनी बातो भुलाके होय, डेनेन परमेश्वर आपेके कोण मंडीटे संबंध दोडोवा होय? “इंजा कोंकु! प्रभु गा कोनेटे सुधरातिंजू गा सजाके नजरअंदाज बाकी दडा एठा दियागा कल्लाटे हिम्मत बाकी हरातिंजू। 6 चोयाकी प्रभु जेटे प्यार दडावा होय डीचके सजा भी होय एठा डीचके आपना कोण मानतिंजेवा होय, डीचके सुसाधरातिंजा गा घल्जी बल्खा भी मुंडाएबा होय।” 7 आपे जो सजा सेहेनेवा होय, डीचके प्रभु गा कोनेटे सुसाधरातिंजा गा सजा समझातिंजे, चोयाकी डी येनेगा सबुत होय कि परमेश्वर आपेके हेजा गा कोणटे मनातिंजटे व्यवहार डाएवा होय। तुनिकाभी येनोगो चाफ्निकु बाऊ होय, दिकुगा आंटे-बाटे दिकुके सुसाधरातिंज गा घल्जी सजा बान जिऊ होय। 8 सुसाधरातिंज गा घल्जी सजा मेटे सेबाईकु के जेबा होय, पेनो अगर आपे सुसाधरातिंज गा सजा स्वीकार बान दडा होय, मेटे आपे परमेश्वर गा हेजा गा कोणकु बान पेनो नजयादत कोणकु होय। 9 आलेगा बाटे आलेके सजा जिऊ डा एठा आले दिकुगा आदर दडा डाके डा, इनिघल्जी इनी एठाभी महत्वपूर्ण होय कि आले आलेगा आत्मिक बाटे टे सुसाधरातिंज गा घल्जी सजा ग्रहण डाए, दियाटे आलेन जीवन हसिलजुवा होय। 10 आलेगा दुनिया गा बाटे मेटे आपना समझो गा रोंगो इनी थोळा साल गा जीवन गा घल्जी आलेके तैयार दडा गा मकसद टे सजा जिऊ डा। पेनो परमेश्वर आलेगा कल्याण गा घल्जी सुसाधरातिंज गा सजा जिऊ होय, चोयाकी डीच आलेके हेजा पवित्रता गा भागीदार आरु चाहतावा होय। आत्मिक जीवन शक्तीगा उनाई पन 11 डी टेमो कल्ला को लक्के होय, डी टेमो कल्ला अच्छा बान लगतिंजू, बनकी देटेन कासु घौवा होय, पेनो दियागा बादोन डी अंदजोनौर टे इथूमिंकू के म्या धार्मिकता जीवन गा शांती पूरा ईनाम के हासिलेवा। 12 इनिघल्जी इनी सेबाई चीजो गा वाजा, मजबूत आरुये एठा बळातिंजूका। 13 एठा येटेन एठा देटेन दोडो गा बजाय, आपे यीशु गा मेरान आदिरु मिनी सीधा सडको लिंजेन सेन्द्राए, ताकी आलेगा तालान जो कुरकू आत्मिक रुपोटे कमजोर होय, दिकु भटकतिंजू बाकी होना, लेकिन दिकुगा विश्वास मजबूत होना। उपदेश एठा इशारा 14 सेबाईकु टे मेल मिलाप दोडो एठा चोखरा डाऊ गा घल्जी हर रोंगो टे कोशिश डाए, चोयाकी पवित्रता बिना जेकाभी प्रभु के चोलाकभी बान दोडो। 15 आपे ध्यान टे थंदळे, आपेटे तालाटे जेकाभी परमेश्वर गा कृपा हसिल दडा गेन बिचारु बाकी, तोटेनका येनोगो बाकी डाऊ कि डीच परमेश्वर गा कृपा हसिल दडा गेन बिचारुटे आपेगा तालान परेशानी गा वाजा आरु लज्जे। येनोगो कोरो आपे तालाटे घोनेचकु के बर्बाद डाए सकतावा होय। 16 ध्यान टे थंदळे आपे कुरकू गेन न मेटे तुनिका आनोवा होना एठा नका अब्राहम गा कुरार एसाव गा खिजा जेका अधर्मी, डीचनी म्याका बार गा आटा गा घल्जी आपना पेला कोण गा अधिकार किजिकेनेच। 17 आपे कुरकू मालूम होय, कि डीच बादोन हेजा बाटे गा आशीर्वाद हासिल चाहतावा डा, पेनो डीच अयोग्य समझातिंजे। लेकिन डीचनी जाम लठ्ठाका इनिजगा घल्जी बिनती डाके, मेटे भी मन बबादलन डीच असमर्थ थंदळके। 18 डी कुरकू एगो जागा लिंजेन डा, जब परमेश्वर नी दिकुके हेजा नियम जीके। एठा आपे कुरकू सिनाई टुक्की खिजा जागा टाएन बान आदिरडुका, डीके डोगे एठा उठाए सकतावा होय। तुनिका भायनक सिगेल या केदे बादळा या तूफान बाने होय। 19 येटेन बाने पिंगी गा आवाज होय एठा बाने मंडीमिठाच गा एगो वाणी, डीके आजुमटे इस्राएली इनी बिनती दडा डा, कि डीच डाबोलटे आलेटे चोचका बान मंडीडुका। 20 चोयाकी दिकु डी हुकुमटे हिगरायेन डा, “अगर जानवर भी इनी टुक्की के भी टोजाके टासो, मेटे डीच घोटानौर टे गुजूवा।” 21 डीच नाजरा एटो भयानक डा कि मूसा मंडी बिटजे, “इंज हिघराटे कापतिंजू लक्के मेना।” 22 आपे कुरकू सिय्योन टुक्की, जीटा परमेश्वर गा पूरा, स्वर्गीय यरूशलेम शहर गा मेरान आदिरके होय, देटेन लाखो स्वर्गदूतकु खुशी गा उत्सव ममानातिंज्बा होय। 23 आपे परमेश्वर गा सेबाई टे पेला जनम घाटाएन मिनी कोंकूटे होय, जो सभा गेन हेन होय। दिकुगा जीमू स्वर्ग गेन ओल्के मेना होय, एठा आपे खुद परमेश्वर गा मेरान हेन होय। जो सेबाई चीजोनौर लिंजेन फैसला दडामिठाच होय। स्वर्ग गेन डी धर्मी कुरकू गा आत्मानौर होय, डीके नका पूरा तरीका टे परिपक्व ठहरातिंज्केकु होय। 24 आपे यीशु गा मेरान हेके होय, जो परमेश्वर एठा आलेगा तालान परमेश्वर गा द्वारा जीकेमिनी उनाई करार गा म्याका तालाबिचो होय, आपे चेरासीके गा पचाना गा मेरान हेके होय जो हाबिल गा पचना टे चोटोका अच्छा बातो मंडीवा होय, जो बदला गा बजाय दयापूर्वक मापोकोम्बा होय। 25 आपे कुरकू ध्यान टे थंदळे। आपे मंडीमिंकू गा बातो के आजुमे। जो कुरकू नी पृथ्वी लिंजेन चेतावनी जिऊमिंकू गा आवाज के बान आजुमडूका डा, परमेश्वर गा दण्डो टे बान बचातिंजडुका टासो, अगर आले स्वर्ग टे चेतावनी जिऊमिठाच गा आवाज बान आजुमडूका होय, मेटे आले टोनोगो बचातिंजूवा होय। 26 जब परमेश्वर सीनई टुक्कीटे बातो लक्के डा, मेटे दियागा आवाज आजुमटे पृथ्वी ओखेंजे, पेनो नका डीच इनी एलान दडावा होय, “इंज डाबोलटे म्या बार एठा न बस पृथ्वी के, बनकी बदळा के भी ओखेंजेबा।” 27 एठा इनी वचन, “म्या बार डाबोलटे” इनी बातो के दर्शातिंजेवा होय, कि आरुके मिनी चीजो ओखेंजेबा एठा बाजोएवा, ताकी जो चीजो ओखेंज बाने, दिकु अटल आरुका थंदळवा। 28 आलेन जो राज्य घाटाएन होय, डी बान ओखेंजे साकता, इनिघल्जी आले परमेश्वर के धन्यवाद जे लक्के एठा दियागा इच्छा रोंगो भक्ति एठा श्रध्दा गा सेंग्गोन दियागा आराधना डाए चाले। 29 चोयाकी आलेगा परमेश्वर राखोकोम मिठाच सिंगेल होय। |
Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.
Beyond Translation